भुमि व्यवस्था, सहकारी लिसे गरिवी निवारण मन्त्री रन्जिता चौधरीं सहकारी सम्बन्धि समस्या समाधान यायेगु लागि ताः ईनिसे निष्कृय जुयाच्वंगु कार्यबिधि नाप ऐन कार्वान्वयनय् यकिइगु जुगु दु।

सहकारी ऐन २०७४ व नियमावली २०७५ य् व्यबस्था जूयाच्वंगुसा निष्कृय जूयावःगु थीथी ऐन नाप कार्यबिधि याकन हे कार्वान्वयनय् यकेत मन्त्री चौधरीं निर्देशन बिःगु दु। मन्त्री चौधरीया निर्देशननाप कर्जा सूचना केन्द्र, बचत सुरक्षण कोष, असुली न्यायधिकरण, सहकारी समस्या समाधान सुझाव कार्यदल, उच्चस्तरीय प्राबिधिक समिति, क्रेडिट युनियन याक्ट (सियुए) लगायत कार्यबिधि कार्वान्वयनय् यकिइगु जुगु दु।

कार्वान्वयनय् वइगु कार्यबिधिइ मध्य समस्याय् दुगु सहकारी पिडितपिन्त बचत सुरक्षण कोषं तत्काल राहत बिइगु धका मन्त्री चौधरीं धाःगु दु। ‘बचत सुरक्षण कोष धइगु यदी सू न बचतकर्ताया ध्यवा सहकारी डुबे जूगु खःसा उगु सहकारी पाखे लिहावइगु मवइगु जुल धाःसा उगु कोषपाखे सरकारं उपलब्ध याकेगु व सहकारीपाखे सरकारं बिइ’,धका मन्त्री चौधरीं धाःगु दु।

सार्क जनलिस्ट फोरम नेपाः च्याटरया दुजः दैनिकी डटकमया प्रधानसम्पादक माधवप्रसाद तिवारीं सामाजिक सञ्जालय् च्वंगु विषययात कया प्रेस काउन्सिल नेपालं लिसः फ्वंगुलि सार्क जनलिस्ट फोरमया ध्यानाकर्षण जुगु दु।

सार्क जनलिस्ट फोरमया सचिव रुपेश आचार्य छगु बिज्ञप्ति पिकया संविधानं हे सुनिश्चित यानातःगु अभिव्यक्ति स्वतन्त्रतायात निर्धक्क उपभोग याये दयेमाः धका धाःगु दु। ‘थःत चित्त बुझे मजुगु विषय मर्यादा व कानुनी दायराय् च्वना थःगु विचाः अभिव्यक्त तयेगु अधिकार हरेक मनूया स्वतन्त्रता खः’ धका धाःगु दु।

नेवाः पत्रकार राष्ट्रिय दबू न वरिष्ठ पत्रकार उजिर मगरयात बुखँ च्वंगु आधारय् स्यायेगु ख्याच्वः बिइगुलि गम्भीर ध्यानाकर्षण याःगु दु।

दबूया महासचिव केके मानन्धरं म्हिगः छगु बिज्ञप्ती जारीयासे लोकान्तर डट कम न्यूज पोर्टलय् मगरं बाइलाइन वंगु साउन १६ गते मंगलबाः ‘लुँ काण्डय् माओवादीया रोल्पाया नेतायात छ्यं स्यागु जुगु दु थबाङया अमला’ शिर्षकय् बुखँ सम्प्रेशन याःगु खः। अमला रोक्का लुँ तस्करी द्धपनय् ज्वना तःम्ह तिब्बली मूलया बेल्जियम नागरिक दावा छिरिङया जहान खः।

मगरं बुखँ अमलाया नां उल्लेख जुगुलि आरोपित पक्षं प्रेस व अभिव्यक्ति स्वतन्त्रताय् गम्भीर उल्लंघन जुइगु कथं धम्की बिइगु कदापि जायज मखु ।

बुखँ प्रति विमती जुगु अवस्थाय् कानुनी लँ मालेगु विकल्प दुगु अवस्थाय् वरिष्ठ पत्रकार मगरयात भौतिक आक्रमण यायेगु व मनू हे स्यायेगु तक धम्की बिइगु नेपाली प्रेस व पत्रकारया सुरक्षाय् न्ह्यसः वःगु दु, सुरक्षा चुनौती जूगु दु।

अथेहे वरिष्ठ पत्रकार उजिर मगरयात धम्की बिइगु थे जाःगु अराजक गतिविधि याःपिन्त कारबाहीया लागि पत्रकार दबू जोडदार माग याःगु दु धका दबूया महासचिव मानन्धर पिथःगु बिज्ञीती च्वयातःगु दु।

थेरबादी भन्तेपिं व गूरुमापिं निर्वाण जुइगु इलय् अन्तिम संस्कार याइगु येँया स्वयम्भू आनन्दकुटी बिहारया मू लुखाया न्ह्यःने च्वंगु थेरबादी दीपय् सुचु पिचु ज्याझ्वः याइगु जुगु दु ।

ताः ईनिसे अथे लानाच्वंगु दीप अतिकं फोहर मूनाच्वंगु व दीपय् जःखः दुगु जग्गाया अतिक्रमण जुयाच्वगुलिं थथे येँ महानगरपालिका १५ वडाया ग्वहालिं सुचुपिचु ज्याझ्वः यायेतत्यंगु खः ।

थथे थेरबादी दीपय् सुचुपिचु ज्याझ्वः सदाचारि गूरुमाया अगुवाइलय् जुइत्यंगु खः । सदाचारि गूरुमा नं बियादिगु जानकारी कथं थथे दीपयात सुचुपिचु यायेगु ज्याझ्वः लिपा स्थानियबासीपिनिगु ग्वाहालिं लय् छकः बुद्धपूजा यायेगु ज्याझ्वः यायेगु तयारी यानाच्वंगु दु ।

सरकारयात १ क्वीन्टल लुँ तस्करी प्ररकरणया छानबिन समिति दयकेमाःगु दवाव वयाच्वंगुलि गृहमन्त्री, आईजीपी व सीआईबी प्रमुखपि सिंहदरबारस्थित प्रधानमन्त्री कार्यालय थ्यकूगु दु।

सरकारं उगु प्रकरणय् विशेष अनुसन्धान समिति दयकिइगु अनुमान याःगु दु। आः गृहमन्त्री नारायणकाजी श्रेष्ठ व आईजीपी बसन्तबहादुर कुँवर व केन्द्रीय अनुसन्धान ब्यूरो–सीआईबी प्रमुख किरण बज्राचार्यपि सिंहदरबारस्थित प्रधानमन्त्री कार्यालय वःगु दु।

संवैधानिक परिषदया बैठक लिपा प्रधानमन्त्री पुष्पकमल दाहालं उपि सहलह याइगु जुगु दु। भन्सारय् सामान दुने सुचूका हवाई मार्ग जुया लुँ तस्करीइ राजस्व अनुसन्धान विभागं अनुसन्धान यानाच्वंगु खः।

संगठित अपराधय् अनुसन्धान मजूगु व प्रहरीयात जिम्मा मबिइवं सरकारया आलोचना जुयाच्वंगु खः।