कोरोना भाइरसया स्वगुगु लहरया प्रभाव कम जुयावंगुलि शिक्षालय हाकन सञ्चालनया लागि गृहकार्य शुरु जुगु दु।

शिक्षालय नाप थीथी सेवा क्षेत्रया सञ्चालन व सहजीकरणबारे कोभिड सङ्कट व्यवस्थापन केन्द्र (सिसिएमी) न शुक्रबाः शिक्षा क्षेत्रया अधिकारी व सरोकार दथुइ छलफलं उगु गृहकार्य जुगु दु धका धाउगु दु। वंगु सुझावया आधारय् वइगु आइतबाः राज्यमन्त्री उमेश श्रेष्ठया उपस्थितिइ सिसिएमसीया बैठकय् थप सिफारिस याइगु जुगु दु।

सिसिएमसीया प्रमुख नाप प्रधानमन्त्री व मन्त्रिपरिषदया कार्यालय सचिव रामप्रसाद थपलियाया उपस्थितिइ जुगु बैठकय् शिक्षा, विज्ञान तथा प्रविधि मन्त्रालयया सहसचिव दीपक शर्मा, गाउँपालिका राष्ट्रिय महासङ्घया महासचिव वंशीलाल लामा, निजी तथा आवासीय विद्यालय अर्गनाइजेशन (प्याब्सन) या अध्यक्ष टीकाराम पुरी, राष्ट्रिय निजी तथा आवासीय विद्यालय एसोसिएशन (नेशनल प्याब्सन) या अध्यक्ष ऋतुराज सापकोटा, अभिभावक महासङ्घया अध्यक्ष सुप्रभात भण्डारी, नेपाल शिक्षक महासङ्घया अध्यक्ष कमला तुलाधरपिनिगु सहभागिता दुगु खः।

वंगु २४ घण्टाया दुने स्वनिगलय् ७४५ म्हेसित कोरोना संक्रमितपि थपे जुगु दु।

स्वास्थ्य तथा जनसंख्या मन्त्रालयया कथं येँ थप ५७० म्हेसित कोरोना सक्रमण पुष्टि जुगु दु। अथेहे, ख्वपय् ५५ म्ह व यलय् १२० म्ह संक्रमितपि थपे जुगु दु।

अथेहे थ्व नाप स्वनिगलय् सक्रमित जूपि ३५ हजार ७४८ म्ह थ्यंगु दु। अथेहे मेमेगु जिल्ला कास्कीइ १०२, मोरङय् ८५, चितवनय् ६२, सुनसरीइ ५७, झापाय् ४० व रुपन्देहीइ ३८ म्हेसित कोरोना संक्रमण पुष्टि जुगु दु।

अथेहे, मकवानपुरय् ३२, बाँकेय् २७, बागलुङय् २५, काभ्रेपलाञ्चोकय् २४, नवलपरासी पुर्वय् २१ व बाराय् २० म्हेसित कोरोना संक्रमितपि थपे जुगु दु धका स्वास्थ्य मन्त्रालयं धाउगु दु।

वंगु २४ घण्टाय् कोरोना भाइरस (कोभिड–१९) या संक्रमणं थप १६ म्हेसिगु ज्यान वंगु दु।

अथेहे देयन्यक २ हजार ५२६ म्हेसित संक्रमण पुष्टि जुगु दु। स्वास्थ्य तथा जनसंख्या मन्त्रालयया कथं देयन्यक ११ हजार ७३ म्हेसिगु नमुना परीक्षण याउगु खः।

६ हजार ६५५ म्हेसिगु नमुना पीसीआर टेष्ट याउगुलि १ हजार ६०२ म्हेसित व ४ हजार ४१८ म्हेसिगु नमुना एन्टीजेन टेष्ट याउगुलि ९२४ म्हेसित संक्रमण पुष्टि जुगु दु।

अथेहे वंगु २४ घण्टाय् ८ हजार ४२५ म्ह संक्रमणमुक्त जुगु दु।

 प्रधानमन्त्री शेरबहादुर देउवाया प्रेस प्रमुखय् गोविन्द परियार नियुक्त याउगु दु।

प्रधानमन्त्री ताः ईनिस निजी सचिवालय तक मदयकूगु आः देउवा थःगु टीम दयकेगु सुरु याउगु दु। प्रधानमन्त्री देउवां पत्रकार परियारयात प्रेस प्रमुख नियुक्त याउगु खः।

वःगु बुधबाःनिसें वःगु मौसमय् ह्यूपाः कथं थौं नं देय्या यक्व धइथें थासय् वा वइगु व च्वापु गाईगु मौसम पूर्वानुमान धाःगु दु ।

उच्च पहाडी व हिमाली लागाय् च्वापु गाःगु मौसम पूर्वानुमान महाशाखां धागु दु । वंगु बुधवाःनिसें पश्चिम नेपालं सक्रिय जूगु पश्चिमी न्यून चापीय वायु प्रणालीया हुनिं देय्न्यंकं मौसमय् बदली जूगु दु ।

गुलिख्य थासय् नं न्यानाः वा वःगु दु । स्वनिगलय् म्हिगः सनिलय्निसें मध्यम कथंया वा वयाच्वंगु दु । वा वःगुनाप स्वनिगः जःखःया शिवपुरी, फूल्चोकी, चन्द्रागिरिनापया गुँइ च्वापु गायाः त्वइसेच्वं ।

वंगु पुस १४ व माघ ६ गते न थुपिं गुँइ च्वापु गाःगु खः । देय्या छुं छुं थासय् प्वँनाप वा वःगु दु । थौं न्हिनय् न देय्न्यंकं सामान्यनिसें पूर्ण बदली जुयाः यक्व धइथें थासय् नं न्यानाः मलः त्वइगु अले प्वँनाप वा वइगु महाशाखां प्रक्षेपण याःगु दु ।

गण्डकी व लुम्बिनी प्रदेशया छथाय् निथाय् तसिक्कं वा वइगु धागु दु । प्रदेश १, मधेश प्रदेश व वाग्मती प्रदेशय् न नं न्यानाः वा वइगु, मलः त्वइगु अले प्वँ गाइगु सम्भावना दु ।

उखय्, सुदूरपश्चिम, कर्णाली व लुम्बिनी प्रदेशया छथाय् निथाय् हल्का वा वइगु सम्भावना दु । मौसम बदली जुयाः वा वइगु झ्वः शनिवाः तक जुइगु महाशाखां धागु दु ।

आइतवाः न आंशिक बदली जूसां न्हिनय्निसें मौसम भिनावइगु मौसम पूर्वानुमान महाशाखां प्रक्षेपण याःगु दु ।