सेयर कारोबार मापक नेप्से परिसूचक थौं दोहोरो अंकं घटे जुगु दु।

वाःया न्हापागु दिं थौं आइतबाः नेप्से परिसूचक ३९ दशमलव ४० अंकं घटे जुया २ हजार ६९३ दशमलव १० अंकय् कुहावंगु खः।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ४.९९ अंकं घटे जुया ५१३.६४ अंकय् कुहावंगु खः। नेप्से परिसूचक कुहावगु दु सा कारोबार रकमय् न कम जुगु खनेदु।

न्हिच्छियकं ५७ हजार कारोबारपाखे २३० कम्पनीया ७१ लाख २२ हजार २९९ कित्ता सेयर किनबेच जुगु खः। उगु कारोबार रकम ४ अर्ब ८ करोड ६४ लाख ७४ हजार ८२८ रुपैयाँ जुगु खः।

कारोबार रकमया आधारय् आइतबाः दकलय् अप्पो जीवन विकास लघुवित्त वित्तीय संस्था खनेदु। ७० प्रतिशत बोनस सेयर घोषणा यायेवं थुगु संस्थाय् लगानीकर्तापिनिगु आकर्षण खनेदुगु खः।

नेकपा माओवादी केन्द्रया अध्यक्ष पुष्पकमल दाहाल प्रचण्डं थः अमेरिकी सहयोग परियोजना मिलेनियम च्यालेन्ज कम्याक्ट एमसीसीया विपक्षय् दु धका धाउगु दु।

आइतबाः सरकारं प्रतिनिधिसभा बैठकय् एमसीसी सम्झौता टेबल यायेवं थःगु सामाजिक संजाल फेसबुकय् प्रचण्डं विवाद व विरोधया दथुइ पेश याउगु धका टिप्पणी यागु खः। वयकलं फेसबुकय् च्वंगु दु, ‘विवाद व बिरोधया दथुइ सरकारं एमसीसी टेबल याउगु खः।

जिमिगु पार्टी व संसदीय दलं एमसीसीया विपक्षय् दनिइगु न्हापा हे थःपिनिगु मत तये धुकागु दु धका स्पष्ट याये धुकागु दु।’ प्रचण्डं एमसीसी टेबुल याये मज्यु धका विरोधय् कुहावःपि प्रदर्शनकारीपिन्त प्रहरीं याउगु दमनया न विरोध याउगु दु।

अमेरिकी सहयोग परियोजना एमसीसीया विरोधय् जुगु सतक आन्दोलनय् प्रहरीं गोली चले याउगु दु।

बानेश्वर क्षेत्रय् जुयाच्वंगु प्रदर्शनय् तच्वयवं प्रहरीं रबरया गोली चले याउगु दु। बानेश्वरय् तनावग्रस्त जुगु दु। एमसीसी सम्झौता संसदय् टेबल यायेत दलपि तयार जुइवं निर्णय उगु विरोधय् प्रदर्शनकारीपिन्स न्हुगु बानेश्वर क्षेत्रय् प्रदर्शन केन्द्रित जुगु खः।

प्रदर्शनकारीपिन्स निषेधित क्षेत्र त्वाथला संसद भवनपाखे न्ह्यने वनेव प्रहरीं लःया फोहरा व अश्रुग्यास प्रहार याउगु खः। वया लिपा प्रहरीं गोली पनि चले याउगु खः।

अमेरिकी सहयोग परियोजना एमसीसीया विषयमा छलफल यायेत सत्ता गठबन्धनया बैठक सुरु जुगु दु।

बैठक प्रधानमन्त्री निवास बालुवाटारय् न्ह्याउगु खः। एमसीसी संसदय् पेश यायेगु कि मयायेगु विषय सत्ता साझेदार दल दथुइ बिभाजित जुया कूटनीतिक क्षेत्रय् असर मजुइगु कथं एमसीसी उपयुक्त विकल्प मालेगु कुतः बैठकय् जुइ धका छम्ह नेतां धाउगु दु।

मंकाः धारणा दयकेगु कुतलय् तकमछि सत्ता गठबन्धनया बैठक निष्कर्षविहीन जुगु खः। वंगु शुक्रबाः च्वंगु गठबन्धनं बैठकलिपा सरकारया प्रवक्ता नाप सञ्चारमन्त्री ज्ञानेन्द्रबहादुर कार्की न आइतबाःया बैठक निर्णायक जुइ धका धाउगु खः।