रौतहट क्षेत्र नम्बर १ य्् एकीकृत समाजवादीया अध्यक्ष माधवकुमार नेपाल विजयी जूगु दु।

नेपालं ३३ हजार ५ सय २२ मत हया निर्वाचित जुगु दु।

नेपालया प्रतिस्पर्धी एमालेया अजय गुप्तां २६ हजार ९ सय २२ मत काःगु खः।

ख्वप क्षेत्र नम्बर १ य् नेपाल मजदुर किसान पार्टी (नेमकिपा) या उम्मेदवार प्रेम सुवाल विजयी जूगु दु।

लिपागु लिच्वः कथं सुवालं ४२ हजार ७६१ मत हया बिजयी जुगु खः। सुुवालया निकटतम प्रतिद्वन्द्वी नेकपा एमालेया नवराज गेलालं ११ हजार ८३४ व राप्रपाया उम्मेदवार भरतबहादुर खड्कां ९ हजार २२२ मत काःगु खः।

सत्ता गठबन्धनया उम्मेदवार नेकपा माओवादी केन्द्रया सुनिल गोठे न ५ हजार १६५ मत काःगु खः।

कास्की क्षेत्र २ य् एमालेया विद्या भट्टराई निर्वाचित कास्की क्षेत्र नं. २ य् नेकपा एमालेया विद्या भट्टराई निर्वाचित जूगु दु।

भट्टराई न निकटम् प्रतिद्वन्द्वी राष्ट्रिय स्वतन्त्र पार्टीया उम्मेदवार माधवप्रसाद कँडेलयात ४ हजार ५०३ मतं बूकुगु खः।

भट्टराई न १६ हजार ९९८ मत हःगु खःसा निकटतम् प्रतिद्वन्द्वी कँडेलं १२ हजार ४९५ मत हःगु खः।

अथेहे सत्तारुढ गठबन्धनपाखे उम्मेदवार जूम्ह नेकपा एकीकृत समाजवादीया श्रीनाथ बरालं ९ हजार ६५९ मत हःगु खः।

पाल्पा क्षेत्र नं.१ (१) पाखे प्रदेशसभा सदस्यय् नेकपा एमालेया उम्मेदवार राजुप्रसाद श्रेष्ठ निर्वाचित जूगु दु।

श्रेष्ठं १७ हजार ६४२ मत हया निर्वाचित जूगु खःसा वयकःया प्रतिस्पर्धी नेपाली कांग्रेसया श्यामकान्त खनालं १२ हजार २ सय ५२ मत हःगु खः।

अथेहे राप्रपाया डुल बहादुर गाहा न ४३१ व नेशनल मंगोलया पूर्ण बहादुर रुचालं २६० मत हःगु दु धका निर्वाचन अधिकृतया कार्यालयं धाःगु दु।

सोलुखुम्बुया प्रदेश सभा निर्वाचन क्षेत्र–१ य् नेकपा एमालेया वुद्धिकुमार राजभण्डारी निर्वाचित जूगु दु।

नेकपा माओवादी केन्द्रया उम्मेदवार शिव बहादुर बस्नेतयात पराजितयासे राजभण्डारी निर्वाचित जूगु खः ।

राजभण्डारीं १० हजार १२८ व बस्नेतं ६ हजार ८ सय १५ मत हःगु खः।