प्रधानमन्त्री पुष्पकमल दाहाल प्रचण्ड व अन्तर्राष्ट्रिय साझेदारीया लागि यूरोपेली यूनियन (ईयू) या आयुक्त जुट्टा उर्पिलाइनेन थौं नापलागु दु।

बुधबाः हे नेपाल भ्रमणय् वःम्ह वयकलं थौं प्रधानमन्त्रीनापं प्रतिनिधिमण्डलपिन्स नापलाःगु खः। नेपाःनाप साझेदारी  जुयाच्वगु बालागु व मंकाः भूराजनीतिक हितया विविध विषययात कया जुट्टा भ्रमणय् वःगु धका येँ च्वंगु युरोपेली सङ्घया प्रतिनिधिमण्डलया कार्यालयं धाःगु दु।

युरोपेली सङ्घं थःगु ग्लोबल गेटवे रणनीति प्रस्तुत यासे मंकाः डिजिटल, ऊर्जा व यातायात क्षेत्रय् स्मार्ट, स्वच्छ व सुरक्षित लिङ्क थकायेगु नाप स्वास्थ्य, शिक्षा व अनुसन्धान प्रणालीयात सुदृढ यायेत सकारात्मक दु धका धाःगु दु । सङ्घं नेपाःया समावेशी हरित अर्थतन्त्र, मानव विकास सूचकाङ्क व सुशासन प्रवर्द्धनय् ग्वाहालि यायेगु निति वःगु खः ।

आयुक्त उर्पिलाइनेनं परोपकार प्रसूति अस्पतालय् दुगु मानव दुग्ध बैंकया भ्रमण यायेगु नाप स्वास्थ्य व जनसङ्ख्यामन्त्री पदम गिरीनाप नेपाल सरकारया बहुक्षेत्रीय पोषण कार्यक्रमया नवीकरणय् इयू न प्रतिबद्धता यायेगु ज्याझ्वः दु ।

राष्ट्रिय सभा सदस्य उपचुनावय् नेकपा एमालेया कुमार दसौदी विजयी जूगु दु।

सत्ता साझेदार दलपाखे उम्मेदवार जूम्ह दसौदी ४ हजार २६ मत हया निर्वाचित जुगु धका मुख्य निर्वाचन अधिकृत कृपासुर कार्की न जानकारी बिःगु दु।

नेपाली कांग्रेसया माधव आचार्यं ३ हजार ७ सय २० मत हःगु खःसा नागरिक उन्मुक्ति पार्टीया राजेन्द्रवीर रायं १ सय ९२ मत हःगु खः । अथेहे ३ मत बदर जूगु खः।

नेकपा एमालेपाखे निर्वाचित खिमलाल भट्टराई न राजीनामा बिःगुलि उगु पदय् उपचुनाव जूगु खः। चुनावय् ३ सय ५ म्ह मतदाता दुगु खःसा ३ सय ४ मत कुहावःगु खः।

बागमती प्रदेशया स्वास्थ्य मन्त्रालयं प्रदेश दुने न्ह्यःगु प्रादेशिक अस्पतालयात एम्बुलेन्स उपलब्ध याउगु दु।

मन्त्रालयं भक्तपुर अस्पताल, बज्रबाराही चापागाउँ अस्पताल, टोखा चण्डेश्वरी अस्पताल, पशुपति चौलागाईँ स्मृति अस्पताल दोलखा, मेथिनकोट अस्पताल काभ्रे, रामेछाप अस्पताल व बकुलहर रत्ननगर अस्पतालयात ‘ख’ वर्गया एम्बुलेन्स उपलब्ध याउगु खः ।

उगु एम्बुलेन्स न्यायेगु लागि ५२ लाख ९० हजार रुपैयाँ तूगु धका स्वास्थ्य आपूर्ती व्यवस्थापन केन्द्रया प्रमुख अर्जुनप्रसाद सापकोटां जानकारी बिःगु खः।

एम्बुलेन्स हस्तान्तरणयासे प्रदेशया स्वास्थ्य मन्त्री रामेश्वर श्रेष्ठं सिमान्तकृत, लोपोन्मुख लगायत स्वास्थ्यय् पहुँच मथ्यपि नागरिकपिन्त स्वास्थ्य बीमापाखे सकसितस्वास्थ्यको पहुँचय् थ्यकिइगु जुइ धका धाःगु खः।

सुदूरपश्चिम प्रदेश सभा बैठक कन्ह्यः तकया लागि स्थगित याःगु दु। थौं बुधवाः न्हिनय् १ बजेया लागि सःतूगु बैठक कन्ह्यः बिहीवाः न्हिनसिया १ बजेया लागि स्थगित जुगु दु धका प्रदेश सभा सचिवालयं धाःगु दु।

थौंया बैठकय् मुख्यमन्त्री राजेन्द्रसिंह रावलं विश्वासया मत याःगु प्रस्ताव पेस यायेगु कार्यसूची दुगु खः। सुदूरपश्चिम सरकार गठनय् मुख्यमन्त्री रावलयात समर्थन बिइफइ मखु धासे नागरिक उन्मुक्ति पार्टी न विश्वासया मत बिइ मखु धागुलि प्रदेश सभा बैठक स्थगित याःगु खः।

५३ म्ह सदस्यीय प्रदेश सभाय् विश्वासया मत लागि २७ म्हेसिगु सांसदपिनिगु समर्थन माः। नागरिक उन्मुक्तिं विश्वासया मत मबिलकि मुख्यमन्त्री रावल अल्पमतय् लाइगु निश्चित दु।

सुदूरपश्चिम प्रदेशय् कांग्रेसया १९, माओवादी केन्द्रया ११, एमालेया १०, नागरिक उन्मुक्तिया ७, नेकपा एकीकृत समाजवादीया ४, राप्रपाया छम्ह व स्वतन्त्र छम्ह प्रदेश सभा सदस्य दु। एमाले नेता रावल माओवादी, एमाले, नागरिक उन्मुक्ति व राप्रपायाना २९ म्ह सांसदपिनिगु समर्थनय् मुख्यमन्त्री नियुक्त जूगु खः।

म्हिगः मङ्गलवां थहावःगु शेयर बजार थौं भचा कुहावःगु दु। शेयर बजाः परिसूचक नेप्से थौं ७ दशमलव १६ अङ्कं कुहावया २ हजार १ सय ७० दशमलव १९ विन्दुइ कुहावःगु दु।

थौं दक्को समूहया शेयर कुहावःसा बीमा, फाइनान्स व माइक्रोफाइनान्स समूहया शेयर तसकं कुहावःगु दु। २ सय ५७ गु कम्पनीया १ करोड ५ लाख २ हजार कित्ता शेयर ३ अर्ब ६९ करोड १९ लाख रुपैयाँया कारोबार जूगु खः।

दकलय् अप्पो नेपाल पुनर्बीमा कम्पनीया ११ करोड २८ लाख रुपैयाँ शेयर किनबेच जुगु दु। दकलय् अप्पो आदर्श लघुवित्त व पोखरा फाइनान्सया शेयर ५ प्रतिशतं घटे जुगु दु।

समग्र बजाः घटे जूसा तेह्रथुम पावर कम्पनी व धौलागिरि लघुवित्त कम्पनीया शेयर ३ प्रतिशत स्वया अप्पो थहावःगु दु।