Display Style:
Column Style
चीनं आणविक क्षमता विस्तार याःगु अमेरिकाया द्वपं
दिल्लागा षष्ठी ११४१,साउन १४ बिहीवाः
चीनं थःगु आणविक क्षमता विस्तार यागु अमेरिकां दावी याःगु दु ।
अमेरिकी वैज्ञानिकतय्सं अमेरिकां आणविक क्षेप्यास्त्र भण्डारण व प्रक्षेपण यायेत क्षमता विस्तारय् जानागु अमेरिकी वैज्ञानिकतय्सं धाःगु दु ।
पश्चिमी चीनया सिनजिया प्रान्तय् आणविक ज्याखँ जुयाच्वंगु धासें अमेरिकी रक्षा विभागं चिन्ता प्वंकूगु दु । लिपांगु दुई महिना न्ह्यःनिसें चीनं निगः मिसाइल दयेकेधुंकूगु अमेरिकी अधिकारीतय् दावी दु ।
सन् २०२०य् पेन्टागनं चीनं थः आणविक भण्डारणयात निदुगं दयेकेत्यंगु द्वपं ब्यूगु दु । उगु द्वपंया चीनं खण्डन तकं याःगु खः ।
चीनया आणविक ज्याखं अमेरिका व रुस हतियार नियन्त्रणया लागिं ताः इलंनिसें कुतः जुयाच्वंगु वार्ता तकं स्यंकूगु बुखँय् उल्लेख यानातःगु दु ।
भारतय् बस व ट्रक न्याबलय् १८म्ह सीत
दिल्लागा पंचमी ११४१,साउन १३ बुधवाः
भारतया उत्तर प्रदेश राज्यया बाराबंकी जिल्लाय् बस व ट्रक थःथवं ल्वाबलय् १८म्ह सीगु दु । दुर्घटनाय् २५म्ह घाःपा जूगु दु ।
भारतया लखनउ–अयोध्या रोडय् सतक लिकसं दिकातःगु बसयात लिउने ट्रकं न्याबलय् दुर्घटना जूगु खः । प्रहरीया कथं हरियाणाया पलवलपाखें बिहार वनाच्वंग्ु बस स्यना सतक सिथय् दिकातःगु खः ।
बसय् सच्छि व ४०म्ह सिबें अप्वः यात्रु त सवार दूगु प्रहरीं न्ह्यथंगु दु । उपिं अप्वः धैथें घटनास्थलय् हे सीगु भारतीय सञ्चारमाध्यमतय्सं न्ह्यथंगु दु ।
पाकिस्तानी आतंकवादी पुचः अफगानिस्तान दुहाँवंगु राष्ट्रसंघया दावी
दिल्लागा पंचमी ११४१,साउन १३ बुधवाः
संयुक्त राष्ट्रसंघं ६ द्वः पाकिस्तानी आतंकवादी पुचः अफगानिस्तान दुहाँवंगु दु ।
संयुक्त राष्ट्रसंघ सुरक्षा परिषदं थौं कन्हय् छगू सार्वजनिक याःगु छगू प्रतिवदेन कथं ६द्वः पाकिस्तानी आतंकवादीया पुचः अफगानिस्तान दुहाँवना थी थी आतंकवादी ज्याखँय् दुथ्यागु दु । उपिं फुक्क पाकिस्तानया विद्रोही पुचः तहरीक ए तालीवानया दुजःत जूगु प्रतिवदेनय् उल्लेख यानातःगु दु ।
अफगानिस्तानय् सक्रिय तालीवान दथुया समन्वय न्ह्यानाच्वंगु इलय् उपिं दुहाँवंगुलिं अफगानिस्तानय् थप हिंसात्मक ज्यापहः जुइगु आंकलन याःगु दु । उपिं पुचः आः अफगानिस्तानया पूर्वी नंगरहार प्रान्तय् सक्रिय दूगु धाःगु दु ।
अफगानिस्तानय् थी थी देशं थ्यंपिं आतंकवादीया ल्याः ८द्वः निसें १०द्वःतक्क दूगु प्रतिवदेनं क्यंगु दु । अफगानिस्तानय् लिपांगु ई अमेरिकी सेना लिहाँवनेधुंका न्ह्यागु हिंसाय् सलंसःम्हसिया ज्यान वनेधुंकुगु दु ।
सिड्नीइ लच्छि लकडाउन थपेयात
लहानान्युज | दिल्लागा पंचमी ११४१,साउन १३ बुधवाः
अष्ट्रेलियाया सिड्नीइ थप लच्छिया लागि लकडाउन थपे यागु दु। कोरोना भाइरस (कोभिड–१९) या संक्रमण अप्वोया वंगुलि सिड्नी वंगु जुननिसे लकडाउन जुयाच्वंगु खः।
थुगु दँय् जक सिड्नीइ २५ सय स्वया अप्वोसित कोरोना संक्रमण जुगु खः। बुधबाः न्यु साउथ वेल्सय् १७७ म्ह न्हूपि संक्रमितपि पिहावंगु खः। अष्ट्रेलियाया भिक्टोरिया व साउथ अष्ट्रेलियाय् लकडाउन याना तःगुलि बुधबाः हटे यागु दु।
कोरोना महामारीया अधिकांश इलय् अष्ट्रेलिया संक्रमितपि ल्याः भचा म्हो खनेदुगु खः। उकिया लागि सरकारं सीमा बन्द यायेगु, पिने वइपिन्त क्वारेन्टिनय् तयेगु व्यवस्था याना संक्रमण नियन्त्रण याना च्वंगु खः।
अय्न लिपागु इलय् कोरोना डेल्टा भेरियन्टया संक्रमण फैलै जुइवं अष्ट्रेलियाय् न संक्रमण अप्वोगु खः।
इराकपाखें नं अमेरिकी सैनिक लिहाँवनिगु
दिल्लागा चतुर्थी ११४१,साउन १२ मंगलवाः
अमेरिकां थुगुसिया अन्त्यतकय् इराकं थः सेना लित सतीगु जूगु दु ।
राष्ट्रपति जो बाइडेनं ह्वाइट हाउसय् इराकी प्रधानमन्त्री मुस्तफा अल–कधिमी नापलायेधुंकाः थन्यागु घोषणा यानादीगु खः । तर अमेरिकी सेनां इराकी फौजयात तालिम व मेमेगु ग्वहालि यानाच्वनेगु धागु दु । इराकय् आः निद्व व न्यासःम्ह अमेरिकी सेना दु ।
थुखय् इराकया प्रधानमन्त्री कधिमीं थःगु देशय् आः विदेशी सेना म्वाःगु प्रतिक्रिया बियादीगु दु । वय्कलं पुननिर्माण, शिक्षा व रोजगारीया नितिं इराकं ह्यूपाः यायेमाःगु ई वःगु धासें थुकिइ विदेशी सेना म्वाःगु धयादीगु खः ।
इराकय् हिंसात्मक ज्यापहःलय् दुथ्याःगु इस्लामिक स्टेट पुचःविरुद्धया कारवाहीलय् अमेरिकी सेनां इराकयात ग्वहालि यानावःगु खः । वंगु दँ राजधानी बगदादय् ड्रोन हताः जूबलय् इरानया हाइ कमाण्ड जनरल कसेम सोलेमानी व इरान समर्थित शिया मुस्लिम मिलिसियाया नेता सीवं इराकय् अमेरिकी सेनाया विषयलय् बहस न्ह्याःगु खः ।
आः वयाः थ्व विषय मू मुद्दा थें जूगु दु । इरानलिसे सम्बन्धित राजनीतिक दलं सुन्नी जिहादी पु्चलं अमेरिकी सेना लित सःतेत चर्को दबाब बिइगु यानावःगु खः ।
थ्वहेदथुइ शिया मिलिसियायात अमेरिकां सलंसः रकेट, मोर्टार व ड्रोन हताः याःगु द्वपं दु ।
