Display Style:
Column Style
मोरङ ५ य् एमालेया बागी उम्मेदवार योगेन्द्र मण्डल विजयी
लहनान्युज | थिंलाथ्व पारु ११४३, मंसीर ८ बिहीवाः
मोरङ क्षेत्र नम्बर ५ या प्रतिनिधिसभा सदस्यय् नेकपा एमालेया बागी उम्मेदवार योगेन्द्र मण्डल विजयी जूगु दु।
एमालेपाखे टिकट मवयेवं स्वतन्त्र उम्मेदवारी बिउगु खः। मण्डलं सत्ता गठबन्धनया मंकाः उम्मेदवार नेकपा माओवादी केन्द्रया शिवकुमार मण्डलयात पराजित याःगु खः।
मण्डलं २१ हजार ८२० मत हःगु खःसा माओवादी केन्द्रया शिवकुमार मण्डलं १७ हजार ४८६ मत व एमाले–जसपा गठबन्धनया उम्मेदवार यादवं १७ हजार ३९० मत हःगु खः।
नागरिक उन्मुक्ति पार्टीया अध्यक्ष रञ्जिता श्रेष्ठ निर्वाचित
लहनान्युज | थिंलाथ्व पारु ११४३, मंसीर ८ बिहीवाः
कैलाली निर्वाचन क्षेत्र नम्बर–१ पाखे नागरिक उन्मुक्ति पार्टीया अध्यक्ष रञ्जिता श्रेष्ठ निर्वाचित जूगु दु।
कांग्रेसया उम्मेदवार रामजनम चौधरीयात १२ हजार ३२३ मतं बूका श्रेष्ठ निर्वाचित जूगु दु। श्रेष्ठं ३० हजार ४०४ मत हःगु खःसा चौधरीं १८ हजार ८ मत हःगु खः।
अथेहे नेकपा एमालेया उम्मेदवार तपेन्द्र रावलं ५ हजार ९१० मत हःगु खः। कैलाली प्रदेशसभा (क) य् उन्मुक्ति पाटीया हे कैलाश चौधरी व प्रदेशसभा (ख) य् लक्ष्मणकिशोर चौधरी निर्वाचित जूगु दु।
प्रदेशसभा (१) य् १५ हजार १०१ मत हया कैलाश चौधरी निर्वाचित जूगु दु सा वयकःया प्रतिस्पर्धी माओवादी केन्द्रया दीर्घराज विनाडी १० हजार ३७७ मत हःगु खः।
अथेहे, प्रदेशसभा (२) य् ११ हजार ३१७ मत हया नागरिक उन्मुक्ति पार्टीया लक्ष्मणकिशोर चौधरी निर्वाचित जूगु खः।
धनकुटा १ य् एमालेया उम्मेदवार राजेन्द्रकुमार राई निर्वाचित
लहनान्युज | थिंलाथ्व पारु ११४३, मंसीर ८ बिहीवाः
धनकुटा क्षेत्र नम्बर–१ या प्रतिनिधिसभा सदस्यय् नेकपा एमालेया उम्मेदवार राजेन्द्रकुमार राई निर्वाचित जूगु दु।
राई न कांग्रेसया उम्मेदवार सुनीलबहादुर थापा नाप १ हजार ३८७ मतं निर्वाचित जुगु खः।
राई न ३० हजार १०१ मत हःगु खःसा थापां २८ हजार ७०४ मत हःगु खः।
अथेहे स्वतन्त्र उम्मेदवार हेमराज भण्डारी न ५ हजार ९२६, राष्ट्रिय प्रजातन्त्र पार्टीया कुमार बहादुर थापां १ हजार ५९ मत हःगु खः।
ख्वप २.(२) य् नेकपा एसया डा.राजेन्द्रमान श्रेष्ठ विजयी
लहनान्युज | थिंलाथ्व पारु ११४३, मंसीर ८ बिहीवाः
ख्वप क्षेत्र नं. २ (२) या प्रदेश सभाय् लोकतान्त्रिक बाम गठबन्धनया उम्मेदवार नेकपा एकिकृत समाजवादीया डा. राजेन्द्रमान श्रेष्ठ विजयी जूगु दु।
डा.श्रेष्ठं ८ हजार ३४१ मत हया विजयी जूगु खः। वयकःया निकतम प्रतिद्धन्द्धी नेकपा एमालेया चन्दनकृष्ण श्रेष्ठं ८ हजार ३१ मत हःगु खः।
बारा ३ (१) य् प्रदेशसभाय् एमालेया उम्मेदवार रबिन्द्रदास श्रेष्ठ निर्वाचित
लहनान्युज | थिंलाथ्व पारु ११४३, मंसीर ८ बिहीवाः
बारा क्षेत्र न.३ (१) या प्रदेशसभा सदस्यय् एमालेया उम्मेदवार रबिन्द्र दास श्रेष्ठ निर्वाचित जूगु दु।
श्रेष्ठं गठबन्धनया उम्मेदवार मुकेश साहयात ८८६ मतं बूका निर्वाचित जुगु खः। श्रेष्ठं ८ हजार १९५ मत हःगु खःसा सत्ता गठबन्धनया उम्मेदवार मुकेश साहं न ७ हजार ३०९ मत हःगु खः।
अथेहे जसपाया भरत बहादुर खड्कां ५ हजार ७०७ हःगु खः।
