थौं विद्याया द्यः कथं कयातम्ह ससू द्यःया पूजा यायेगु दिं श्रीपञ्चमी कथं हनिइगु याः।

थौं वसन्त पञ्चमी कथं कयातःगु दिं ससूद्यःया पुजा यायेगु चलन दु। थौं यलया लेलेय् सरस्वती कुण्ड, थिमीया सरस्वतीख्यः, विशालनगरया नील सरस्वती, आर्यघाटया सरस्वती द्यः, मैतिदेवी, स्वयंभूया सरस्वती द्यःया थाय् पुजा यायेगु याः।

थौं हनुमानध्वाकाया नासलचुकय् राष्ट्रपतिपाखे वसन्त श्रवण याइगु ज्याझ्वः जुइगु दु। थौंया दिं विद्या, बुद्धि, कला व संगीतनाप स्वाउगु नखःया कथं कायेगु याः ।

ससूद्यःयात पूजा यायेगु याइ। ससूद्यःयात थौं पूजा याना मस्तयसं आखः च्वयेगु सुरु यायेगु व मचापिन्स न्ह्यापं प्वाखन्हिगु  न यायेगु याः। संगीत प्रशिक्षणया थौंया दिं निसे सु यायेगु बालाइगु विश्वास याः।

पेट्रोलियम पदार्थया भाः थकाउगु व एमसीसीया विरोधय् नेकपा एकीकृत समाजवादी निकट विद्यार्थी संगठन अनेरास्ववियू न मशाल जुलुस पिकाउगु दु।

अनेरास्ववियु न येँया शंकरदेव क्याम्पसं मशाल जुलुस पिकाउगु दु। उगु मशाल जुलुस पिकाउगुलि प्रहरीं हस्तक्षेप याना मशाल स्यानाबिउगु खः।

प्रर्दशन याउगुलि विद्यार्थीपिन्स पेट्रोलियम पदार्थया भाः थकाउगु खारेज याः, महङ्गी नियन्त्रण याः, एमसीसी खारेज याः धका नारा लगे याउगु दु। प्रदर्शन लिपा कोणसभा यासे अनेरास्ववियुया अध्यक्ष सुदेश पराजुलीं जनतायात कर थपे याना सरकारं पेट्रोलियम पदार्थया भाः थकाउगु द्धपः बिउगु खः।

अथेहे एमसीसी देशया हित विपरित जुगुलि थुकियात पारित याये मज्यू धका धाउगु खः। पेट्रोलियम पदार्थ भाः थकाउगु व एमसीसीया विरोधय् नेकपा एकीकृत समाजवादी निकट विद्यार्थी संगठन अनेरास्ववियू न मशाल जुलुस पिकाउगु खः।

स्वनिगलय् थप ४६३ म्हेसित कोरोना संक्रमण पुष्टि जूगु दु।

स्वास्थ्य मन्त्रालयया कथं येँ ३१६ म्हेसित कोरोना सक्रमित पुष्टि जूगु दु। अथेहे, यलय् १०४ म्ह व ख्वपय् ४३ म्हेसित कोरोना संक्रमित पुष्टि जुगु दु।

अथेहे मेमेगु जिल्लाय् स्वास्थ्य मन्त्रालयया कथं कास्कीइ ६५, मोरङय् ६१, काभ्रेपलाञ्चोकय् ४७, नुवाकोटय् ४४, सुनसरीइ २८ नाप चितवन व कैलालीइ २६÷२६ म्हेसित कोरोना संक्रमण पुष्टि जुगु दु।

मकवानपुर, पाल्पा व रुपन्देहीइ २०÷२० म्ह, दाङ १८, झापा, दादिङ व कञ्चनपुरय् १४, तनहुँइ १३, स्याङजाय् १२ नाप धनकुटा, धनुषा व गोरखाय् १०÷१० म्हेसित कोरोना संक्रमित थपे  जुगु दु धका मन्त्रालयं धाउगु दु।

वंगु २४ घण्टाया दुने देयन्यक कोरोना भाइरस (कोभिड–१९) या संक्रमणं थप गुम्हेसिगु ज्यान वंगु दु।

अथेहे थौं देयन्यक १ हजार ७१४ म्हेसित संक्रमण पुष्टि जूगु दु। स्वास्थ्य तथा जनसंख्या मन्त्रालयया कथं देयन्यक ८ हजार ५१३ म्हेसिगु नमुना परीक्षण याउगु दु।

५ हजार २२५ म्हेसिगु नमुना पीसीआर परीक्षण याउगुलि १ हजार १०३ म्ह व ३ हजार २८८ म्हेसिगु एन्टीजेन परीक्षण याउगुलि ६११ म्ह याना १ हजार ७१४ म्हेसित कोरोना संक्रमण पुष्टि जूगु दु।

अथेहे २४ घण्टाय् ४ हजार ७७१ म्ह संक्रमणमुक्त जूगु दु। आःतक देयन्यक ५२ हजार ७८० म्ह संक्रिय संक्रमितपि दु।

उकि मध्ये ५१ हजार ४३४ म्ह संक्रिय संक्रमितपि होम आइसोलेसनय् व १ हजार ३४६ म्ह संस्थागत आइसोलेसनय् च्वनाच्वंगु दु।

कपिलवस्तुया कृष्णनगर नगरपालिकाया प्रमुख रजतप्रताप शाह नेपाली कांग्रेसय् प्रवेश याउगु दु।

नगर प्रमुख शाह नाप कृष्णनगरया स्वम्ह वडा अध्यक्ष न कांग्रेसय् प्रवेश याउगु दु।

उपि थौं शनिबाः छगु ज्याझ्वः दथुइ नेपाली कांग्रेस लुम्बिनी प्रदेश सभापति अमरसिंह पुन, महामन्त्री सुरेन्द्रराज आचार्य, कपिलवस्तु क्षेत्र नं. ३ या कांग्रेस सांसद अभिषेक प्रताप शाह न पार्टी लसकुस याउगु खः।

शाह नाप द्धःछिम्ह नेपाली कांग्रेसय् प्रवेश याउगु दु धका नेपाली कांग्रेस कपिलवस्तं धाउगु दु।