स्थानीय तह निर्वाचनया लागि मतदान यायेत छेँ लिहावपि थौंनिसे सुरु जुगु दु। थौं कोटेश्वर व बालाजुया माछापोखरीपाखे छेँ लिहावपि यक्को खनेदुगु दु।

मतदाता नां गन दु अनहे मतदान यायेमाःगु जुगुलि थ्व हे वैशाख ३० गते जुइगु स्थानीय तह निर्वाचनय् मतदान यायेगु निति थौं निसे छेँ लिहावनिइ सुरु जुगु दु।

बछलाथ्व दशमी ११४२, बैसाख २८ बुधवाःोला द्धःछि कुहावया थौं ९७ हजार रुपैयाँ न कारोबार जुगु दु धका नेपाल सुनचाँदी व्यवसायी महासंघं धाउगु दु। अथेहे वहः तोला न थौं स्वीतका कुहावंगु दु।

वहः तोलां स्वीतका कुहावया १२ सय ४५ रुपैयाँ तोके याउगु दु धका महासंघं धाउगु दु।

लुँया भाः थौं द्धःछि कुहावंगु दु।

लुँ तोला द्धःछि कुहावया थौं ९७ हजार रुपैयाँ न कारोबार जुगु दु धका नेपाल सुनचाँदी व्यवसायी महासंघं धाउगु दु।

अथेहे वहः तोला न थौं स्वीतका कुहावंगु दु। वहः तोलां स्वीतका कुहावया १२ सय ४५ रुपैयाँ तोके याउगु दु धका महासंघं धाउगु दु।

नेकपा एमाले येँ जिल्ला कमिटीया ग्वसालय् थौं जुगु चुनावी सभाय् एमाले येँया मेयर उम्मेदवार केशव स्थापितं येँ देय् दयेकेगु भिजन एमालेयाके दूगुलिं सकलसित बैशाख ३० गते जुइगु चुनावय् सुद्यः चिन्हय् छाप तयाः अत्याधिक मतं त्याकेत इनाप याःगु दु।

येँ महानगरपालिकाया मेयरय् नेकपा एमालेया उम्मेदवार केशव स्थापितं थःम्हेसिया न्ववानागु खँ सुयात घाः लाउगु दुसा माफी फ्वने धका धाउगु दु।

थौं मंगलबाः येँया भृकुटीमण्डपय् जुगु चुनावी सभाय् सम्बोधन यासे छु गल्ती जूसा क्षमा फ्वनेगु संस्कार थःके दु धका धयादीसे ‘आईएनजीओपाखे सञ्चालित तँहकेँहपिके’ माफी फ्वनागु दु धका धयादीगु दु। ‘जि दक्को तँहकेँहपि, मां धाये दइ। छु मिसा तँहकेँहपिन्स मथु ’ धका धयादीगु दु।

वयकलं धयादीगु दु चुनावया इलय् थःत हमला याउगु  धका धयादीसे थःगु अभिव्यक्तिं सुयात न चोट लाउगु दुसा माफी फ्वने धका धयादीगु खः।

सन् २०११ या मिस नेवाः सुनिता डंगोल नेकपा एमालेपाखे येँ महानगरया उपप्रमुखया प्रत्यासी खः।

डंगोलं रञ्जना लिपि प्रचार यायेगु कथं छम्ह अभियन्ता कथं ज्या याउगु खः। नेपाल भाषा विज्ञ कथं टेलिभिजनया ज्या याये धुकुम्ह खः। डंगोल पार्टीया मत जक मखु स्वतन्त्र मत तक थःपाखे वइ धका दाबी याउगु दु।

‘येँच्वपिनिगु मतिना याउगु दु, पार्टीया शक्ति न दु’ डंगोल धाउगु दु, ‘न्युट्रल भोट स्वयेगु खःसा आः देयन्यक ल्याय्म्हपिन्त मौका बिइमाः धका सः वयाच्वंगु दु।’ मतदातापिनिगु इच्छा कथं हे थःत पार्टी न अवसर बिउगु खः धका उम्मेदवार डंगोलं धाउगु दु। 

येँ महानगरपालिकाया मतपत्र देयन्यकया हे दकलय् तपागु जुगु दु।

येँ महानगरय् ६४ गु प्रकारया चिं समावेश याउगु दु। राजनीतिक दल व स्वतन्त्रपिनिगु चिं निगु लहरय् मतपत्र छापे याउगु दु।

गुलि स्वतन्त्र उम्मेद्वारपिनिगु नाप फरक फरक चिं दुगुलि तपागु मतपत्र जुगु धका कर्मचारीपिन्स धाउगु दु।