नेकपा एमालेया अध्यक्ष केपी शर्मा ओली झापा ५ पाखे प्रतिनिधि सभा सदस्यय् निर्वाचित जूगु दू।

ओलीं ५२ हजार ३१९ मत हया निर्वाचित जूगु खः। ओलीया निकटतम प्रतिद्वन्द्वी खगेन्द्र अधिकारीं २३ हजार ७४३ मत हःगु खः।

ओलीं २८ हजार ५७६ मत त्याकूगु खः। अथेहे राष्ट्रिय स्वतन्त्र पार्टीया सुरेशकुमार पोखरेलं ११ हजार ७४३ मत हःगु खः।

बर्दिया क्षेत्र नं. २ य् प्रतिनिधिसभा सदस्यया लागि स्वतन्त्र उम्मेदवार लालवीर चौधरी निर्वाचित जूगु दु।

गठबन्धनपाखे नेकपा माओवादी केन्द्रया सुरेश पन्थयात १ सय ३६ मतं लिउने लाका निर्वाचित जूगु खः । चौधरीं २६ हजार ५ सय २० मत हःगु खःसा निकटतम प्रतिद्वन्द्वी माओवादीया पन्थं २६ हजार ३ सय ८४ मत हःगु खः।

अथेहे नेकपा एमालेया पङ्कजसिँह राठौरं १६ हजार ९० मत हःगु खःसा राप्रपाया विनय रावलं १३ हजार २ सय ९२ मत हःगु खः। लालबीर रेशम चौधरीया अबु खः।

रेशमया उम्मेदवारी खारेजी जुइवं नागरिक उन्मुक्ति पार्टीं स्वतन्त्रया उम्मेदवारी बिउम्ह लालवीर चौधरीयात ग्वाहालि याःगु खः ।

झापा–१ य् प्रतिनिधिसभा सदस्यय् नेपाली कांग्रेसया महामन्त्री विश्वप्रकाश शर्मा निर्वाचित जूगु खः।

बुधबाः बहनि सार्वजनिक याःगु मत परिणाम कथं शर्मा न ३९ हजार ६२४ मत हःगु खः।

शर्माया निकटतम प्रतिस्पर्धी नेकपा एमालेया अग्नि खरेलं २५ हजार ३४९ मत काःगु खः। शर्मा न १४ हजार २७५ मतं हया त्याकूगु खः।

सप्तरी क्षेत्र नम्बर २ य् जनमत पार्टीया अध्यक्ष चन्द्रकान्त राउत (सीके राउत) विजयी जूगु दु।

जनता समाजवादी पार्टीया अध्यक्ष उपेन्द्र यादवयात १८ हजार ६३ मतं पराजित यासे राउत विजयी जुगु खः।

राउतं ३५ हजार ४२ मत हःगु खःसा यादवं १६ हजार ९६९ मत हःगु खः। लोकतान्त्रिक समाजवादी पार्टी (लोसपा) या जयप्रकाश ठाकुरं ७ हजार ३४७ मत हःगु खः ।

धादिङ क्षेत्र नम्बर १ (१) य् सत्ता गठबन्धनया मदुकुमार श्रेष्ठ विजयी जूगु दु ।

नेपाली कांग्रेसया युवा नेता श्रेष्ठं नेकपा एमालेया रमेश आचार्ययात १ हजार २९४ मतं पराजित याःगु खः।

श्रेष्ठं १७ हजार ८३२ मत हःगु खःसा आचार्य न १६ हजार ५३८ मत हःगु खः।