किपूया प्यगं थामय् स्थापना याःगु बुगंद्यः व याक मिसाया प्रतिमुर्ति पानेजुयात लःहायेवं बिवाद क्वचाःगु दु।

बुगंद्यः व याक मिसाया प्रतिमुर्ति किपू नगरपालिकाया मेयर राजकुमार नकःमिं पानेजुपिन्त लःल्हागु खः।

याकंमिसायात स्वां तःवयेगु परम्परा आः निरन्तर जुइगु दु। थौं सुथय् ९ बजे जल पानेजुपिन्स किपूया प्यगं थामय् स्वां तः वयेगु जुगु सहमति जुगु खः।

न्हापांनिसे न्ह्याना वयाच्वंगु परम्परा आः निरन्तर जुइगु दु।

वंगु २४ घण्टाया दुने देयन्यक थप २४ म्हेसित कोरोना संक्रमण पुष्टि  जूगु दु।

स्वास्थ्य मन्त्रालयया कथं र १ हजार ८३९ म्हेसिगु नमुना परिक्षण याःगु खः।

उकि मध्ये ७६१ म्हेसिगु पीसीआर परीक्षण यागुलि १४ म्ह व १ हजार ७८ म्हेसिगु एन्टीजेन परीक्षण याउगुलि झीम्ह याना २४ म्हेसित कोरोना संक्रमण खनेदुगु खः।

प्रधानमन्त्री पुष्पकमल दाहाल प्रचण्डं टिकापुर घटनाया संलग्नय् द्धपः फयाच्वंम्ह जन्मकैदया सजाय न्यकेधुगुम्ह रेशमलाल चौधरीया विषय याकन टुंग्ये यायेइगु जुइ धका धाःगु दु।

बिहीवाः प्रतिनिधिसभाय् नागरिक उन्मुक्ति पार्टीया सांसद गंगाराम चौधरीया न्ह्यसःया लिसः बिइगु झ्वलय् प्रधानमन्त्री प्रचण्डं चौधरीयात त्वतेगु कुतः जुयाच्वंगु दु धका धयादीगु खः।

रेशम चौधरीयात थ्व स्वया न्ह्यः न थःम्हेसिया अध्यादेश हया त्वःतेयेगु कुतः यानागु धका धयादीसे प्रचण्डं अदालतपाखे याकन फैसला वयेमाः धका सः थ्वय्काःगु खः धका धयादीगु खः। ‘जि छु भलसा बिइ चाहे जू धाःसा रेशम चौधरीया विषय जिमिसं थ्व स्वया न्ह्यः न अध्यादेश हया वयकःयात त्वःत्येतः जिमिसं कुतः यानागु खः।

अदालतपाखे छु फैसला वइ उकियात जिमिसं छु न छू कथं सः तयागु हे खः’ प्रधानमन्त्री प्रचण्डं धाःगु दु, ‘आः टुग्ये जुगु दु। आः थुगु विषययात ग ये याना समाधान यायेगु विषय जिपि तसक गम्भीर जुयागु दु। जितः भलसा दु, थुगु विषय याकन हे क्वछिइ।’

प्रधानमन्त्री पुष्पकमल दाहाल प्रचण्डं नागरिकता विधेयक लच्छिया दुने क्वछिइगु जुइ धका धाःगु दु।

थौं बिहीवाः प्रतिनिधिसभा बैठकय् जसपा सांसद दीपक कार्की न न्यःगु न्ह्यसःया लिसः बिइगु झ्वलय् प्रधानमन्त्री प्रचण्डं नागरिकता सम्बन्धी न्हुगु विधेयक हयेत वा राष्ट्रपति कार्यालय हे होल्डय् दुगुलि विधेयक प्रमाणीकरण यायेगु धइगु विषय छलफल जुयाच्वंगु दु।

अय्न न्ह्याथे याना सा लच्छिया दुने नागरिकताया विधेयक क्कछिइगु वयकलं प्रतिवद्धता प्वकादीगु खः।

वंगु दँय् प्रतिनिधिसभा व राष्ट्रियसभापाखे पारित जुइ धुकुगु राष्ट्रपतिया थाय् छ्वंगु नागरिकता विधेयक तत्कालिन राष्ट्रपति विद्यादेवी भण्डारीं ‘होल्ड’ य् तःगु खः।

प्रधानमन्त्री प्रचण्डं राष्ट्रपति रामचन्द्र पौडेलयात न नागरिकता विधेयकया विषयमा छु जुयाच्वंगु धइगु विषय अध्ययन जुयाच्वंगु दु धका धाःगु दु।

चोभारया सुलक्षणकीर्ति विहारया प्रमुख नांजाःम्ह अनगारिका श्रद्धेय अनोजा गुरुमां मंत। मेडिसिटी अस्पतालय् वासः याकुयाकुं वसपोल ६३ दँय् मदुगु खः ।

ताःई न्ह्यवंनिसें प्वाःया क्यान्सर ल्वचं मफयाच्वंम्ह वसपोलयात मेडिसिटी अस्पतालय् भर्ना यानातःगु खःसा अन हे वासः याकुयाकुं वसपोल मदुगु खः ।

भ्वँतय् जन्म जुयाबिज्याःम्ह वसपोलया गृहस्थी नां शारदा मानन्धर खः । झिंछदँ दुबलय् हे छेँ त्याग यानाः भारतया बनारसय् वसपोल प्रव्रजित जुयाबिज्याःगु खः ।

अनं लिहां वयाः वसपोल त्रिशुलीया सुगतपुर विहारय् च्वनाबिज्याःगु खःसा वयां लिपा किम्डोल विहारय् संघर्षपूर्ण ढंगं च्वनाबिज्याःगु खः । वयां लिपा श्रद्धेय धम्मवती गुरुमांया संरक्षकत्वय् वसपोल धर्मकीर्ति विहारय् च्वनाबिज्यात । लिपा चोभारय् सुलक्षणकीर्ति विहार निर्माण लिपा वसपोल अन हे च्वनाबिज्याःगु खः ।

मदुम्ह गुरुमांया सीम्हयात अन्त्येष्टि मयासे वसपोलया हे इच्छा कथं धुलिखेल मेडिकल कलेजयात चिकित्सकीय अनुसन्धान ज्याया लागि दान याइगु जूगु दु ।

वसपोलया सीम्हयात अन्तिम श्रद्धाञ्जलीया लागि जेठ ५ गते शुक्रवाः न्हिनय् १२ बजे तक सुलक्षणकीर्ति विहारय् तइगु व वयां लिपा अस्पतालयात दान बीगु खँ धाःगु दु ।