मोलुङ हाइड्रोपावर कम्पनी लिमिटेडं फागुन ४ गतेनिसे धितोपत्रया प्रारम्भिक सार्वजनिक निष्कासन (आईपीओ) बिक्री खुल्ला याइगु जुगु दु।

कम्पनीं आयोजना प्रभावित जुगु क्षेत्रया स्थानीयपि व नेपाल सरकारया सम्बन्धित निकायपाखे श्रम स्वीकृती कयातःपि वैदेशिक रोजगारीइ वनाच्वंपि नेपाःपिनिगु लागि आईपीओ निष्कासन याना बाँडफाँट यासे सर्वसाधारणया लागि आईपीओ निष्कासन यायेत्यःगु खः।

कम्पनीं नेपाल धितोपत्र बोर्डपाखे कित्तां १०० रुपैयाँ भाःया थःथु जारी पुँजीइ ८० करोड २५ लाख रुपैयाँया ३४ प्रतिशत जुइकथं वयेत्यःगु २७ करोड २८ लाख ५० हजार रुपैयाँ बराबरया २७ लाख २८ हजार ५०० कित्ता सेयर सार्वजनिक निष्कासनया अनुमति काये धुकुगु खः।

सार्वजनिक निष्कासनया लागि छुटेयाःगु सेयरमध्ये १० प्रतिशत अथे धइगु २ लाख ७२ हजार ८५० कित्ता सेयर वैदेशिक रोजगारीइ वनाच्वपि नेपाःमिपिनिगु लागि निष्कासन यायेत्यःगु खः। अथेहे ५ प्रतिशत नाप १ लाख ३६ हजार ४२५ कित्ता सेयर सामूहिक लगानी कोषयात सुरक्षित याःगु दु सा २ प्रतिशत ५४ हजार ५७० कित्ता सेयर कम्पनीइ ज्या यानाच्वपि कर्मचारीपिन्त छुटे याःगु दु।

ल्यः दनिइगु २२ लाख ६४ हजार ६५५ कित्ता सेयरया लागि कम्पनीं सर्वसाधारणपाखे आवेदनया माग याइगु जुगु दु। कम्पनीें आईपीओ याकन फागुन १० गते व उगु इलय माक्वः आवेदन मवसा आवेदन बिइगु ई १८ गते तक थप याइगु जुगु दु। उगु आईपीआ न्यूनतम १० कित्ता निसे अधिकतम ८ हजार कित्ताया लागि आवेदन बिइ फइ।

लुम्बिनीइ राष्ट्रियसभा सदस्यया उपनिर्वाचन मतदान सुरु जूगु दु।

दाङया घोराहीस्थित कर्मचारी मिलन केन्द्रय् सुथय् १० बजेनिसे मतदान सुरु जूगु खः।

न्हापां मतदान लुम्बिनी प्रदेश सभा सदस्य नाप मन्त्री चेतनारायण आचार्यं याःगु खः। राष्ट्रियसभा सदस्यया लागि उपनिर्वाचनय् स्वम्हेसिया उम्मेदवारी बिःगु खः।

सत्तारुढ दल नेकपा एमालेपाखे कुमार दसौंदी, नेपाली कांग्रेसया माधवप्रसाद आचार्य व नागरिक उन्मुक्ति पार्टीपाखे राजेन्द्रवीर राय उम्मेदवार जूगु खः।

नेकपा एमालेपाखे राष्ट्रियसभा सदस्यय् निर्वाचित रुपन्देहीया खिमलाल भट्टराई न राजीनामा बिःगु खः।

लमजुङ केन्द्रविन्दु जुया ३.९ म्याग्निच्युडया भुखाय् ब्बःगु दु।

लमजुङ सदरमुकार बेंसीसहर लगायतया थासय् भुखाय् ब्बःगु महसुस जूगु दु धका स्थानीयपिन्स धाःगु दु।

थौं बुधबाः सुथय् ७ बजे जुय १७ मिनेट वःगु इलय् लमजुङया बुलबुले केन्द्रविन्दु जुया भुखाय् ब्बःगु दु धका भूकम्प मापन केन्द्रं धाःगु दु।

जुइत्यःगु दु। सत्तारूढ दल नेकपा एमाले, नागरिक उन्मुक्ति पार्टी व प्रमुख प्रतिपक्षी नेपाली कांग्रेसायाना स्वम्ह उम्मेदवारपिनिगु चुनावी प्रतिस्पर्धामा जुइत्यःगु दु।

सत्तारूढ एमालेपाखे कुमार दसौदी व नागरिक उन्मुक्ति पार्टीपाखे राजेन्द्रवीर राय नाप प्रमुख प्रतिपक्षी कांग्रेसया माधवप्रसाद आचार्यपिनिगु उम्मेदवारी बिःगु खः।

प्रदेश निर्वाचन कार्यालय दाङया प्रमुख नारायणप्रसाद भण्डारीया कथं मतदान थौं सुथय् १० बजे निसे ३ बजे तक जुइ। मतदान दाङ घोराहीया कर्मचारी मिलन केन्द्रय् जुइत्यःगु खः।

तत्कालीन एमाले सांसद खिमलाल भट्टराई न राजीनामा बिइवं राष्ट्रियसभा सदस्य पद खाली जुगु खः।

शेयर बजाः थौं मङ्गलवाः यक्को अङ्कं थहावःगु दु। शेयर बजाः परिसूचक नेप्से थौं ७६ दशमलव ६४ अङ्कं थहावना २ हजार १ सय ७७ दशमलव ३५ विन्दुइ थहावःगु दु।

दक्को समूहया शेयर थहावगु दु। थौं माइक्रोफाइनान्स, जलविद्युत्, विकास बैंक व बीमा समूहया शेयर थहा कुहावःगु दु। बजा नाप कारोबार रकम न तसक थहावःगु दु।

२ सय ६० गु कम्पनीया ९३ लाख ३३ हजार कित्ता शेयर ३ अर्ब ३६ करोड २२ लाख रुपैयाँया कारोबार जूगु दु। दकलय् अप्पो एनआईसी एसिया बैंक बैंकया १२ करोड ९२ लाख रुपैयाँया शेयर किनबेच जूगु दु।

थौं वरुण हाइड्रो, खानीखोला हाइड्रो, राधी जलविद्युत् कम्पनी, रिडी पावर कम्पनी व आदर्श लघुवित्त कम्पनीया शेयर १० प्रतिशतं थहावःगु दु। थौं गुगुं म्युचल फन्डया शेयर सामान्य घटे जूगुलि, ल्यः दनिइगु दक्को कम्पनीया शेयर थहावःगु दु।