करुणामय मानव विकास संघं थीथी थासय् च्वपि ८२ म्ह गरिव व जेहेन्दार विद्यार्थीपिन्त छात्रवृत्ति वितरण याःगु दु।

काभ्रेया बनेपाय् चक्रज्योति माविइ क्वचाःगु उगु ज्याझ्वलय् २१ गु सामुदायिक विद्यालय अध्ययनयाना च्वपि विद्यार्थीपिन्त स्कुल व्याग, ड्रेस, लाकां लगायतया सामग्री वितरण याःगु खः। सन् २००५ सालय् स्थापना जूगु संघं १८ दँ निसे सिन्धुपाल्चोक, काभ्रे व ख्वपया थीथी जिल्लाय् च्वंगु विद्यालयय् अध्ययनयाना च्वपि विद्यार्थीपिन्त छात्रवृत्तिया सामग्री लःल्हाःगु खः।

मानव धर्म निर्वाह यायेगु कथं संघं विद्यार्थीपिन्त ग्वाहालि यायेगु कथं छात्रवृत्ति बिया वयाच्वनागु धका संघया सचिव उत्तम मानन्धरं धाःगु दु। कक्षा १ निसे १० तक अध्ययन यानाच्वपि जेहेन्दार विद्यार्थीपिन्त अथे शैक्षिक सामग्री संघं लःल्हाना वयाच्वंगु खः।

संघया अध्यक्ष सिद्धिगोपाल मानन्धरया सभाध्यक्षताय् जूगु उगु ज्याझ्वलय् बनेपा नगरपालिकाया मेयर शान्तिरत्न शाक्य, ईमेज च्यानल टेलिभिजनया महाप्रबन्धक रघुवरभक्त मानन्धर, वडाध्यक्ष शुभलक्ष्मी मानन्धर, काभ्रे उद्योग वाणिज्य संघया पूर्व अध्यक्ष प्रकाश मानन्धर लगायतपिनिगु सहभागिता दुगु खः।

लुँया भाः थौं तोलां गुसः कुहावःगु दु। लुँ तोलां गुसः कुहावया १ लाख ११ हजार ८ सय रुपैयाँ न कारोबार जूगु दु धका नेपाल सुन चाँदी व्यवसायी महासंघं धाःगु दु।

अथेहे, वहः तोलां नीन्यातका कुहावःगु दु। वहः तोलां नीन्यातका कुहावया १ हजार ४ सय २५ रुपैयाँ न कारोवार जुगु दु धका हासंघं धाःगु दु।

कान्तिपुर टेलिभिजन नेटर्वक लिमिटेडं प्राथमिक सेयर (आईपीओ) निष्कासन यायेत नेपाल धितोपत्र बोर्डय् निवेदन बिःगु दु।

कम्पनीं जेठ २८ गते प्रतिकित्ता १०० रुपैयाँ अंकित भाः न्ह्यगू लाख ५० हजार कित्ता आईपीओ निष्कासन यायेत बोर्डय् निवेदन बिःगु खः ।

कम्पनीं निष्कासन यायेत आईपीओ बिक्री प्रबन्धकय् सानिमा क्यापिटल लिमिटेड च्वंगु दु। थुगु कम्पनी कान्तिपुर मिडिया ग्रुप अन्तर्गत सञ्चालित खः।

मिडिया क्षेत्रय् थुगु निगुगु आईपीओ खः। न्हापां नागरिक पत्रिका प्रकाशन रिपब्लिक मिडियां आईपीओ निष्कासन याये धुकुगु खः।

राष्ट्रपति रामचन्द्र पौडेल उपचार लिपा थौं अस्पतालं डिस्चार्ज जूगु दु।

मुटु जाँचया लागि म्हिगःं मंगलवाः सुथय् गंगालाल राष्ट्रिय हृदय रोग केन्द्र भर्ना जूयादीगु खःसा थौं सुथय् डिस्चार्ज जुयादीगु खः। अस्पतालं राष्ट्रपति पौडेल अवस्था सामान्य दु धका धाःगु दु।

राष्ट्रपतिया स्वकीय सचिव चिरञ्जीवी अधिकारीया कथं नियमित जाँचया लागि वयकःयात अस्पताल यकूगु खः।

पौडेलयात २४ घण्टालिपा चिकित्सक पिनिगु निगरानीइ च्वना च्वंगु खः ।

नेपाली कांग्रेसया सभापति शेरबहादुर देउवा स्वास्थ्य उपचारया लागि सिंगापुरय् वंगु दु।

सभापति देउवा नाप जहान आरजु सिंगापुरय् वःगु दु धका वयकःया सचिवालयं धाःगु दु। देउवा निदँय् छकः फलोअपय् वनेमाःगुलि थुगु पटक स्वदँ दँय् धुकुगु दु धका वयकःया सचिवालयं धाःगु दु।

छवाः लिपा स्वदेश लिहावइ धका कांग्रेस केन्द्रीय कार्यालय सचिवालयं धाःगु दु।