झापा–१ य् प्रतिनिधिसभा सदस्यय् नेपाली कांग्रेसया महामन्त्री विश्वप्रकाश शर्मा निर्वाचित जूगु खः।

बुधबाः बहनि सार्वजनिक याःगु मत परिणाम कथं शर्मा न ३९ हजार ६२४ मत हःगु खः।

शर्माया निकटतम प्रतिस्पर्धी नेकपा एमालेया अग्नि खरेलं २५ हजार ३४९ मत काःगु खः। शर्मा न १४ हजार २७५ मतं हया त्याकूगु खः।

सप्तरी क्षेत्र नम्बर २ य् जनमत पार्टीया अध्यक्ष चन्द्रकान्त राउत (सीके राउत) विजयी जूगु दु।

जनता समाजवादी पार्टीया अध्यक्ष उपेन्द्र यादवयात १८ हजार ६३ मतं पराजित यासे राउत विजयी जुगु खः।

राउतं ३५ हजार ४२ मत हःगु खःसा यादवं १६ हजार ९६९ मत हःगु खः। लोकतान्त्रिक समाजवादी पार्टी (लोसपा) या जयप्रकाश ठाकुरं ७ हजार ३४७ मत हःगु खः ।

धादिङ क्षेत्र नम्बर १ (१) य् सत्ता गठबन्धनया मदुकुमार श्रेष्ठ विजयी जूगु दु ।

नेपाली कांग्रेसया युवा नेता श्रेष्ठं नेकपा एमालेया रमेश आचार्ययात १ हजार २९४ मतं पराजित याःगु खः।

श्रेष्ठं १७ हजार ८३२ मत हःगु खःसा आचार्य न १६ हजार ५३८ मत हःगु खः।

येँया प्रेदश ७ (१) य् नेकपा एकीकृत समाजवादीया उम्मेदवार वसन्तप्रसाद मानन्धर विजयी जूगु दु।

थौं सुथय् क्वचाःगु मतगणनाय् एकीकृत समाजवादीया मानन्धरं ४ हजार १ सय ५३ मत हःगु दु धका निर्वाचन अधिकृत उषा श्रेष्ठं जानकारी बिःगु दु।

अथेहे नेकपा (एमाले) या उम्मेदवार जीवन मानन्धरं ३ हजार २ सय ५ व राष्ट्रिय प्रजातन्त्र पार्टीया उम्मेदवार रोजिना गुरुङं २ हजार ९ सय ६० मत हःगु खः।

प्रतिनिधि सभा अन्तर्गत ताप्लेजुङय् नेकपा एमालेया सचिव योगेश भट्टराई विजयी जूगु दु।

भट्टराई न निकटतम प्रतिस्पर्धी नेकपा माओवादी केन्द्रया उम्मेदवार खेलप्रसाद बुढाक्षेत्रीयात २ सय ४ मतं पराजित याःगु दु।

भट्टराई न २१ हजार ९ सय ४२ हःगु खःसा माओवादी केन्द्रया बुढाक्षेत्रीं २१ हजार ७ सय ३८ मत हःगु खः।

निर्वाचन आयोगपाखे औपचारिक घोषणा जुइ ल्यःदनिइ।