शेयर कारोबार वाः या लिपागु नेप्से परिसूचक दोहोरो अंकं घटे जुगु दु।

बिहीबाः शेयर कारोबार मापक नेप्से परिसूचक १४ दशमलव ५८ अंकं घटे जुया २ हजार ८ सय ७६ दशमलव ७५ अंकय् कुहावंगु दु। नेप्से परिसूचक नाप ‘क’ वर्गया कम्पनपिनिगु कारोबार मापन याइगु सेन्सेटिभ इन्डेक्स तक ३.२६ अंकं घटे जुगु खः।

बिहीबाः कारोबारया अधिकांश ई थहावनाच्वंगु खःसा लिपागु इलय् दोहोरो अंकं घटे जुया कारोबार बन्द जुगु खः। नेप्से परिसूचक घटे जूसा कारोबार रकम धासा बढे जुगु दु।

थौं छन्हु हे साढे ८ अर्बया शेयर किनबेच जुगु खः। हिच्छियकं १ लाख ८ हजार ३ सय ६५ कारोबारपाखे २२४ कम्पनी÷धितोपत्रया १ करोड ५७ लाख ८० हजार ७१३ कित्ता शेयर किनबेच जुगु खः।

उकिपाखे कारोबार रकम ८ अर्ब ६१ करोड २१ लाख ७४ हजार १ सय ६२ जुगु खः। बजाः घटे जूसा यक्को हाइड्रोपावर कम्पनी व निर्जिवन बीमा कम्पनीया शेयर भाः कुहावंगु दु।

गोकर्णेश्वर नगरपालिकां २३ गतेनिसे भौतिक रुप विद्यालय सञ्चालन याइगु जुगु दु।

नगरपालिकां छगु सूचं जारी यासे नगरपालिका दुने सामुदयायिक नाप संस्थागत विद्यालयया शिक्षक, अभिभावक, शिक्षाया पेशागत संस्थाया पदाधिकारीपिनिगु चाहना व माग कथं शिक्षा समितिया बैठकं विद्यालय, शिक्षालय भौतिक रुपमा सञ्चालन यायेगु निर्णय याउगु दु।

नगरपालिकाया शिक्षा, युवा तथा खेलकुद शाखाया उपसचिव विजयप्रसाद आचार्य न सामाजिक नाप भौतिक दूरीया पालना यासे स्वास्थ्य सुरक्षाया दक्को मापदण्ड पालना याना पूर्ण सतर्कता व सजगतायात अवलम्बन यासे २३ गते आइतबाःनिसे विद्यालय सञ्चालन यायेगु निर्णय जुगु दु धका धाउगु दु।

जाल्पा सामुदायिक लघुवित्त वित्तीय संस्थां वइगु शुक्रबाः निसे आईपीओ निष्काशन याइगु जुगु दु।

संस्थां ५ करोड २२ लाख रुपैयाँ बराबरया ५ लाख २२ हजार कित्ता आईपीओ जारी यायेत्यःगु खः। लघुवित्तं निष्काशन यायेत्यगु कुल ५ लाख २२ हजार कित्ता शेयर मध्ये ०.५ प्रतिशत अर्थात ८ हजार कित्ता कर्मचारीपिन्त व सर्वसाधारणयात छुटे याउगु शेयर मध्ये ५ प्रतिशत अर्थात २६ हजार १०० कित्ता सामूहिक लागनी कोषयात सुरक्षित याउगु दु।

सर्वसाधारणं बाँकी ४ लाख ८७ हजार ९०० कित्ता शेयरया लागि आवेदन बिइफइ। आईपीआ २५ माघ तक आवदन बिइ फइ। आईपीओ निष्काशन व बिक्री प्रवन्धक प्रभु क्यापिटल लिमिटेड याइगु जुगु दु।

पेट्रोलियम पदार्थया भाः थकाउगु लितकायेमाः धासे नेकपा (क्रान्तिकारी माओवादी) निकट विद्यार्थी संगठन अखिल (क्रान्तिकारी) न विरोध प्रदर्शन याउगु दु।

थौं बुधबाः पेट्रोलियम पदार्थया भाः थकाउगुलि यलय् मसाल जुलुस पिकाउगु खः।

व स्वया न्ह्यः माइतीघर मण्डलाय् अखिल क्रान्तिकारीं पेट्रोलियम पदार्थय् भाः थकाउगु विरोधय् प्रदर्शन याउगु खः।

सरकारं थौं चान्ह्यनिसे लागू जुइगु कथं पेट्रोल, डिजेल व मतिकनय् लिटरं स्वतका थकाउगु खः।

स्वनिगलय् थप १ हजार १२३ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं थौं येँ जक ८६८ म्हेसित कोरोना सक्रमण जुगु दु। अथेहे, यलय् १७० म्ह व ख्वपय् ८५ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं मेमेगु जिल्लाय् कास्कीइ १३१, मोरङय् ११८, चितवनय् १०४, सुनसरीइ ८९ म्हेसित कोरोना संक्रमण पुष्टि जुगु दु।

अथेतु कैलालीइ ५८, तनहुँइ ३९, झापाय् ३६, मकवानपुरय् ३०, धनुषाय् २५, सर्लाही व बाँकेय् २३÷२३ म्हेसित, नवलपरासी पुर्वय् २१ व रुपन्देहीइ २० म्हेसित कोरोना संक्रमण खनेदुगु धका मन्त्रालयं धाउगु दु।