दक्षिण कोरियाय् न कोभिड–१९ या न्हुगु भेरियन्ट ‘ओमिक्रोन’ पिहावंगु दु।

कोरिया रोग नियन्त्रण व रोकथाम एजेन्सी (केडिसीए)या कथं आःतक नाइजेरियापाखे दक्षिण कोरिया वःपि निम्हतिपुयाके उगु न्हुगु भेरियन्ट ओमिक्रोन खनेदुगु खः।

कोरोनाविरुद्धया खोप निगु मात्रा कायेधकुपि उपि निम्हतिपू नोभेम्बर १४ निसे २३ तारिखतक नाइजेरिया भ्रमणय् वःगु खः।

उपि निम्ह कोरिया दुहावयेव परीक्षण यागुलि ओमिक्रोन खने दुगु खः।

अमेरिकी राष्ट्रपति जो बाइडेनं कोरोनाया न्हूगु भेरिएन्ट ओमिक्रोन खनेदुगु चिन्ताया बिषय जूसां आतंकित जुइम्वाःगु धयादीगु दु ।

उत्तर अमेरिकाय् थ्व भेरिएन्ट खनेदयेधुंकाः ह्वाइटहाउसय् सम्बोधन यासें बाइडेनं अमेरिकाय् तत्काल लकडाउन मयायेगु स्पष्ट यानादिल । थ्व भेरिएन्ट अमेरिका दुहांवइगु निश्चित जूगु धासें वय्कलं सकल नागरिकयात कोरोनाबिरुद्धया बुस्टर डोज कायेत नं इनाप यानादिल ।

सम्बोधनया हे झ्वलय् बाइडेनं अमेरिकी खोप कम्पनीतय्सं माःगु योजनात तयार यानाच्वंगु नं स्पष्ट यानादिल । अमेरिकां वंगु वालय् अफ्रिकी देय् दक्षिण अफ्रिाकालिसें मेगु ६ राष्ट्रयात यात्रा प्रतिबन्ध तयेधुंकूगु दु । बाइडेनं प्रतिबन्धया दथुइ ओमीक्रोनबारे तँसा अध्ययन अनुसन्धान यायेगु ई दइगु धासें आम नागरिकयात सचेत जुयाच्वनेत इनाप यानादीगु दु ।

थुखे अष्ट्रेलियां कोरोनाया न्हूगु भेरिएन्ट ओमिक्रोनया संक्रमण जुइफुगु धासें निवाःया लागिं सीमानाका बन्द यायेगु निर्णय याःगु दु । गुकिया तप्यंक लिच्वः नेपालीलिसें मेगु देय्या बिद्यार्थीतय्त लाःगु दु । अष्ट्रेलियाया प्रधानमन्त्री स्कट मरिसनं डिसेम्बर १ निसें बिदेशी बिद्यार्थीयात दुहांवयेके मबीगु निर्णय नं याःगुलिं अष्ट्रेलिया अध्ययनया लागिं वनेगु तयारी याःपिं अलपत्रय् लाःगु दु । आःया निर्णय कथं उपिं डिसेम्बर १५ तक्क अष्ट्रेलिया वनेदइमखु ।

अथेहे बेलायतय् नं कोरोनाया न्हूगु भेरियन्ट ओमिक्रन खनेदय्धुंकाः थौंनिसें अन कडाई न्ह्याकूगु दु । वंगु शनिबाः पत्रकार सम्मेलन यासें प्रधानमन्त्री बोरिस जोन्सनं मेगु देशं बेलायत वइपिं सकसिगु पिसिआर टेस्ट अनिवार्य जुइगु धयादिल । न्हूगु नियम कथं बेलायतं थःगु देशय् दुहांवइपिं हरेक देय्या यात्रुं प्यासेन्जर लोकेटर फर्मया लिसें अनिवार्य रुपं ४८ घौ दुनेया पिसीआर टेष्ट नं बुक याःगु जुइमाः ।

पिसीआर टेष्ट बुक मयाःसे वःपिं यात्रुयात बेलायत दुहां वनेबीमखु सा तत्काल द्वःछि पाउण्ड बं पुइकी । थ्वयां न्ह्यः, बेलायत दुहांवइपिं यात्रुतय्सं निन्हुगु दिनय् ¥यापिड टेष्ट जक याःसा गाःगु खः । न्हूगु नियमं बेलायत दुहांवइपिन्त छुं मछिनीगु जूसां संक्रमण नियन्त्रणया लागिं थ्व पलाःयात उपयुक्त धाःगु दु ।

बिश्व स्वास्थ्य संगठन डब्ल्युएचओं कोरानोया न्हूगु भेरिएन्ट ओमिक्रोनया संक्रमण हलिंन्यंक याकनं हे न्यनीगु चेतावनी ब्यूगु दु ।

थुकिं गम्भीर लिच्वः वयेफुगु धासें डब्ल्युएचओं बिश्व जगतयात महामारी न्यंकेमबीत ठोस पलाः न्ह्याकेत नं धाःगु दु । डब्ल्युएचओ प्रमुख डा. टेड्रोस गेब्रेयससं गरीब राष्ट्रय् खोप उपलब्ध याकेत तःमि राष्ट्रयात इनाप यानादीगु दु ।

हलिंन्यंकया बैज्ञानिकतय्सं न्हूगु संस्करण, उच्च प्रसारण व पुनः संक्रमणया जोखिम व खोपया बारे अध्ययन अनुसन्धान न्ह्याकेधुनागु धासें वय्कलं अफ्रिकी देय्तय्सं महामारी न्यंकेमबीत न्ह्याकूगु पलाःया प्रशंसा यानादिल ।

वंगु वालय् दक्षिण अफ्रिकी देशय् खनेदुगु ओमिक्रोनया हुनिं हलिंया कयौं देशं उगु देय्या नागरिकयात यात्रा प्रतिबन्ध तयेधुंकूगु दु ।

विश्व स्वास्थ्य संगठन (डब्ल्यूएचओ) न न्हुगु कोरोना भेरियन्ट हलियकं फैलै जुइ फुगु संभावना दु धका धाउगु दु।

अथेहे दक्को सदस्य राष्ट्रपिन्स माःगु तयारीया लागि अपिल याउगु दु। डब्ल्यूएचओ न ओमिक्रोन भेरियन्ट हलियकं फैलै जुइगु सम्भावना दु व थुकिया लागि तयारी अवस्थामा च्वनेत १९४ सदस्य राष्ट्रयात इनाप याउगु दु।

जोखिमय् दुगु समूहपिन्त खोप बिइगु ज्या न्ह्याकेत न डब्ल्यूएचओ न धाउगु दु। सोमबाः न्हुगु भेरियन्टबारे प्राविधिक ब्रिफिङ यासे डब्ल्यूएचओ न  धाउगु दु, ‘ओमिक्रोन भेरियन्टपाखे उत्पन्न जुइ फुउगु विश्वव्यापी जोखिम यक्को दुगु मूल्यांकन याउगु दु।’

अथेहे, ओमिक्रोन नाप दक्को कोरोना भेरियन्टय् निगरानी अप्वोकेगु व याकन हे खोपया ज्या न्ह्याकेत न डब्ल्यूएचओ न इनाप याउगु दु। शुरुइ दक्षिण अफ्रिकाय् पहिचान जुगुे ओमिक्रोन आःतक ११ गु देशय् फैलै जुइ धुकुगु दु।

न्हुगु भेरियन्ट पत्ता लगे जुइवं जापान व इजरायलं दक्को विदेशी यात्रुपिन्त दुहावयेगुलि रोक लगे याउगु दु।

दक्षिण अफ्रिाकाया राष्ट्रपति सिरिल रामाफोसां थःगु देय् बिरुद्ध तःगु यात्रा प्रतिबन्धया कुँख्यनादीगु दु ।

दक्षिण अफ्रिाका लिसेंया मेगु ६ गू अफ्रिकी देशय् कोरोनाया न्हूगु भेरिएन्ट लुइधुंका हलिंया आपालं देशं यात्रा प्रतिबन्ध तयेधुंका असन्तुष्ट जुयादीम्ह राष्ट्रपति रामाफोसां थःगु देय् व नागरिकयात अन्याय जूगु प्रतिक्रिया बियादीगु दु ।

छगू समारोहस न्ववासें वयेकलं थी थी देयया थुगु निर्णयलं थःपिन्त निराश याःगु धका थःपिनि नागरिकया नुगः क्वन्ह्याकेगु ज्या जक जूगु धयादीगु खः । लिसें वयेकलं यात्रा प्रतिबन्धया छुं नं वैज्ञानिक लिधंसा मदूगु धका दक्षिण अफ्रिकी देय्त अनुचित यःमयःया शिकार जूगु धयादील ।

निवा न्ह्यः दक्षिण अफ्रिकाया दक्वःलय् अप्वः जनघनत्व दूगु गौतेङ प्रान्तय् न्हूगु भेरिएन्ट लुइधुंका बिश्व स्वास्थ्य संगठन डब्ल्युएचओं बिश्व जगतयात सचेत याकुगु खः ।

थ्वहे दथुइ डब्ल्युएचआें यात्रा प्रतिबन्ध तःगु देय्यात बैज्ञानिक दृष्टिकोणं निर्णय कायेत छ्याता बियादीगु दु । आः अमेरिका, बेलायत, युरोपियन युनिएन, नेपाल, भारत लिसेंया देय्तयेसं दक्षिण अफ्रिकी देय्या यात्रुतयेत प्रतिबन्ध तयेधुंकुगु दु ।