नेवाः पत्रकार पुचः कास्कीया अध्यक्षय् अनिशा श्रेष्ठ निर्वाचित जूगु दु। निक्वःगु अधिवेशनं सिटिवान टेलिभिजनया प्रबन्ध निर्देशक श्रेष्ठयात सर्वसम्मतं अध्यक्षय् ल्यःगु खः।

अथेहे उपाध्यक्षय् गणेश श्रेष्ठ, महासचिवय् सुशिल श्रेष्ठ, कोषाध्यक्षय् योगेन्द्र श्रेष्ठ व सचिवय पदम श्रेष्ठयात सर्वसम्मतं ल्यःगु खः।

दुजलय् सुरज श्रेष्ठ, सञ्जय शाक्य, अल्चना श्रेष्ठ रव अभिनन्दन बजिमययात ल्यःगु खः। अध्यक्ष श्रेष्ठं थः न्ववना मखु ज्या याना क्यनेगु जुइ धका धयादीगु दु।

ज्याझ्वः मूपाहाँ नाप नेवाः खलः कास्कीया अध्यक्ष अशोक पालिखे न नेवाः खल कास्कीं नेवाः संस्कृति व परम्परायात संरक्षणया लागि विशेष योगदान बियागु दु धका धयादीगु खः।

चिनियाँ कम्युनिष्ट पार्टीया नेता युआन च्याचिनं नेकपा नेपाल भ्रमणय् वयाच्वम्ह चिनियाँ कम्युनिष्ट पार्टीया नेता युआन च्याचिनं नेकपा एमालेया अध्यक्ष केपी शर्मा ओलीयात नापलागू दु।

चिनियाँ कम्युनिष्ट पार्टी सीपीसीया पोलिटव्युरो सदस्य युआनं थौं सुथय् च्यासलस्थित पार्टी केन्द्रीय कार्यालयय् ओलीयात नापलागू खः। लापलायेगु झ्वलय् निगु पक्षिय् हितया नाप थीथी विषयमा छलफल सहलह जूगु धका धाःगु दु

चिनियाँ कम्युनिष्ट पार्टीया नेता युआन साउन ७ गते येँ वःगु खः।

नेवाः न्ह्यलुवा नाप न्हूदँ समारोह समितिया सल्लाहकार पुचःया कजि लिसें पुलांम्ह स्वास्थ्य राज्यमन्त्री तीर्थराम डंगोलयात नेपाली कांग्रेसया सभापति शेरबहादुर देउवां नापलाझागु दु।

सभापति देउवां म्हिगः नेवाः न्ह्यलुवाः डंगोल याःगु छेँ कुलेश्वरय् वनाः वय्कः याःगु उसाँययात कयाः नापला झागु खः। डंगोल पोस्टेडया अप्रेशन यानाः थःगु छेँय् हे आराम यानाः च्वनादीगु खः ।

म्हिगः नेप्से ६३ अङ्कं थहावःगु शेयर बजाः थौं सोमवाः निगु अङ्कं कुहावल।

शेयर बजाः परिसूचक नेप्से थौं २६ दशमलव ६६ अङ्कं कुहावया २ हजार २ सय दशमलव ५० विन्दुइ थ्यःगु दु। थौं म्युचल फन्ड व मेमेगु बाहेक दक्को समूहया शेयर कुहावःगु दु।

दकलय् अप्पो थौं किसान लघुवित्तया शेयर १० प्रतिशतं थहावःगु दु सा लिबर्टी इनर्जीया शेयर साढे ६ प्रतिशतं कुहावःगु दु। नेप्से कुहावःसा कारोबार रकम धाःसा थहावःगु दु।

२ करोड ९ लाख ७९ हजार कित्ता शेयर ४ अर्ब ७३ करोड ७६ लाख रुपैयाँया कारोबार जूगु दु। नेपाल पुनर्बीया कम्पनी थौं २५ करोड ५६ लाख रुपैयाँया शेयर कारोवार जूगु दु।

लुँया भाः थौं तोलां स्वसः कुहावःगु दु। लुँ तोलां स्वसः कुहावया १ लाख १२ हजार रुपैयाँ न कारोबार जूगु दु धका नेपाल सुनचाँदी व्यवसायी महासङ्घं धाःगु दु।

अथेहे वहः तोलां न न्यातका कुहावःगु दु। वहः तोलां न्यातका कुहावया १ हजार ४ सय ६० रुपैयाँ न कारोबार जूगु दु।