स्थानीय तह निर्वाचनय् थीथी पदय् जूगु दु। उकि मध्ये छम्ह जक उम्मेदवारी वःगुलि निर्वाचन आयोगं निर्विरोध जुगु घोषणा याउगु खः।

आयोगं जारि याउगु बुलेटिन कथं गाउँपालिकाय् स्वम्ह अध्यक्ष नाप थीथी पदय् निर्विरोध निर्वाचित जुगु दु धका धाउगु दु।

स्वतन्त्र उम्मेदवार कथं येँ महानगरपालिकाय् मेयर पदया उम्मेदवारी बियादीम्ह सुमन सायमिं थःगु उम्मेदवारी येँया जनतापिन्त न्याय बिइगु नितिं भाषा संस्कृति सम्पदाया संरक्षण यायेगु व सतक विस्तारपाखें पीडित जूपिन्त न्याय बिइगु नितिं खः धका धयादीगु दु ।

वयकलं येँय् पिनेच्वपिन्स शासन यानाः नेवाः तय्गु अस्तित्व न्हंकाः छ्वयेगु ज्या याःगलिं येँ महानगरय् नेवाः नुगः थूपिं व भूमिपुत्रपिं हे थासय् वनाः ज्या यायेमाःगुलिं चुनावय् कुहावया धका धयादीगु खः। वय्कलं पार्टीया उम्मेदवारपिन्सं त्याःसां येँया जनताया ज्या इमान्दारपूर्वक मयाःगु जक मखुसे येँया जनतायात दुःख बिइगु बाहेक मेता छुं हे मयाःगुलिं तःधंगु पार्टीया भलसाय् मकयासे स्वतन्त्र उम्मेदवार बियागु खः धका धयादीगु खः।

येँ देय् दुने थीथी वडाय् स्वतन्त्र उम्मेदवारपिं छथाय् च्वनाः येँ देय्या नितिं छुं यायेगु ह्वताः चूलाःगु खँ नं कनादीगु दु । नाप वय्कलं स्वतन्त्र उम्मेदवार जूपिनिगु कन्हय् राजनीतिक दलया रुपय् न्ह्यःने वयेफूगु धका धयादीगु दु। उपत्यका सतक विस्तार पीडित संघर्ष समितिया अध्यक्ष जुयादीम्ह सायमि मेयरय् व उपमेयरय् बिद्या श्रेष्ठ उम्मेदवारी बियादीगु खः।

येँ महानगरपालिका २३ वडाया उम्मेदवार मचाराजा महर्जनं वडावासी पिनिगु जनजीविकानाप स्वागु थीथी समस्यायात व्यवस्थापन यायेगु, पूर्वाधार विकास व सुधारलिसें शिक्षा, स्वास्थ्य, सम्पदा, संस्कृतिया संरक्षण व संवद्र्धन यायेगु उद्देश्य थःम्ह हाकन उम्मेदवार बियागु धका धयादीगु दु।

नापं सामाजिक सुरक्षा, विपद् व्यवस्थापननापं आवश्यकताकथं प्राथमिकता बियाः ज्या यायेगु हे थुगुसीया चुनावया मू एजेन्डा दु धका धयादीगु दु। वयकलं धयादीगु दु, २३ वडाया मुख्य समस्या धइगु ट्राफिक व्यवस्थापन, अव्यवस्थित पार्किङ, विपदया इलय् दमकल दुहां वने मफइगु लँ खःसा अज्याःगु थासय् च्वंगु व छेँ क्वं वनाच्वंगु धःया निकासयात सहज व्यवस्थापन यायेमाःगु दु धका धयादीगु दु।

अथेहे अस्तव्यस्त जुयाच्वंगु तारयात व्यवस्थित यायेमाःगु मुख्य चुनौति दु धका धयादीगु दु। हाकनं वडाअध्यक्षय् निर्वाचित जुल धासा न्हापां प्रतिवद्धताकथंया ज्या न्ह्याके । उकिया निंतिं योजना तर्जुमा यानाः तत्काल, मध्यकाल व दीर्घकालीन छुटे याये । उकियात छगू क्यालेण्डर हे दयेकाः योजनायात कार्यान्वयनय् यंकेगु जुइ धका धयादीगु दु ।

वयकलं स्थानीय भाषा, कला, संस्कृतिया उत्थानया निंतिं योजनाबारे धयादीगु दु, सामुदायिक ब्वनेकुथिइ नेपालभाषा अनिवार्य ब्वंकेत माःगु कानून निर्माण, सम्पदामैत्री भवन निर्माणयात अनुदान बीत कानून दयेका न्ह्या वनेगु जुइ धका धयादीगु दु। सम्पदा पुनःनिर्माणया निंतिं आवश्यक कार्यविधि व निर्देशिका दयेका ज्या यायेगु जुइ धका धयादीगु।

थौं शनिवाः नेकपा (एमालें) न येँया पम्परागत नगर दुने तःधंगु ¥याली पिकाःगु दु।

येँया हनुमानध्वाखां न्ह्याःगु ¥यालीइ तःधंगु ल्याखय् एमाले समर्थकतय् सहभागिता दुगु खः।

येँ महानगरपालिकाया मेयर उम्मेदवार केशव स्थापित व उपमेयरया उम्मेदवार सुनिता डंगोल लिसें परम्परागत नगर दुने येँया वडा नं. १७, १८, १७, २०, २१, २२, २३, २४ व २५ वडाया उम्मेदवारपिं सहित ¥याली जूगु दु ।

¥यालीइ एमाले उपाध्यक्ष इश्वर पोखरेल, संघीय सांसद कृष्णगोपाल श्रेष्ठ, बीना श्रेष्ठ, येँ महानगरपालिकाया मेयर विद्यासुन्दर शाक्य, बागमति प्रदेश सांसदपिं अजयक्रान्ति शाक्य, राजेश शाक्यपिनि नं सहभागिता दुगु खः।

हनुमानध्वाखां सुरु जुगू ¥याली चिकंमुगः, न्हूघः, लगं, ब्रम्हूत्वाः, वन्दे, ह्युमत, मरु, दमाइत्वाः, न्यत, छत्रपाटी, थँहिति, ज्याथा, असं, महाबू, न्हूसतक, तेबहाः, खिचापुखू जुयाः ओमबहालय् थ्यंकाः क्वचायेकूगु खः । ¥यालीइ सहभागी मेयर, उपमेयरया उम्मेदवार लिसें थीथी वडाया उम्मेदवारपिंत थाय्थासय् स्थानीयपिंसं ख्येँ सगं बियाः भिंतुना बिउगु खः।

गजेन्द्र महर्जन २०७४ सालया निर्वाचनय् गोदावरी नगरपालिकाया मेयरय् निर्वाचित जुयादीगु खः। वयकलं मेयरय् बिजयी जुलकि लेलेय् खानी क्षेत्रय् व्यवस्थित यायेगु, नगरयात पर्यकीय, धार्मिक, सांस्कृतिक क्षेत्रया रुपय् विकास यायेगु, कोर क्षेत्रय् पूलागु नेवाः पहः वयकः बास्तुकला शैलीइ छेँ दयका पुननिर्माण याना मल्लकालिन मापदण्ड लागु यायेगु धका धयादीगु खः।

वयकलं लहनान्युजं वयकःया न्यादँया कार्यकाल गुकथं न्ह्यात? न्ह्यसलय् थुुकथं लिसः बियादीगु संघीयता लागु जुइ धुका न्हापागु पटक नेपालय् स्थानीय तहया निर्वाचन जुगु खः। स्थानीय तहया निर्वाचन व नगरपालिका गठननाप नाप जुगुलि ऐनकानुन, कार्यविधि व विकास निर्माणया ज्या यानागु दु।

समग्र न्यादँया कार्यकाल बालाक्क क्वचायगु दु धका धयादीगु दु। न्यादँया कार्यकालय् गुलिफु उलि विकास निर्माणया ज्या सुरुवात यानागु दु धका धयादीगु दु। जिगु न्यादँया कार्यकालय् शिक्षा, स्वास्थ्य, पर्यटन, पूर्वाधार, सम्पदाय् बालाक्क ज्या जुगु दु। उगु ज्या ल्यः दनिइ। पाइप लाइनया ज्या वइगु न्यादँया दुने पुरा यायेत हाकन उम्मेदावरी बियाउगु खः धका धयादीगु खः।

गोदावरी नगरपालिकाया मुख्य समस्या धइगु हे सतक खः। थुगु नगरपालिका न्हुगु जुगुलि पूर्वाधारया ज्या याये यक्को ल्यःदनिइ। स्थानीय सरकार अन्र्तगत मदुगु कारण मुख्य सतक निर्माण यायेत अझ न याये फुगु मदुनि। सामुदायिक विद्यालयय् शैक्षिक गुणस्तरया ज्या न्ह्याकगु दु। उकिइ जिपि सफल जुगु महसुस यानागु दु।

वइगु दिं कलेजय् जक मखु माध्यमिक तहतकया लागि अनुदानया व्यवस्था याना सामुदायिक विद्यालयया शैक्षिक गुणस्तर थकायेगु योजना दु। स्वास्थ्यया ख्यलय् कोभिडया कारणं यक्को सयके माःगु अवस्था दु। सु न नागरिक स्वास्थ्य शिक्षापाखे वञ्चित मजुइमा धका जिल्ला अस्पतालयात आधुनिक अस्पतालया रूपय् विकास याना न्ह्यानवेगु योजना दु धका धयादीगु दु।

दिर्घरोगीपिन्त नगरपालिकां छम्हेसित २५ हजार रुपैया“ स्वया अप्पो यायेगु योजना दु । सुगर, प्रेसर ल्वय् दुपिन्त निःशुल्क उपचार यायेगु योजना दु। शिक्षाया लागि नगरपालिकापाखे उत्कृष्ट विद्यार्थी मध्ये दँय्दसं एमवीवीएस व इन्जिनियर अध्ययन यायेत छात्रवृतिया व्यवस्थापन याकेगु जुइ धका धयादीगु दु।