निर्वाचित नेकपा एमालेया उपमहासचिव पृथ्वीसुब्बा गुरुङ लमजुङपाखे प्रतिनिधि सभा सदस्यय् निर्वाचित जूगु दु।

गुरुङं नेकपा माओवादी केन्द्रया महासचिव देव गुरुङयात ३ हजार १८८ मतं बूकुगु खः। गुरुङं ३४ हजार ९६९ हःगु खःसा देव गुरुङं ३१ हजार ७८१ मत हःगु खः।

प्रतिनिधिसभाय् समानुपातिकपाखे १० लाख मत गणना जुइ धुकुगु दु।

उकि मध्ये नेकपा एमाले झण्डै १ तिहाइ काये धुकुगु दु। एमाले न २ लाख ८४ हजार मत काःगु दु सा कांग्रेसं २ लाख ६२ हजार मत काःगु दु।

अथेहे राष्ट्रिय स्वतन्त्र पार्टी न १ लाख ३७ हजार मत काःगु दु। आःतक कुल सदर मत माने याःगु कथं अप्पो मत हःगु झीगु दलमध्ये मेगु दल नेकपा माओवादी केन्द्र व राष्ट्रिय प्रजातन्त्र पार्टी जक थ्रेसहोल्ड कटे याःगु दु।

जनता समाजवादी पार्टी, नेपाल मजदुर किसान पार्टी, जनमत पार्टी, एकीकृत समाजवादी व नागरिक उन्मुक्ति पार्टी शीर्ष झीगु थासय् लानाच्वंगु दु सा ३ प्रतिशत कटे याये फुगु मदुनि।

३ प्रतिशत मत कटे याये मफुगु दल समानुपातिकया सिट बाँडफाँटया प्रतिस्पधा याये दइमखु। उगु दल बाहेक ल्यः दुगु दलया मतगणना याइ।

बारा–४ पाखे प्रतिनिधि सभा सदस्यय् नेकपा एकीकृत समाजवादीया कृष्णकुमार श्रेष्ठ (किसान) निर्वाचित जूगु दु ।

सत्तारुढ गठबन्धनया उम्मेदवार श्रेष्ठं २९ हजार ५०५ मत हया निर्वाचित जूगु खः। श्रेष्ठं एमाले–जसपा गठबन्धनया उम्मेदवार जुयाच्वम्ह एमालेया एकवाल मियायात पराजित याःगु खः।

एकवालं १९ हजार ४३९ मत हःगु खः।

मकवानपुर १(२) या प्रदेशसभाय् नेकपा एमालेया उम्मेदवार एकालाल श्रेष्ठ निर्वाचित जूगु दु।

श्रेष्ठं १४ हजार २२५ मत हया निर्वाचित जुगु खः। श्रेष्ठ एमाले मकवानपुरया अध्यक्ष न खः।

कैलाली निर्वाचन क्षेत्र नम्बर १ य् नागरिक उन्मुक्ति पार्टीया उम्मेदवार रञ्जिता श्रेष्ठ न्ह्यने लानाच्वंगु दु।

श्रेष्ठं निकटतम प्रतिस्पर्धी कांग्रेसया उम्मेदवार रामजनम चौधरीयात ७ हजार २२५ मतं लिउने लानाच्वंगु दु।

३७ हजार ७१४ मत ल्यायेखाय् धुकुगुलि रञ्जितां १८ हजार ३८३ मत हये धुकुगु दु।

अथेहे रामजनमं ११ हजार १५८ मत हःगु दु।