लुम्बिनीइ थनिंनिसें यायेत्यंगु हिन्दू धर्मलिसे सम्बन्धित ज्याझ्वः लुम्बिनी जःखः दुने याये मते धासें विरोध प्रदर्शनयाःपिं बौद्धमार्गीतय्त अज्ञात मनूतय्सं अप्पां कयेकाः घाःपाः याना बिःगु दु । बौद्ध धार्मिकस्थलय् बुद्ध धर्म विपरित ज्याखँत याये दइ मखु धासें म्हिगः धर्मोदय सभाया नेतृत्वय् लुम्बिनीया पर्सा चुकय् छगू ¥याली पिहां वःगु खः ।

थुगु ज्याझ्वलय् ब्वति कायेगु लागिं मोरारी बापू म्हिगः हे लुम्बिनीइ थ्वंकः वःगु दु। मेखे अखिल नेपाल भिक्षु महासंघं नं महासचिव भिक्षु धर्मगुप्त महास्थविर–पाखें छगू वक्तव्य पिकासें लुम्बिनी परि–सरयात बौद्ध ज्याखँय् जक सीमित याये माःगु खँ धयाबिज्याःगु दु । वक्तव्यय् न्हापा न्हापा नं थज्याःगु ज्याझ्वः जुइत्यंगु इलय् तच्वकं विरोध जुइवं लिपा ज्याझ्वः मेथाय् सारे याकूगु घटना जूगु दु धकाः नं लुम्बिनी विकास कोषयात स्मरण याकातःगु दु ।

उगु ¥यालीइ लुम्बिनी बुद्ध धर्म विरोधी ज्याझ्वः याये दइ मखु, लुम्बिनी विकास कोषया उपाध्यक्षं राजीनामा बिउ धकाः नारा थ्वयेका वःगु खः । प्रदर्शनकारीतय्सं बौद्ध ध्वाँय् नं ब्वयेका वःगु खः ।¥याली पिकयाच्वंगु इलय् हे आकाझाकां मोटरसाइकलय् वःपिं छपुचः मनूतय्सं ¥यालीइ वयाच्वंपिं मनूतय्त अप्पां कयेकूगु खः । वयां लिपा निथ्वःसिया दथुइ दायाः दायाः घाराघुरु नं जुल। अन कयेकाहःगु अप्पां कयाः स्वम्ह प्रदर्शनकारीत घाःपाः जूगु दु । उमित नापसं च्वंगु फार्मेसीइ यंकाः वासः याकूगु खः ।

घाराघुरुया दथुइ प्रहरीं नं प्रदर्शनकारीतय्त हे हस्तक्षेप याःगु खँ धाःगु दु। घाराघुरुया दथुइ प्रहरीं प्यम्ह प्रदर्शनकारीतय्त नं ज्वना यंकूगु दु । थ्व आक्रमण लिपा अन पिहां वःगु ¥याली नं तितरबितर जू वन । थाय् मुक्कं प्रहरीया नियन्त्रणय् कायेधुंकाः लिपा स्वम्ह प्यम्ह मनू तकं मुंके मबिउगु खँ धाःगु दु । लुम्बिनीइ थौं शान्तिपूर्ण ¥याली पिकायेगु लागिं धर्मोदय सभाया छुं दुजःत येँनं नं उखे वंगु खः ।

अथेहे धर्मोदय सभाया महासचिव सागरमान वज्राचार्यं थ्व घटनाया निन्दा यासें सरकार व लुम्बिनी विकास कोषं गलत ज्या यात धयादीगु दु । थ्व घटना लिपा आः विश्वं हे नेपाःया बौद्धतय्त गय् यानाः दमन याना तल धइगु खँ सीगु खँ नं वय्कलं कनादिल ।

राष्ट्रिय सभाया नवनिर्वाचित उपाध्यक्ष उर्मिला अर्यालं पद नाप गोपनीयताया शपथ काःगु दु।

उपाध्यक्ष अर्यालं शीलत निवासय् राष्ट्रपति विद्यादेवी भण्डारीया उपस्थितिइ राष्ट्रिय सभा अध्यक्ष गणेशप्रसाद तिमिल्सिनापाखे शपथ काःगु खः।

माओवादीपाखे राष्ट्रिय सभा सदस्य जुम्ह अर्याल सोमबार निर्विरोध उपाध्यक्षय् निर्वाचित जूगु खः।

मैतीदेवी चुकय् सतकय् च्वंगु प्रहरी बिट येँ महानगर प्रहरीं थौं मंगलबाः थुना बिःगु दु।

मैतीदेवी चुकय् छगु कुचाय् सतक व फुटपाथ पनां दयकातःगु चिधःगु भवनपाखे प्रहरी बिट सञ्चालन याना च्वंगु खः।

उगु थासय् सवारी साधनया चाप अप्पोय् वं प्रहरी बिटया कारण पैदलयात्री न सतकं हे न्यासीवनेत बाध्यता जुगुलि थुनगु खः धका महानगर प्रहरी प्रमुखं धाःगु दु।

स्वनिगलय् न बर्ड फ्लु खनेदुगु दु। येँया नागार्जुन नगरपालिका वडा नम्बर ६ व तार्केश्वर नगरपालिका वडा नम्बर ७ नाप यलया खुमलटारय् बर्ड फ्लु खनेदुगु दु धका पशु सेवा विभागया सूचना अधिकारी डा. चन्द्र ढकालं जानकारी बिःगु दु।

कृषि अनुसन्धान परिषद् नार्कया कथं अनुसन्धान फार्म नाप रामकोट व तारकेश्वरया निजी फार्मय् खा व टर्की सीउगुलि नमुना परीक्षण याःगुलि उमित बर्ड फ्लु पुष्टि जूगु दु धका धाःगु दु।

अन दक्को हे फार्मय् च्वपि पक्षी नाप पक्षीजन्य वस्तु नष्ट याःगु दु। खुमलटारय् २ सय १७ खा, २ हजार ५ सय ३० गः खेँ व २ सय ५० किलो दाना नष्ट याःगु दु धका  प्रवक्ता ढकालं जानकारी बिःगु दु ।

अथेहे तारकेश्वरय् ९ सय ४० खा व १ सय किलो दाना नाप रामकोटय् ४ हजार ५ सय ९१ खाः व २ हजार २ सय ५५ खेँ नष्ट याःगु दु धका प्रवक्ता ढकालं जानकारी बिःगु दु।

नेपाल आयल निगमं इन्धनया भाः थकाःगु दु।

सोमवाः चान्ह्यनिसे लागु जुइगु कथं पेट्रोल व डिजेल÷मचिकनय् लिटरं स्वतका थकाःगु दु।

आः पेट्रोल लिटरं १७८ रुपैयाँ व डिजेल÷मचिकं लिटरं १७५ थ्यःगु दु।