वरिष्ठ निर्देशक, कलाकार नाप रचनाकार पवन जोशीयात हने ज्या क्वचाःगु दु। लहना मिडियाया ग्वसालय् शुक्रवाः छगु ज्याझ्वः दथुइ येँ पवन जोशी सन्ध्या ११४४ ज्याझ्वःयाना जोशीयात हने ज्या याःगु खः।

नेपाली व नेपालभाषाय् जोशीया रचनाय् सच्छिुपु म्ये रेकर्डिङ जूगु लसताय् जोशीयात छगु ज्याझ्वः दथुइ हनेज्या याःगु खः। हना ज्याझ्वलय् लहना मिडियाया अध्यक्ष नृपेन्द्रलाल श्रेष्ठं जोशीयात दोसल्ला न्यय्कूगु खःसा बागमति प्रदेशया श्रम रोजगार लिसे यातायात मन्त्री प्रेमभक्त महर्जनं हनापौ लःल्हानादगिु खः।

अथेहे लहना मिडियाया व्यवस्थापक सुरेन्द्रभक्त श्रेष्ठं स्वामा क्वखागु खःसा वरिष्ठ सिने पत्रकार विजयरत्न तुलाधर, नेपाल चलचित्र व पत्रकार संघया अध्यक्ष समीर बलामी, येँ महानगरपालिका १८ वडाया अध्यक्ष न्हुछेँकाजी महर्जनपिन्स खादा न्यय्कादीगु खः। बरिष्ठ निर्देशक जोशीयात नेवाः संस्कृति कथं ख्येँय् सगं बिया हने ज्या याःगु खः।

सम्मान ग्रहणलिपा वरिष्ठ निर्देशक, कलाकार, रचनाकार जोशीं थःगु रचनाय् सच्छिपू म्ये रेकर्डिङ जूगु लसताय् जूगु थज्यागु ज्याझ्वः जुल थुकियात निति ग्वसाः खलः नाप ज्याझ्वलय् ब्बति काःपि सकसित सुभाय् बियादीगु खः। थः कला क्षेत्रय् वया थःगु अनुभव व ज्ञानयात न्हुगु पुस्तायात लःल्हायेगु थःगु न्ह्यावलय् इच्छुक दु धका धयादीसे सुयात न सय्केगु मन दु सा थःम्हेसिके दुगु ज्ञान इनेत न्ह्यावलय् तयार दु धका धायादीगु खः।

उगु ज्याझ्वलय् बागमति प्रदेशया श्रम, रोजगार लिसे यातायात मन्त्री महर्जनं कला क्षेत्रया संरक्षण व कलाकारया सम्मान यायेगु निति राज्यपाखे ठोस कुतः यायेगु लागि थःम्हेसिया न ज्या याना च्वनागु दु व मन्त्रीपरिषदय् न थ्व खँ ल्ह्वनिगु धका प्रतिवद्धता प्वकादील।

ज्याझ्वलय् येँ महानगरपालिका १८ वडाया अध्यक्ष महर्जन, नेवाः पत्रकार राष्ट्रिय दबूया केन्द्रीय वरिष्ठ उपाध्यक्ष सुनिल महर्जन, नेपाल चलचित्र पत्रकार संघया अध्यक्ष बलामीपिन्स जोशी याःगु कला क्षेत्रय् याःगु योगदानयात प्रशंसा यानादीसे थःपिनगु बिचाः तयादीगु खः।

लहना मिडियाया अध्यक्ष नृपेन्द्रलालं बरिष्ठ निर्देशक थःम्हेसिया रचना याना सच्छिगु म्युजिक भिडियो दयकूगु छगु एतिहासिक ज्या खः धका धयादीसे थज्यागु ज्या हलिमयय् आःतक सुना न याःगु दइमखु धका धयादीगु खः। अथेहे ज्याझ्वःया कजि व लहना मिडियाया व्यवस्थापक सुरेन्द्रभक्त श्रेष्ठं लहनां वःगु इलय् न स्रष्टापिन्ट हनेगु ज्या याना वयाच्वनागु दु सा वइगु इलय् न थज्यागु ज्या न्ह्यानाच्वनिइ धका प्रतिवद्धता प्वकादिल।

ज्याझ्वलय् प्रवेशमान शाक्य, सोनी राजभण्डारी, सतिश महर्जन, रत्नशोभा महर्जन, कृष्ण महर्जन, सरस्वती मानन्धर, स्वतन्त्र महर्जन, सरीता महर्जन, राजेन्द्र शाक्य, अगिना तण्डुकार, अनिल तुलाधर, शुद्धलक्ष्मी श्रेष्ठ, जयसिद्धिलक्ष्मी बज्राचार्य लगायतपि गायक गायिकापिन्स जोशी च्वयादिगु म्ये न्ह्यब्बःगु खः।

अथेहे आराध्यालक्ष्मी खड्गी, अनु महर्जन, किशोर शाही व मीरा डंगोलं जोशीं च्वयादीगु म्येय् हुलाप्याखं न्ह्यब्बयादीगु खः। उगु ज्याझ्वलय् जोशीया ११ गु म्ये हालादीम्ह कृष्ण महर्जन, न्यागु दर्जन स्वया अप्पो म्य् रेकर्डिङ याम्ह विजय मास्की व संगीत तयादीम्ह अनिल तुलाधर व जोशीया सच्छिपू म्ये हालादीम्ह सरिता महर्जनयात विशेष सम्मान लःल्हागु खः।

जोशीं २०२७ सालय् नेपालभाषाया डबू प्याखं म्हिता थुगु ख्यलय् दुहाझायादीगु खः। नेपाःइा न्हापागु मातृभाषाया संकिपा ‘सिलु’ य् न अभिनय यानादीगु खःसा नेपालभाषाया संकिपा ‘बांलाः मयजु’ पाखे बालाम्ह निर्देशकया राष्ट्रिय अवार्ड तक त्याकादीगु खः। वयकःया निर्देशनय् करीब ११५ गू म्यूजिक भिडियो निर्माण जुइ धुकुगु दु सा यक्को हे नेपाली संकिपातय् खलनायकया भूमिका अभिनय यानादी धुकुगु दु।

ताप्लेजुङय् भुखाय् ब्बःगु दु। ताप्लेजुङया खेजेनिम जःखः केन्द्रविन्दु जूया वंगु चान्ह्यः १० बजे जूया १३ मिनेटय् भुखाय् ब्बःगु खः।

उगु भुखाय् ४.१ म्याग्निच्युड मापन जूगु दु धका राष्ट्रिय भूकम्प मापन तथा अनुसन्धान केन्द्रं धाःगु दु।

बागमती प्रदेशय् कांग्रेसया प्यम्ह मन्त्री तय्स शपथ काःगु दु। प्रदेश प्रमुख यादवचन्द्र शर्मां शनिवाः छगु ज्याझ्वः दथुइ हरि प्रभा खड्गी, सुरजचन्द्र लामिछाने, मिनकृष्ण महर्जन व विमल ठकुरीपिन्स पद व गोपनीयताया शपथ काःगु खः।

मुख्यमन्त्री बहादुरसिं लामां मन्त्री हिउगु खः। लामां थःगु हे दल कांग्रेसा मन्त्रीपिनिगु जिम्मेवारी हिला न्हुगु जिम्मेवारी बिया शपथ याकूगु खः। लामां सामाजिक विकास मन्त्रालयय् हरि प्रभा खड्गीयात नियुक्त याःगु खः।

सुरजचन्द्रयात आन्तरिक मामिला व कानुन, मीनकृष्णयात युवा लिसे खेलकुद व विमलयात संस्कृति पर्यटन व सहकारी मन्त्रालय याःगु जिम्मेवारी बिउगु खः।मुख्यमन्त्री लामां वंगु बिहीवाः आर्थिक मामिला लिसे योजना मन्त्री नियुक्त जूम्ह रसुवाया प्रभात तामाङयात चिइका कुन्दन राज काफ्लेयात जिम्मेवारी बिउगु खः।

बुधवाः विनाविभागीय मन्त्रीया शपथ काःम्ह काफ्लेयात मुख्यमन्त्री लामां बिहीवाः सामाजिक विकास मन्त्रालयया जिम्मेवारी बिःगु खः।

किपू नगरपालिकाया मेयर राजकुमार नकर्मी मन्त। वयकः थौ चान्ह्यः वीर अस्पतालय् वासः यायेगु झ्वलय् मदुग धको नगरपालिकाया प्रमुख प्रशासकीय अधिकृत माधव प्रसाद ढकालं जानकारी बिःगु दु।

ढकालया कथं मेयर नकमी मदुगुलि थौ नगरपालिकाय् शोक बिदा याइगु जूगु दु। वयकःया पार्थिव शरीर थौ ९ बजे किपू नगरपालिकाय् हयाः बिचाः हायेगु नाप थौ हे अन्त्येष्टि याइ धका ढकालं जानकारी बिःगु दु। नकर्मी ताःईनिसे जलास्येँ ल्वचं पीडित जुयाच्वनादीम्ह खः।

जलायेँय् समस्या वयेवं वयकः साउन २ गते वीर अस्पतालय् भर्ना जुयादीगु खः। मेयर नकर्मी न थःगु स्वास्थ्यय् निरन्तर समस्या वयेवं साउन १ गते सुनिता शाक्ययात कार्यवाहक नगर प्रमुखया जिम्मेवारी बिःगु खः।

सरकारं थौ मौद्रिक नीति सार्वजनिक यायेगु तयारी याःगु दु। थुकियात कया राष्ट्र बैंकं बोर्ड बैठक सःतूगु दु। वंगू शुक्रवाः सार्वजनिक यायेगु तयारी याःगु खःसा लिपा लिछ्यायेगु ज्या जूगु खः।

प्रधानमन्त्रीया आर्थिक सल्लाहकारय् डा. युवराज खतिवडा नियुक्त जुइवं लिपागु इलय् मौद्रिक नीति सार्वजनिक यायेगु ज्याझ्वः लिछ्यागु खः।डा.खतिवडा राष्ट्र बैंकया पूर्वगभर्नर जुगुलि वयकःयागु सुझावया लागि मौद्रिक नीति सार्वजनिक ज्याझ्वः लिछायगु खः।

थौ बोर्ड बैठक च्वनिइ। त्यसपछि मौद्रिक नीति सार्वजनिक गरिने राष्ट्र बैंक स्रोतले जनाएको छ