रौतहटया यमुनामाई गाउँपालिकाय् मतपेटिका लुटे याउगु दु। यमुनामाई गाउँपालिका वडा नम्बर १ या चिकना जेठरहिया ‘क’ मतदान स्थल व वडा नम्बर २ य् छगु मतदान स्थलय् मतपेटिका लुटे याना यकूगु दु।

यमुनामाईय् जनता समाजवादी पार्टी, नेपाली कांग्रेस व नेकपा एमालेया कार्यकर्ता दथुइ पटक–पटक ल्वापू जुगु खः रौतहटया यमुनामाई गाउँपालिकाय् मतपेटिका लुटपाट याउगु खः। यमुनामाई गाउँपालिकाया वडा नम्बर १ चिकना जेठरहिया ‘क’ मतदान स्थल व वडा नम्बर २ या छगु मतदान स्थलय् मतपेटिका लुटे याउगु खः।

यमुनामाईय् जनता समाजवादी पार्टी, नेपाली कांग्रेस व नेकपा एमालेया कार्यकर्ता दथुइ पटक–पटक झडप जुगु खः । तर मतदान स्थलय् हुलदंगा यासे मतदान केन्द्र कब्जा कया मतदान यासे व बाँकी दुगु मतपत्र खुया मतपेटिका तोडफोड तक यानाबिउगु खः।

थौं शुक्रबाः सुथये ७ बजेनिसे सुरु जुगु स्थानीय तह निर्वाचनया मतदान बहनि ५ बजेलिपा क्वचाःगु दु।

येँया यक्को थासय् मतपेटिका संकलन सुरु याये धुकुगु दु। मतपेटिका राष्ट्रिय सभागृहमा संकलन याना ल्यायेगु तयारी दु।

लगातार निन्हुयक थहावंगु सेयर बजाः परिसूचक नेप्से थौं बिहीबाः हाकन घटे जुगु दु।

बिहीबाः १८.६४ अंकं घटे जुया बजार २३५०.४२ विन्दुइ कुहावंगु दु। स्थानीय निर्वाचन न्ह्यः थ्व हे लिपागु कारोबार खः। बिहीबाः उत्पादन नाप प्रशोधन व मेमेगु उप समूह जक थहावंगु दु। थौं दकलय् अप्पो विकास बैंक समूह कुहावंगु दु ।

कुल २२८ कम्पनीया कारोबार जुगु खः। थुकिइ कुल ४० हजार २३ गु कारोबारपाखे ५२ लाख २७ हजार ३५९ कित्ता सेयर किनबेच जुगु खः। 

२ अर्ब ३२ करोड ८४ लाख ३४ हजार २७३ रुपैयाँया कारोबार जुगु दु। जाल्पा सामुदायिक लघुवित्त वित्तीय संस्थाया सेयर भाः १० प्रतिशतं थहावना २४४८.६० रुपैयाँ थ्यःगु दु। तेह्रथुम पावर कम्पनीया भाः ६.२० प्रतिशतं थहावना ५१४ रुपैयाँ कायम जुगु दु। 

इतुंबहाः सुधार समितिपाखें श्री भाष्करदेव संस्कारित केशचन्द्रकृत पारावर्त महाविहार इतुंबहाःया झिम्ह थाय्पापिंत छगू विशेष ज्याझ्वःया दथुइ हनेज्या याःगु दु।

चक्रेश्वर ओमरत्न वज्राचार्य (सानुरत्न), मू थाय्पा मणिरत्न शाक्य, मोतिकाजी शाक्य, अमिररत्न शाक्य, बोधवीर शाक्य, रविबहादुर शाक्य सानुबाबु शाक्य, तेजरत्न शाक्य, विजेन्द्र शाक्य व सानुमान शाक्ययात हनेज्या याःगु खः।

चक्रेश्वर ओमरत्न वज्राचार्य, रत्नाकर वज्राचार्य व संजिब वज्राचार्यं स्वस्ति वाचन यानाबिज्याःगु खःसा इतुंबहाः मिसा पुचलं नेवाः परम्पराकथं ख्येँ सगं बिउगु खः।

अथेहे सम्मानित जुयादीपिंत समितिया नायः मनोज शाक्यं खादा क्वखायेकादीगु खःसा सल्लाहकार भगवान शाक्यं दोसल्लां न्ययेकादीगु खः।

ज्याझ्वलय् सर्वसंघया दुजः भगवान शाक्य, महाविहारया छ्याञ्जे प्रज्ञारत्न शाक्य, केशचन्द्र गुंला बाजं खलःया गुरु दीपकमान शाक्यं नुगःखँ तयादीगु खः।

वंगु फागुनया लिपांगु वालय् जक वसपोलपिंत थाय्पा लुइगु ज्याझ्वः जूगु खः।

नेपालभाषा केन्द्रीय विभागया प्रमुखय् सह प्राध्यापक डा. राजनलाल (रास) जोशी नियुक्त जुयादीगु दु ।

सह प्राध्यापक जोशीं वंगु सोमवाः हे विभाग प्रमुखया पदभार लःल्हाना कयादीगु खः। वय्कः ताःई न्ह्यवंनिसें नेपालभाषा केन्द्रीय विभागय् प्राध्यापन याना वयाच्वनादीम्ह खः।

केन्द्रीय विभागया ज्याकू पाटन क्याम्पसय् दु।