अमेरिकाय् कोरोना भाइरसया सङ्क्रमण हाकन अप्वोया वंगु दु। सङ्क्रमित जूया अस्पतालय् भर्ना जूपिनिगु ल्याः १ लाख थ्यंगु दु।

थ्व स्वया न्ह्यः जनवरीइ अस्पतालय् भर्ना जूपि १ लाख थ्यंगु दु। आः तक अस्पतालय् १ लाख ३ हजार १७ शय्या बिरामीपि ज्याय् धुकुगु दु धका  स्वास्थ्य निकायं न धागु दु।

अमेरिकाया फ्लोरिडा व टेक्सासय् सङ्क्रमण जूपि अप्वो खने दुगु खः। वंगु वाः दुने फ्लोरिडाय् कोरोनाया कारण ज्यान वंपि दकलय् अप्वो थ्यंगु दु।

अमेरिकाय् वंगु २४ घण्टाया दुने ८६ हजार स्वया अप्वो सङ्क्रमण जुगु खः। थ्व नाप आःतक सङ्क्रमित जूपि ३ करोड ९८ लाख ७० हजार स्वया अप्वो थ्यने धुकुगु दु।

अमेरिकां अफगानिस्तानपाखे छन्हु हे ६ हजार ८ सय नागरिकपिन्त उद्धार यागु दु।

अफगानिस्तान त्वते चाहे जूपि थप ६ हजार ८ सय नागरिकपिनिगु उद्धार यागु दु धका बीबीसी धागु दु। थ्व नाप अमेरिकां अफगानिस्तानपाखे उद्धार यापिनिगु ल्याः झण्डै १ लाख १२ हजार थ्यंगु दु।

तालिबान समूहं कब्जा याये धुका लाखौं मनू ग्याना अफगानिस्तान त्वत चाहे जूयाच्वंगु दु। अमेरिकी व मेमेथाय् विमानं उद्धार यायेगु ज्या जुयाच्वंगु दु। तालिबानं थ्व हे अगस्ट ३१ तक थःपिनिगु सैनिक यकेत अमेरिकां धयाच्वंगु दु।

अमेरिकां उद्धारया ज्या तीव्र कथं न्ह्याकाच्वंगु दु। अफगानिस्तान त्वते चाहे जूपिनिगु भीडभाडया दथुइ वंगु बिहीवाः विमानस्थल नाप हे बम विस्फोट यागु खः। वया लिपा हे अमेरिकां यागु ड्रोन आक्रमणं आईएसया छम्ह सदस्ययात स्यागु धका अमेरिकी सैन्य बलयात उदृत यासे अन्तर्राष्ट्रिय सञ्चार माध्यमं धागु दु।