प्रधानन्यायाधीशय् हरिकृष्ण कार्की नियुक्त जूगु दु। वयकःयात थौं हे राष्ट्रपति भवन शीतलनिवासय् जूगु ज्याझ्वलय् राष्ट्रपति रामचन्द्र पौडेलं पद लिसे गोपनीयता शपथ याकूगु खः।

संसदीय सुनुवाइ समितिं निन्हु लिपा सुनुवाइ याये धुका थौं शुक्रवाः हे कार्कीया नां प्रधानन्यायाधीशय् अनुमोदन याःगु खः।

वया लिपा राष्ट्रपति पौडेलं वयकःयात प्रधानन्यायाधीशय् नियुक्त याःगु खः। वंगु च्यालानिसे कायममुकायम प्रधानन्यायाधीशया जिम्मेवारीइ दुम्ह कार्की थ्व हे वइगु साउन २० गते सेवा निवृत्त जुइ।

अनुमोदन संसदीय सुनुवाइ समितिं प्रधानन्यायाधीशय् प्रस्तावित हरिकृष्ण कार्कीया नां सर्वसम्मतं अनुमोदन याःगु दु।

सुनुवाइ समितिं निन्हु लिपा जुगु सुनुवाइखय् कार्कीया नां अनुमोदन याःगु खः। बिहीवाः कार्ययोजना पेश यागुलि कार्कीनाप थौं न्ह्यसः लिसः याःगु खः।

वया लिपा समितिं वयकःया नां सर्वसम्मतं अनुमोदन याःगु खः। आः राष्ट्रपतिं नियुक्त यायेवं गरेपछि कार्की प्रधानन्यायाधीश जुयादी।

च्याला न्ह्यःनिसे कायम मुकायम प्रधानन्यायाधीशया जिम्मेवारी च्वना च्वम्ह कार्की थ्व हे वइगु साउन २० गते सेवा निवृत्त जुयादी।

नेपालभाषाया नांजाःम्ह साहित्यकार श्रीलक्ष्मी श्रेष्ठं क्यानाडाया टोरन्टो विश्वविद्यालय धर्म अध्ययन विभागया ग्वसालय् जूगु छगू ज्याझ्वलय् वयकलं ‘कोरोनाया किचलय्’ वाचन यायेगु ज्या जुगु दु।

विभागया थःगु हे कक्षय् जूगु उगु ज्याझ्वलय् साहित्यकार श्रेष्ठं थःगु लिपांगु उपन्यासया स्वंगू अध्याय वाचन यानादीगु खः। विभागया ग्वसालय् बाःछियंकं जूगु ‘गृष्मकालीन नेवाः भाय् प्रशिक्षण’ ज्याझ्वलय् सहभागि प्रशिक्षार्थीतय्त लक्षित यानाः उपन्यास वाचन ज्याझ्वः याःगु खः।

प्रशिक्षार्थीतय्त लक्षित यानाः प्रत्यक्ष व अनलाइनया माध्यमं जूगु उपन्यास वाचन नेपालभाषालिसें अंगे्रजी भासं नं वाचन याःगु खः। वयकलं थःगु उपन्यास वाचनलिपा सहभागितय् जिज्ञासा व न्ह्यसःया लिसः बियादिसें साहित्यकार श्रेष्ठं थम्हं न्हापा बाखं, चिबाखं व चिनाखँ जक च्वयेगु यानाच्वनागु व उपन्यास च्वयेगु इच्छा दुसां पूवंके मफयाच्वंगु खँ कनादिसें सकसिगुं पे्ररणा, हःपाः तिबलं हे कोरोना थेंज्याःगु महामारी न्यनाच्वंगु इलय् प्यलाया दुने उपन्यास पूवंकागु खँ कनादिल ।

विभागया प्रमुख प्रा. डा. क्रिस्टोफ एमरिकं सकसितं लसकुस यानादिसें नेपालभाषाया उपन्यास वाचन याके खंगुलिं लसता प्वंकादिल । लिसें वय्कलं उपन्यास समग्र रुपय् सशक्त जूगु विचाः तयादिसें वाचन यानादीगुलिं च्वमि श्रेष्ठप्रति आभार नं प्वंकादिल। उगु इलय् विभागीय प्रमुख एमरिकं सहभागितय् जिज्ञासा व लिसःयात अनुवाद नं यानादीगु खः ।

विदेशय् च्वनाः नं थःगु देय्या लकस, समसामयिकता, नेवाः कला, संस्कृति, थाय्बाय्या विशेषतायात कःघानाः उपन्यास च्वयादीगुलिं सहभागितय्सं सुभाय् देछासे याकनं मेगु कृति पिथने फयेमा धकाः भिंतुना नं बियादीगु खः।

उगु ज्याझ्वलय् साहित्यकारलिसें मानवशास्त्री डा. बालगोपाल श्रेष्ठ, टोरन्टो विश्वविद्यालयय् नेवाः बौद्ध धर्मया बारे विद्यावारिधी याना च्वनादीम्ह इयान टर्नर, डा. अलाना सौजा लगायतया उपस्थिति दुगु खः ।

येँ महानगरपालिकां सम्पदा अभियन्ता यादवलाल कायस्थयात सम्पदा सल्लाहकारय् नियुक्त याःगु दु।

येँया सम्पदा संरक्षणय् सक्रिय जुया च्वनादीम्ह अभियन्ता कायस्थयात येँ महानगरपालिकाया मेयर बालेन साहं येँ महानगर दुनेया सम्पदा क्षेत्र स्वयेगु कथं सल्लाहकारय् नियुक्त याःगु खः।

लुँया भाः थौं तोलां च्यासः कुहावःगु दु। लुँ तोलां च्यासः कुहावया थौं १ लाख ११ हजार रुपैयाँ न कारोवार जुगु दु धका नेपाल सुन चाँदी व्यवसायी महासङ्घं धाःगु दु।

अथेहे, वहः तोलां न नीतका कुहावःगु दु। वहः तोलां नीतका कुहावयाथौं १ हजार ४ सय ५ रुपैयाँ न कारोवार जूगु दु धका महासङ्घं धाःगु दु।