तालिबान लडाकु समूहं अफगानिस्तानया मेगु प्रान्तीय राजधानी फराह सहर नियन्त्रणय् कागु दु।

अफगानिस्तानया पश्चिमी प्रान्त फराह न प्रान्तीय राजधानी फराह सहर नियन्त्रणय कयागु दु धका तालिबान समूह न दाबी यागु दु। वंगु प्यन्हु निसे तालिबानं प्रान्तीय राजधानी नियन्त्रणय् कागु थ्व न्ह्यगूगु खः। अफगानिस्तानया सुरक्षाय् अमेरिकी सेना  लिहा वःगु तसक हथाय्् चाःगु खने दु धका धागु दु।

थुजागु घटना जुइवं बाइडेनं अफगानिस्तानया लागि सङ्घर्ष यायेत अफगान नेतापिन्त छप्प छधिइ  जुइत इनाप यागु खः। तालिबानं ३४ गु प्रान्तीय राजधानी मध्ये कम्ती न न्ह्यगू नियन्त्रणय् कायेधुकुगु दु। मेमेगु सहरय् न नियन्त्रण कायेगु कुतः जुयाच्वंगु दु।

अमेरिकी राष्ट्रपति जो बाइडेनं अफगानिस्तानं अमेरिकी सेना लितः सःतूगु दु। अफगानिस्तानया प्रान्तीय राजधानीइ विद्रोही समूह तालिबानं लगातार कब्जा याना वयाच्वंगु इलय् अमेरिकी राष्ट्रपति बाइडेनं अफगानिस्तानं अमेरिकी सेना लितः सःतूगु खः।

राष्ट्रपति बाइडेनं अफगानिस्तानया नेतापिन्त छप्प जुया थःगु राष्टया लागि ल्वायेत इनाप यागु दु। २० दँया सैन्य अभियान लिपा अमेरिकी नेतृत्वया सेना स्वदेश लिहावयेव हे तालिबानं अफगानिस्तानय् आक्रमण यागु खः। राष्ट्रपति बाइडेनं अफगानिस्तानपाखे थःगु सेना लितः सःतूगु सा अमेरिकां बिया वयाच्वंगु आर्थिक सहयोग व खद्यान्न नाप सैन्य सामग्रीयात सहयोग निरन्तरता यायेगु धका धागु खः।

अमेरिकी सेना लितः सःत्येधुका अफगानिस्तानय् जुगु संघषय् १ हजार स्वया अप्वो नागरिकपिनिगु ज्यान वःगु दु धका संयुक्त राष्ट्र संघं धागु दु।

भारतय् कोरोना भाइरस (कोभिड–१९) संक्रमित जूपिनिगु ल्या म्हो जुया वंना २८ हजारय् क्वहावंगु दु।

भारतया स्वास्थ्य तथा परिवार कल्याण मन्त्रालयया कथं न्हिया न्हिथं न्हुपि संक्रमित जूपि १४७ दिं लिपा दकलय् हे म्हो जुगु खः।

वंगु २४ घण्टाय् भारतय् १५ लाख ११ हजार स्वया अप्वोसिगु नमुना कोरोना परीक्षण यागु खः। अथेहे कोरोना संक्रमणं कारण ३७३ म्ह सीगु खः।

थ्व नाप आःतक भारतय् कोरोना संक्रमणं सीपिनिगु  ल्याः४ लाख २८ हजार ६८२ म्ह थ्यंगु दु। भारतय् कोरोना सक्रिय संक्रमितपिनिगु ल्याः ३ लाख ८८ हजारय् कुहावंगु दु।

आःतक भारतय् ५१ करोड ४५ लाख डोज कोरोना खोप मनूपिन्स काये धुकुगु दु।

अफगानिस्तानया मू शहर सेवरगान व निमरोजया राजधानी जराङ नियन्त्रणय् काःगु तालीवान बिद्रोहीं छन्हूं हे थप ३गू प्रान्तीय राजधानी नियन्त्रणय् काःगु दु ।

कुन्दुज, सर–ए–पुल व तालोगान शहरयात तालिबानं पुर्ण रुपय् नियन्त्रणमा काःगु खः । थ्व लिसें तालिवान बिद्रोहीं ५ गू प्रान्तीय शहर नियन्त्रणय् कायेत सुथांलाःगु दु ।

विद्रोहीया नियन्त्रणय् थ्यंगु शहरया बासिन्दा धाःसा धमाधम पलायन जुयाच्वंगु दु । कुन्दुज व लश्करगाह शहर थःगु नियन्त्रणं पिनेवनेधुंका अफगान सेनां हवाइ व स्थलगत हताः याःबलय् अन ल्वापु जुयाच्वंगु दु ।

अफगान सेनां अमेरिकी बमबर्षक बिमानं तालीवानया पकड दूगु शबरघानय् हताः हताः याःगु दु । उगु हे झ्वलय् २ सःम्ह लडाकु सीगु अफगानिस्तानया रक्षा मन्त्रालयं पुष्टि याःगु दु ।

उगु झ्वलय् सलंसः छेँ नष्ट जूगु धासें रक्षा मन्त्रालयया प्रवक्ता फवाद अमानं तालीवान बिद्रोही बिरुद्धया हताः कायम याना नियन्त्रणय् दूगु शहरत लितकायेगु न्ह्यथंगु दु ।

हेलमन्द प्रान्तय् सेनाया कारवाहीलय् सच्छि व १२म्ह विद्रोही सिइधुंका तालीवानं धमाधम शहरत नियन्त्रणय् कायेगु न्ह्याकुगु खः ।

लिपांगु ई तालीवानतयेसं ग्रामीण इलाका नियन्त्रणय् कया शहरपाखे न्ह्यागु दु । वंगु २०दँ निसें अफगानिस्तानय् दूगु अमेरिकी नेतृत्वया अन्तर्राष्ट्रिय सेना लिहाँवंगु निसें विद्रोहीया हताः अप्वयावंगु खः ।