सर्वोच्च अदालतया आदेशं रवि लामिछानेया पदमुक्त जुइव च्वंगु राष्ट्रिय स्वतन्त्र पार्टीया आकस्मिक बैठकं डोलप्रसाद अर्यालयात कार्यवहाक सभापतिया जिम्मेवारी बिःगु दु।

छु दिं न्ह्यः जक पार्टीया उपसभापति जुम्ह अर्यालयात कार्यवहाल सभापतिया जिम्मा बिइगु निर्णय जूगु दु धका प्रवक्ता डा. मुकुल ढकालं धाःगु दु । अर्याल रास्वपापाखे समानुपातिक सांसद जुम्ह न खः।

श्रम, रोजगार नाप सामाजिक सुरक्षा मन्त्री न खः। बैठकय् कानूनी प्रक्रिया पूरा याना रवियात हे पार्टी सभापतिइ लित हयेगु विषय न छलफल जूगु दु धका ढकालं धाःगु दु।

सर्वोच्च अदालतया फैसलां पदमुक्त जूम्ह रवि लामिछाने न बालुवाटारय् वना प्रधानमन्त्री पुष्पकमल दाहाल ‘प्रचण्ड’यात राजीनामा लःल्हाःगु दु।

लामिछानेया प्रेस संयोजक नवराज पाण्डेया कथं लामिछाने थौं शुक्रबाः बहनि बालुवाटारय् वना राजीनामा लःल्हाःगु दु।

माओवादी केन्द्रया अध्यक्ष पुष्पकमल दाहाल ‘प्रचण्ड’ नेतृत्वया सरकारय् लामिछाने न पुस ११ गते उपप्रधान नाप गृहमन्त्री जूगु खः।

शुक्रबाः सर्वोच्च अदालतया संवैधानिक इजलासं लामिछानेया सांसद पद खारेज यानाबिःगु खः।

 सर्वोच्च अदालतया फैसलां पदमुक्त जूम्ह रवि लामिछाने न बालुवाटारय् वना राजीनामा बिःगु दु।

प्रधानमन्त्रीया सरकारी निवास बालुवाटार वना वयकलं राजीनामा बुझे यायेगु तयारी दु धका वया ग्वहालिमि प्रकाश सिग्देलं धाःगु दु।

माओवादी केन्द्रया अध्यक्ष पुष्पकमल दाहाल ‘प्रचण्ड’ नेतृत्वया सरकारय् लामिछाने पुस ११ गते उपप्रधान नाप गृहमन्त्री जूगु खः।

थौं शुक्रबाः सर्वोच्च अदालतया संवैधानिक इजलासं लामिछानेया सांसद पद खारेज याना बिःगु खः।

राष्ट्रिय स्वतन्त्र पार्टीया सभापति व उपप्रधान नाप गृहमन्त्री रवि लामिछानेया पद खारेज यायेगु फैसला सर्वोच्चं याःगु खः।

सर्वोच्चया उगु फैसलाबारे अध्ययन यानाच्वनागु दु धका रास्वपाया महामन्त्री मुकुल ढकालं धाःगु दु। फैलास अध्ययन याये धुका उकिया बारे पार्टी न माःगु कथं निर्णय कायेगु जुइ धका धाःगु दु।

‘फैसलाया अध्ययन यानाच्वनागु् दु,’ वयकलं धाःगु दु, ‘वयकः पार्टी साभापति जुइ वा मजुइगु उकिया बारे जिमिसं अध्ययन याना च्वनागु दु। उगु कथं पार्टी पुनः गठन यायेमाःगु वा मयागु उकि न बिचाः जुइ।’ ढकालं लामिछानेयात हाकन पार्टी सभापति दयकेगु खँ छु न विवाद मदुगु प्रक्रिया बुझे याना निर्णय यायेगु जुइ। सरकारय् न थुकिया बारे सत्ता साझेदार दलनाप छलफल जुइ धका धाःगु दु।

सर्वोच्च अदातलं रवि लामिछानेयात सांसद जुइत अयोग्य धायेवं वयागु उपप्रधान नाप गृहमन्त्री पद न वंगु दु।

नेपालय् मन्त्री जुइगु लागि नेपाःया नागरिक जुइमाः । वयात नेपाःया नागरिकता मखु ठहर यायेवं मन्त्री पद स्वतः खारेज जुगु दु।

लामिछाने ३२ दिं न्ह्यः जक उपप्रधान नाप गृहमन्त्री जूगु खः। सर्वोच्च अदालतया संवैधानिक इजलासया फैसलालिपा पुस ११ गते उपप्रधानमन्त्री नाप गृहमन्त्रीइ नियुक्त जूगु खः।