नेपाल आदिवासी जनजाति पत्रकार महासंघ (फोनिज) न स्वलातक संगठन सुदृढीकरण अभियान सञ्चालन याइगु जुगु दु।

फोनिजया म्हिगः शुक्रबाः जुगु संघीय समितिया स्वक्वःगु पूर्ण बैठकं साउन १ गतेनिसे असोज २७ गतेतक अभियान न्ह्याकेगु निर्णय याउगु खः।

अभियानया इलय फोनिजया जिल्ला व विदेश शाखा, प्रादेशिक समितिपिनिगु बैठक सञ्चालन, वार्षिक क्यालेण्डर निर्माण, प्रशिक्षण लगायत ज्या जुइ धका महासचिव मिलन लिम्बू न न्ह्यब्बःगु कार्ययोजनाय् उल्लेख याउगु दु।

अथेहे स्वलाया अभियान दथुइ फोनिजं थःगु सदस्यपिनिगु अभिलेखयात डिजिटलाइज याइगु जुगु दु। आः सदस्यताया लागि अनलाइन प्रणालीमार्फत आवेदन बिइगु व अनलाइनपाखे हे सदस्यता स्वीकृति लगायत प्रक्रिया कथं जुइत्यःगु दु।

नेपाल पत्रकार महासंघया संस्थापक अध्यक्ष सत्यनारायणबहादुर श्रेष्ठ हे कायम यायेत फोनिजं अभियानया झ्वलय् नेपाल पत्रकार महासंघया जिल्ला, प्रदेश व केन्द्रय् ज्ञापनपत्र लःल्हायेगु, संघं सञ्चार तथा सूचना प्रविधि मन्त्रालय व प्रदेश सरकारया सञ्चार स्वइगु मन्त्रालययात न ज्ञापनपौ लःल्हाइगु जुगु दु।

अथेहे अभियानया झ्वलय् फोनिजं नेपाल आदिवासी जनजाति महासंघ लगायत थीथी आदिवासी जनजातिपिनिगु संघसंस्था नाप अन्तरसम्बन्ध सुधारया लागि थीथी चरणया अन्तरक्रिया व छलफल यायेगु निर्णय याउगु दु।

बैठकं असोज २८ व २९ गते फोनिजया नीति नाप विधान सम्मेलन यायेगु निर्णय याउगु दु।

अपर हेवाखोला हाइड्रोपावर कम्पनी लिमिटेडं आईपीओ पिकाउगु दु।

कम्पनीया सर्वसाधारणया लागि जारी पूँजीया ३० प्रतिशतं जुइगु कथं १५ करोड तका बराबरया आईपीओ निष्कासन याउगु खः। छगु कित्ताया १०० रुपैयाँया १५ लाख कित्ता आईपीओ निष्कासन याउगु खः।

कम्पनीया सार्वजनिक निष्कासन याउगु सेयरमध्ये २ प्रतिशत अर्थात ३० हजार कित्ता सेयर कर्मचारीया लागि व ५ प्रतिशत अर्थात ७५ हजार कित्ता सेयर सामूहिक लगानी कोषयात सुरक्षित याउगु खः।

ल्यदनिइगु १३ लाख ९५ हजार कित्ता साधारण सेयर धितोपत्र निष्कासन व बाँडफाँट निर्देशिका, २०७४ कथं सर्वसाधारणया लागि निष्कासन यानाः बिक्री वितरण जुइगु कम्पनीइ धाउगु दु।

सर्वसाधारण लगानीकर्तापिन्त कम्पनीया आईपीओलय् न्युनतम १० कित्ता व अधिकतम १ लाख कित्तातकया लागि आवेदन बिइ फइ।

यल महानगरपालिकाया मेयर चिरीबाबु महर्जन कोरोना भाइरसया संक्रमण जूगु दु।

यल महानगरया प्रवक्ता राजु महर्जनं छगु विज्ञप्ति पिकया मेयर महर्जनयात कोरोना संक्रमण जूगु जानकारी बियादीगु खः।

वय्कः छेंय् आराम यानाच्वनादीगु धकाः विज्ञप्तिइ न्हयथनातःगु दु।

स्वनिगलय् हैजा पुष्टि जूपि २७ म्ह थ्यःगु दु धका स्वास्थ्य तथा जनसङ्ख्या मन्त्रालयं धाउगु दु।

कागेश्वरी मनहरा–६ य् स्वम्ह व यल महानगरपालिकाया हरिसिद्धिइ छम्ह थप जुया २७ म्ह थ्यःगु दु धका इपिडिमियोलोजी नाप रोग नियन्त्रण महाशाखाया  प्रमुख डा. चुमनलाल दासं धाउगु दु।

थ्व स्वया न्ह्यः हैजा पुष्टि जुपि झीन्हु तक अस्पताल भर्ना जुया उपचार लिपा छेँ लिहावंगु दु।

नेपाःया लागि भारतीय राजदूत नविन श्रीवास्तवं जंगीअड्डा वना प्रधानसेनापति प्रभुराम शर्मायात नापलाउगु दु।

म्हिगः शुक्रबाः नेपाली सेनाया मुख्यालय जंगीअड्डा वना वयकलं प्रधानसेनापति शर्मायात नापलाउगु खः।

शर्मा न नेपाः व भारत सीमाय् नियमन यायेमाःगु धका नेपाःया लागि भारतीय राजदूत श्रीवास्तव जंगीअड्डा वउगु खः। तर थुगु नापलायेगु ज्या सामान्य शिष्टाचार जक खः धका जंगीअड्डां धाउगु दु।