वंगु २४ घण्टाया दुने कोरोना भाइरस (कोभिड–१९) न संक्रमणपाखे थप ११ म्हेसिगु ज्यान वंगु दु।

अथेहे देयन्यक थप १ हजार ९५७ म्हेसित कोरोना संक्रमण पुष्टि जुगु दु। स्वास्थ्य तथा जनसंख्या मन्त्रालयया कथं देयन्यक १२ हजार ६९२ म्हेसिगु नमुना परीक्षण याउगु खः।

८ हजार ५८७ म्हेसिगु पीसीआर परीक्षण याउगुलि १ हजार १८४ म्ह व ४ हजार १०५ म्हेसिगु एन्टीजेन परीक्षण याउगुलि ७७३ म्ह याना १ हजार ९५७ म्हेसित संक्रमण पुष्टि जुगु खः।

वंगु २४ घण्टाय् ५ हजार १०३ म्ह संक्रमणमुक्त जुगु दु।

वइगु वैशाख ३० गते स्थानीय तहया निर्वाचनया मिति क्वःजिइवं निर्वाचन आयोगं मतदाता नांधलः मुंकेगु ज्या लिचिइकूगु दु ।

निर्वाचन आचारसंहिता कथं देय्न्यंकं मतदाताया नांधलः मुंकीगु ज्याकूतय्त थौंनिसें मतदाताया नांधलः मुंकेगु ज्या मयायेत अले आःतक मुंकूगु धलः जक छ्वयाहयेत निर्देशन ब्यूगु आयोगया प्रवक्ता शालिकराम शर्मां धयादीगु दु ।

आयोगं मतदाता नांधलः प्रकाशनया तयारी याःगु दु । कानुनी व्यवस्था कथं निर्वाचनया मिति घोषणालिपा मतदाताया नांधलः मुंके दइमखु । वहेकथं आयोगं उगु ज्या मयायेत धागु खः ।

निर्वाचनया मिति घोषणा जुइवं सोमवाः न्हिनय् आयोगय् मुँज्या च्वनाः च्वनाः नांधलः मुंकेगु ज्या दिकेत निर्देशन बीगु निर्णय याःगु खः ।

आःतक देय्न्यंकं छगू कोती ९०गू लखम्हेसिया मतदाता नांधलः दुथ्याकेधुंकूगु आयोगया प्रारम्भिक धलः दु ।

चीनं नेपाली भूमि अतिक्रमण याःगु निष्कर्षनापया प्रतिवेदन सीमा अध्ययन कार्यदलं नेपाल सरकारयात लःल्हाःगु खुलासा जूगु दु ।

बीबीसी विश्व सेवां थःत चूलाःगु प्रतिवेदनयात हवाला बियाः हुम्लाय् चीनं नेपाली भूमि अतिक्रमण याःगु धागु दु । नेपाःया सरकारी स्तरं उत्तरी छिमेकीं सीमा त्यःगु निष्कर्ष न्हापांखुसि वःगु न वीवीसीं धागु दु ।

चीनं सीमा त्यःगु धइगु अपुष्ट खबरत सार्वजनिक जुइवं सरकारं वंगु असोजय् सरकारी अधिकारीत, विज्ञ व सुरक्षा निकायया प्रतिनिधिनापया ज्यासना पुचः दयेकूगु खः । उगु पुचलं स्थलगत निरीक्षण यानाः सीमा त्यःगु धइथें विवरण उल्लेख यानाः प्रतिवेदन सरकारयात लःल्हाःगु खः ।

हुम्लाय् चिनियाँ पक्षं नेपाःयापाखे सिमाना त्यलाः भौतिक संरचना न दयेकातःगु प्रतिवेदनय् उल्लेख यानातःगु दु । तर नेपाल सरकारं उगु प्रतिवेदन धाःसा आःतक सार्वजनिक मयाःनि । नेपाः व चीनदथुइ द्वछि व ४सः किलोमिटर ताःहाकःगु सिमाना दु ।

उकि मध्ये उप्वः धइथें थाय् न्ह्याब्लें च्वापुं त्वःपुयाः च्वनीगु जुयाः निरन्तर सीमाना अनुगमन मयाः । हुम्लाया लालुङजोङनापया सिमा लागाया नेपामिपिन्त चिनियाँ सुरक्षाकःमिपिन्सं धार्मिक गतिविधिइ तकं प्रतिबन्ध तयाःतःगु धागु दु ।

हिन्दु व वौद्धमार्गीतय्गु आस्थाया केन्द्र कैलाश पर्वत लिक्कया उगु थाय् जुयाः मनूत धार्मिक यात्राय् वनेगु याः । तर चीनं उगु लागाय् तजाःगु पःखाः दनाः नेपाली भूमि त्यलाःतःगु दुसा सडक व खुचा तकं दयेकातःगु प्रतिवेदनय् उल्लेख यानातःगु दु ।

प्रतिवेदनय् नेपाल सरकारयात सीमा लागाय् सुरक्षा पोस्ट तयेत छ्याता ब्यूगु अले नेपाः व चीन निगुलिं देशं थ्व सिमाना सम्बन्धीया कचवं ज्यंकेत धागु दु । चिनियाँ बजारय् आश्रित सीमा लागाया नेपालमित धाःसा सिमाना त्यःगु विषयलय् नवाये चाहे मयाःगु प्रतिवेदनय् उल्लेख यानातःगु दु ।

शेयर बजाः परिसूचक नेप्से थौं निगु अंकं कुहावंगु दु। लगानीकर्तापिनिगु अपेक्षा स्थानीय निर्वाचनया मिति घोषणाया कारण बजाः कुहावंगु धका धाउगु दु।

थौं सुरु जुगु छु भचा ई थहावंगु खःसा लिपा कुहावःगु खः। थौं मंगलबाः नेप्से १६.३० अंकं घटे जुया बजाः २८३५.५८ विन्दुइ कुहावःगु खः। थौं मंगलबाः २३० कम्पनीया ७१ हजार ३ सय ४० गु कारोबारपाखे १ करोड २० लाख ५३ हजार ७ सय ५१ कित्ता शेयर किनबेच जुगु खः।

मंगलबाः ६ अर्ब २८ करोड ७२ लाख १७ हजार ९ सय ५८ रुपैयाँ बराबरया कारोबार जुगु खः। मंगलबाः व्यापार, होटेल व पर्यटन, नीर्जिवन बीमा, उत्पादन नाप प्रशोधन व म्यूचअल फण्ड उपसमुह थहावंगु दु। मेमेगु दक्को उपसमूह कुहावःगु दु। दकलय् अप्पो जलविद्युत कम्पनीया लगानीकर्तापिन्स गुमे याउगु दु।

थौं घटे जुसा नेपाल इन्स्योरेन्स प्रालि, बुद्धभूमि नेपाल जलविद्युत, राष्ट्रिय बीमा कम्पनी, वीन नेपाल लघुवित्त लगायत कम्पनीया भाः धासा थहावंगु दु। लिवट्री इनर्जी, नेपाल हाइड्रो, बोटलर्स नेपाल, यूनिभर्सल पावर नाप यक्को कम्पनीया भाः कुहावःगु दु।

सरकारं राष्ट्रिय प्रसारण (झीछक्वःगु संशोधन) नियमावली, २०७८ स्वीकृत याउगु दु। सोमबाः च्वंगु  मन्त्रीपरिषद् बैठकया निर्णय सार्वजनिक याउगु दु धका नेपाल सरकारया प्रवक्ता नाप सञ्चार तथा सूचना प्रविधिमन्त्री ज्ञानेन्द्रबहादुर कार्की न राष्ट्रिय प्रसारण (झीछक्वःगु संशोधन नियमावली, २०७८ स्वीकृत यायेगु निर्णय याउगु दु।

अथेहे सरकारं धितोपत्र दर्ता व निष्काशन न्याक्वगु संशोधन नियमावली २०७८ स्वीकृत यायेगु निणर्य याउगु दु। सञ्चार मन्त्री कार्कीया कथं निर्वाचन आयोगपाखे प्राप्त परामर्श बमोजिम स्थानीय तहया निर्वाचन ऐन २०७३ या दफा ४ या उपदफा (१) बमोजिम वि.स २०७९ साल बैशाख ३० गते शुक्रबाःया दिं ७५३ गु स्थानीय तहय् छगु चरणय् निर्वाचन यायेगु निर्णय याउगु दु। अथेहे, सरकारं बर्ड फ्लू नियन्त्रण यायेत मोरङ जिल्ला विराटनगर महानगरपालिका वडा नम्बर १८ य् हिमालयन कृषि फार्मयात केन्द्रविन्दु दयेका बर्डफ्लू रोग प्रभावित क्षेत्र घोषणा यायेगु निर्णय याउगु दु।

सरकारं सिंगापुर, इटालीया रोम व रोमानियाया बुखारेष्टय् कार्यरत अवैतनिक नेपाली महावाणिज्यदुतपिनिगु अवधि थप यायेगु निर्णय याउगु दु। अथेतु, डिजिटल प्रणालीपाखे नापनक्सा व जग्गा प्रशासन सम्बन्धि सेवा प्रवाह निर्देशिका २०७८ स्वीकृत यायेगु निर्णय न सरकारं याउगु दु। पुष्पलाल (मध्यपहाडी) राजमार्ग आयोजना कार्यान्वयनं गोरखाया कार्यक्षेत्र दुने लागु नुवाकोट जिल्लाया सतक सिमा दुने स्वगू टहराया राहत स्वरुप क्षतिपूर्ति उपलब्ध बिइगु स्वीकृत प्रदान यायेगु निर्णय याउगु दु धका प्रवक्ता कार्की न धाउगु दु।

प्रवक्ता कार्की न लोक सेवा आयोग व बढुवा समितिया सिफारिस कथं थीथी सेवा, समूहया राजपत्राङ्कित द्धितिय श्रेणीया अधिकृतपिन्त सम्बन्धित सेवा, समूहया राजपत्राङ्कित प्रथम श्रेणीया सहसचिव पदय् बढुवा, नियुक्ती नाप पदस्थापन यायेगु निर्णय तक यायेगु दु धका धाउगु दु। सरकारया प्रवक्ता कार्की न सरकारं सरे मजुइगु रोगया रोकथाम व नियन्त्रणया लागि बहुक्षेत्रीय कार्ययोजना स्वीकृत यायेगु निर्णय याउगु दु धका न धाउगु दु ।