नेकपा माओवादी केन्द्रया अध्यक्ष पुष्पकमल दाहाल प्रचण्डं पत्रकार सम्मेलन याइगु जुगु दु।

थौं न्हिनय् छगु पत्रकार सम्मेलन याइगु जुगु दु धका वयकःया सचिवालय धाउगु दु।

अमेरिकी सहायता सम्झौता (एमसीसी) या सन्दर्भय् प्रचण्ड थःगु धारणा तयेत्यंगु दु। आइतबाः प्रतिनिधिसभाया बैठकं व्याख्यात्मक घोषणा नाप एमसीसी पारित याउगु खः।

एमसीसीया सन्दर्भय् माओवादीया तसकं आलोचना जुगु खः।

नयाँ बानेश्वरय् संसद भवन न्ह्यने मुख्य सतकय् शंकास्पद वस्तु खनेदुगु दु।

येँ प्रहरी परिसरया प्रवक्ता एसपी दिनेशराज मैनाली संसद भवन न्ह्यने बम थे याउगु शंकास्पद वस्तु खनेदुगु धका जानकारी बिउगु दु।

शंकास्पद वस्तु खनेदुगुलि अन सुरक्षा बिउगु दु। मुख्य सतक बन्द याउगु दु । उगु वस्तु निष्क्रिय यायेगु लागि नेपाली सेनाया डिस्पोजल टोलीयात खबर बियागु दु धका एसपी मैनालीं धाउगु दु।

प्रेसर कुकुर थे जागु शंकास्पद वस्तुइ नो एमसीसी च्वयातःगु खः।

लुँ तोलां म्हिगः १४ सय रुपैयाँ घटे जुगु थौं तोलां थौं १६ सय रुपैयाँ थहावंगु दु।

थौं तोला ९८ हजार २ सय रुपैयाँ थ्यंगु दु धका नेपाल सुनचाँदी व्यवसायी महासङ्घ न धाउगु दु।

अथेहे वहः तोलां ४५ रुपैयाँ थहावंगु दु। थौं वहः तोलाया १३ सय ४० रुपैयाँ थ्यंगु दु।

नेकपा एमालेया उपमहासचिव प्रदीप ज्ञवालीं अमेरिकी सहयोग परियोजना एमसीसीं प्रचण्ड व माधव नेपालया अवसरवाद बालाक्क खनेदुगु दु धका धाउगु दु।

प्रेस चौतारी नेपाल, कैलालीं थौं धनगढीइ ग्वसाः ग्वंगु पत्रकार सम्मेलनय् न्ववानादीसे उपमहासचिव ज्ञवालीं प्रचण्ड व नेपाल सत्ताया लागि न्ह्याउगु न यायेत तयार जुगु दु धका एमसीसीं पुष्टि याउगु दु।

‘वयकःपि (प्रचण्ड व नेपाल) एमसीसी ठीक खः धका स्वीकार याउगु दु। कांग्रेसं एमालेनाप मिले जुया सभामुुख हटे यायेगु व एमाले कारबाही यापि १४ म्ह सांसदपिन्त पदच्युुत यायेगु जुुगुलि समर्थन याउगु खः’ ज्ञवालीं धाउगु दु, ‘निम्ह नेताया कारण थौं एमसीसी अमेरिका व चीन आमनेसामने जुइगु अवस्था वंगु दु।

थ्व झीगु लागि दुुर्भाग्यपूर्ण खः।’ एमालेया दबाब कारण सरकार स्थानीय तहया चुुनाव याउगु मिति घोषणा यायेत बाध्य जुगु  धका धाउगु खः।सिल्लागा द्धादशी ११४२, फागुन १६ सोमवाः

अमेरिकी सहयोग सम्बन्धी परियोजना मिलेनियम च्यालेन्ज कम्प्याक्ट (एमसीसी) सम्झौता म्हिगः आइतबाः व्याख्यात्मक घोषणा नाप प्रतिनिधिसभाय् बहुमतं अनुमोदन याउगु दु।

नेपालं सम्झौताय् ल्हाचिं तःगु ४ वर्ष ६ महिना व दर्ता जुगु २ वर्ष ८ महिनालिपा प्रतिनिधिसभां एमसीसी सम्झौता अनुमोदन याउगु दु। सम्झौताय् ल्हाचिं तःगु २०७४ भदौ २९ गते व अनुमोदन याउगु २०७८ फागुन १५ गते निकल हे प्रधानमन्त्री शेरबहादुर देउवा खःसा ल्हाचिंपि अर्थमन्त्री ज्ञानेन्द्रबहादुर कार्की व प्रतिनिधिसभाय् जनार्दन शर्मा अर्थमन्त्री खः।

२०७५ माघ २५ गते तत्कालीन अर्थमन्त्री युवराज खतिवडां मन्त्रिपरिषदय् एमसीसी संसदपाखे अनुमोदन यायेगु प्रस्ताव तःगु खः। उगु हे दिं मन्त्रिपरिषदं स्वीकृति याउगु खः। मन्त्रिपरिषदया उगु निर्णय लिपा तत्कालीन अर्थमन्त्री युवराज खतिवडां २०७६ असार ३० गते प्रतिनिधिसभाय् सम्झौता दर्ता याउगु खः।

१२ बुँदे व्याख्यात्मक घोषणा संसदं नेपाल, अमेरिकाया छु न सैन्य गठबन्धन सामेल जुइमखु, नेपालया संविधान कम्प्याक्ट व कम्प्याक्टनाप सम्बन्धित मेगु सम्झौता स्वया च्वयेलाः, एमसीए–नेपालया दक्को क्रियाकलाप नाप कोष लेखा परीक्षण महालेखा परीक्षकपाखे यायेगु व बौद्धिक सम्पत्ति नेपाःया स्वामित्व दुगु घोषणा याउगु खः।

नाप, एमसीसीया क्रियाकलाप÷कार्यक्रम सञ्चालन यायेगु इलय् नेपाःया कानून वा नीति उल्लंघन जुगु ठहर जुगुलि ३० दिं न्ह्यः पूर्व लिखित पूर्वसूचना बिया कम्प्याक्ट अन्त्य याये दइगु अधिकार दुगु घोषणा याउगु खः।