येँ महानगरपालिका १७ वडाया पुलांम्ह वडा अध्यक्ष नाप समाजसेवी लिसें थँहिति मानन्धर गुथिया बाजं गुरु बद्रीनारायण मानन्धर म्हिगः मंत ।

वय्कः ७५ दँय् आन्द्राय् ट्युमर जुयाः वय्कः मदुगु खः ।वयकःयात थौं लुतिइ अन्त्येष्टि याइगु जूगु दु । मदुम्ह मानन्धरया जहानलिसें निम्ह म्ह्याय् दी ।

संसद‍य् दर्ता जूगु विद्यालय शिक्षा विधेयक–२०८० य् विद्यालय व्यवस्थापन समितिया अध्यक्षय् अभिभावकपाखे याइगु व्यवस्था याःगु दु।

थ्व स्वया न्ह्यः सरकारं वडाध्यक्ष वा निजीं तोके याःगु वडा सदस्य अध्यक्ष यायेगु प्रस्ताव याःगु खः। नेपाल अभिभावक महासंघं विरोध याये धुका बुधवाः प्रतिनिधिसभाय् दर्ता जूगु विधेयकय् अभिभावकपाखे व्यवस्था समिति ल्ययेगु उल्लेख याना तःगु दु।

‘स्थानीय च्वंपि बुद्धिजिवी, शिक्षासेवी, शिक्षाप्रेमी लिसे समाजसेवी मध्येपाखे म्हतिइ निम्ह मिसा दुथ्याका समावेशी सिद्धान्तया आधारय् विद्यालय व्यवस्थापन समिति दइ,’ विधेयकय् अथे धयातःगु दु।

वंगु साउन २१ गते मन्त्रिपरिषदं पारित याःगु विधेयकया प्रावधानय् विरोध जुइवं सरकारं विधेयक संशोधन याना भदौ २१ गते हाकनं पारित याःगु खः।

नेवाः देय् दबू न थःगु २९ क्वःगु बुन्हिया ज्याझ्वलय् थीथी सिरपाः लःल्हाइगु जुगु दु। थ्वहे वइगु यंलाथ्व ७ (असोज ५) कुन्हु देय् दबूया २९ क्वःगु बुन्हिया ज्याझ्वलय् थथे सिरपाः लःल्हाय् त्यःगु खः।

नारायणदेवी–तीर्थ नेवाः समाजसेवा सिरपाः थुगुसी नेवाः न्ह्यलुवा डा. महेशमान श्रेष्ठ व नेवाः समाज भरतपुरयात बीगु जूगु दु । अथे हे नारायणदेवी–तीर्थ व्यवसायी प्रोत्साहन सिरपाः नेपालमण्डल टेलि भिजनयात बीगुत्यःगु दु ।

उकथं हे गिरिधरलाल नेपालभाषा सेवा सिरपाः थुगुसी नेपाल लिपि गुथि व प्रा. प्रेमशान्ति तुलाधरयात बीगु त्यःगु दु।

देय् दबूपाखें दँय्दसं बीगु नारायणदेवी तीर्थ सिरपाः व गिरिधरलाल सिरपाः थुगुसी न्याम्ह व्यक्ति व संस्थायात बिइत्यःगु खः। थुगु स्वंगुलिं सिरपाः छगू छगू लाख तका दांया खः ।

वय्कःया जहान नारायणदेवी मानन्धर व साहित्यकार गिरिधरलाल मानन्धरया नामं थ्व सिरपाः स्वनातःगु खः ।

विद्यालय शिक्षासम्बन्धी कानुनयात संशोधन व एकीकरण याना दयकूगु विधेयक–२०८० य् सरकारं स्थानीय तहं तोके याःगु कथं जक निजी विद्यालयं शुल्क काये दइगु व्यवस्था याःगु दु।

बुधवाः संसदय् दर्ता जूगु विधेयकया दफा १५ य् सार्वजनिक विद्यालयं विद्यार्थीपि नाप छू न शुल्क काये मदइगु उल्लेख याःगु दु। २०७५ सालय् अनिवार्य नाप निःशुल्क शिक्षा ऐन जारी जुइ धुकुगु दु।

उकिइ कक्षा १२ सम्म तक शिक्षा निःशुल्क जुइगु व्यवस्था याःगु दु। अय्न सार्वजनिक विद्यालयया विद्यार्थीपि नाप शुल्क कया वयाच्वंगु खः। ‘निजी लगानीया विद्यालयं राष्ट्रिय मापदण्डया अधीनय् दुगु स्थानीय तहं तोके याःगु शीर्षक व सीमा दुने शुल्क कायेफइगु जुगु दु,’ विधेयकय् अथे धयातःगु दु। विधेयकं न्हुगु विद्यालय स्थापना यायेत रोक लगे याःगु दु।

शिक्षा ऐन २०२८ या गुक्वःगु संशोधन २०७२ नं उगु व्यवस्था याःगु दु। थ्व स्वया न्ह्यः सरकारं आः सञ्चालनय् याःगु निजी विद्यालययात न्यादँया दुने गुठीइ वनेमाःगु बाध्यकारी व्यवस्थाया प्रस्ताव याःगु दु। निजी विद्यालयं विरोध यायेवं गैरनाफामूलक गुठीइ वनेगु स्वेच्छिक व्यवस्था याःगु दु।

‘कम्पनी कानुनबमोजिम स्थापना जुया सञ्चालन जुयाच्वंगु निजी विद्यालय ऐन प्रारम्भ जुइ धुका शैक्षिक गुठीया कथं रूपान्तरण याना सञ्चालन यायेफइगु,’ विधेयकय् धयातःगु दु।

नेपाल प्रहरीया केन्द्रीय अनुसन्धान व्यूरो (सीआईबी) न चिनियाँ समूह न ब्रेक शुपाखे ३०२ किलो लुँ तस्करी याःगु धका निष्कर्ष पिकाःगु दु।

मेमेगु सामानय् न सूचुका हःगु लुँया बारे अनुसन्धान याये ल्यः दनिइ। ६० किलो लुँ  तस्करीबारे अनुसन्धान यानाच्वंगु सीआईबी न थौं सरकारी वकिलया कार्यालय, येँ न प्रतिवेदन लःल्हायेत्यःगु दु।

व स्वया न्ह्यः ग्वसाः ग्वःगु पत्रकार सम्मेलनय् सीआईबी प्रमुख किरण बज्राचार्यं बिःगु जानकारी कथं ५० म्हेसित प्रतिवादी याःगु दु। वंगु साउन २ गते बरामद याःगु ब्रेक सुइ ६० किलो स्वया अप्पो लुँ बरामद याःगु खः।

गोदामय् छापा मारे याःगुलि मेमेगु न थथे हे समान हःगु लूगु धका धाःगु दु। उगु अनुसन्धान यानाच्वंगु सीआईबी न ब्रेक शुइ सूचुका हःगु मेगु ३०२ किलो लुँ तस्करी याःगु निष्कर्ष पिकाःगु दु। बज्राचार्यं धाःगु दु, ‘ब्रेक प्याडय् गुलि तौल सिइका ३०२.६२ किलो थप लुँ हःगु खने दु ।’ उगु कथं सीआईबी न ३ अर्ब ५० करोड, २ लाख १६ हजार ५५२ रुपैयाँ विगो कायम याःगु दु ।