Display Style:
Column Style
अमेरिकाय् खोप काइपिन्त १ सय डलर बिइगु
लहानान्युज | दिल्लागा षष्ठी ११४१,साउन १५ शुक्रवाः
अमेरिकी राष्ट्रपति जो बाइडनं कोरोनाविरुद्धया खोप काइपिन्त १ सय डलर बिइत राज्यपिन्त आह्वान यागु दु।
संक्रमण अप्वोया वंगु व खोप काइपि कम जुगुलि बिहीवाः ह्वाइट हाउसं सम्बोधन यसे बाइडनं उगु आह्वान यागु खः। उगु रकम राज्यं अमेरिका रेस्क्यु प्लान अन्तर्गतया कोषपाखे प्रयोग याये फइ धका बीबीसीं धागु दु।
अमेरिकाय् डेल्टा भेरियन्टया संक्रमण तीव्र रुपं फैलै जुयाच्वंगु दु। थ्व स्वया न्ह्य अमेरिकी राष्ट्रपति जो बाइडनया प्रमुख चिकित्सा सल्लाहकार डा. एन्थोनी फाउची न अमेरिका मखु लँय् वना च्वंगुलि स्थिति नियन्त्रण कायेत खोप कापि अमेरिकीपिन्स न मास्क अनिवार्य यायेगु बारे विचाः जुयाच्वंगु धका धागु खः।
अमेरिकाय् ८.२ म्याग्निच्युडया शक्तिशाली भुखाय् ब्बल
लहानान्युज | दिल्लागा षष्ठी ११४१,साउन १४ बिहीवाः
अमेरिकाया अलास्का द्वीपय् ८.२ म्याग्निच्युडया शक्तिशाली भुखाय् ब्बःगु दु।
अमेरिकाको जियोलोजिकल सर्वे (यूएसजीएस) न स्थानीय ई कथं बुधबाः चान्ह्यः १०ः१५ बजे उगु भुचाय् ब्बःगु दु धका धागु दु।
उगु भुखाय् या केन्द जमिनया सतह स्वया ३५ किलोमिटर क्वय् जुया ब्बःगु धका अन्तर्राष्ट्रिय सञ्चारमाध्यमपिन्स धागु दु।
भुखाय् ब्बःगु अलास्काया नेशनल सुनामी वार्निङ सेन्टर (एनटीडब्ल्यूसी) न राज्यया दक्षिण भागय् सुनामी वयेफु धका चेतावनी बिगु दु।
बेलायतय् युरोप व अमेरिकां वइपिं यात्रुपिन्त अःपुल
दिल्लागा षष्ठी ११४१,साउन १४ बिहीवाः
बेलायतं युरोप व अमेरिकां वइपिं यात्रुया लागिं तःगु प्रतिबन्ध चीकूगु दु ।
कोरोना संक्रमण नियन्त्रणया लागिं उगु राष्ट्रं वइपिं यात्रुतय्त तःगु प्रतिबन्ध चीकूगु बीबसीं जानकारी ब्यूगु दु । कोरोनाविरुद्ध निगुलिं डोज खोप कायेधुंकूपिं युरोप व अमेरिकां बेलायत वइपिं यात्रुतय्सं आः क्वारेन्टाइन च्वनेम्वाःलीगु जूगु खः ।
थ्व नियम वइगु सोमबाः अर्थात अगष्ट २ निसें लागू जुइ । युरोपियन देशं वइपिन्सं निगुलिं डोज खोप काःगु दसि कथं ‘इयू डिजिटल कोभिड दसिपौ’ व अमेरिकां वइपिन्सं ‘सीडीसी’ कार्ड उपलब्ध याकेमाः । तर, यात्रा याये न्ह्यः व बेलायत वःगु निन्हुगु दिनय् धाःसा यात्रुतय्सं अनिवार्य पीसीआर परीक्षण याकेमाः ।
लिपांगु इलय् बेलायत दुहां वनेबलय् फ्रान्सबाहेकया ‘एम्बर लिष्ट’ अन्तर्गतया देशं वइपिं यात्रुतय्सं आइसोलेशन च्वनेम्वाःलीगु जूगु दु । न्हूगु नियमलिसें ताः इलंनिसें थः परिवार लिसे तापानाच्वंपिनि नापलायेगु ह्वःताः चूलाइगु सरकारं धाःगु दु ।
लिपांगु इलय् बेलायतय् कोरोना संक्रमण दर अप्वःसां उकिया लिच्वः म्ह्वः खनेदुगु धकाः सरकारं जनजीवन सामान्य दयेकेत प्रतिबन्धत चीकागु धाःगु दु ।
चीनं आणविक क्षमता विस्तार याःगु अमेरिकाया द्वपं
दिल्लागा षष्ठी ११४१,साउन १४ बिहीवाः
चीनं थःगु आणविक क्षमता विस्तार यागु अमेरिकां दावी याःगु दु ।
अमेरिकी वैज्ञानिकतय्सं अमेरिकां आणविक क्षेप्यास्त्र भण्डारण व प्रक्षेपण यायेत क्षमता विस्तारय् जानागु अमेरिकी वैज्ञानिकतय्सं धाःगु दु ।
पश्चिमी चीनया सिनजिया प्रान्तय् आणविक ज्याखँ जुयाच्वंगु धासें अमेरिकी रक्षा विभागं चिन्ता प्वंकूगु दु । लिपांगु दुई महिना न्ह्यःनिसें चीनं निगः मिसाइल दयेकेधुंकूगु अमेरिकी अधिकारीतय् दावी दु ।
सन् २०२०य् पेन्टागनं चीनं थः आणविक भण्डारणयात निदुगं दयेकेत्यंगु द्वपं ब्यूगु दु । उगु द्वपंया चीनं खण्डन तकं याःगु खः ।
चीनया आणविक ज्याखं अमेरिका व रुस हतियार नियन्त्रणया लागिं ताः इलंनिसें कुतः जुयाच्वंगु वार्ता तकं स्यंकूगु बुखँय् उल्लेख यानातःगु दु ।
भारतय् बस व ट्रक न्याबलय् १८म्ह सीत
दिल्लागा पंचमी ११४१,साउन १३ बुधवाः
भारतया उत्तर प्रदेश राज्यया बाराबंकी जिल्लाय् बस व ट्रक थःथवं ल्वाबलय् १८म्ह सीगु दु । दुर्घटनाय् २५म्ह घाःपा जूगु दु ।
भारतया लखनउ–अयोध्या रोडय् सतक लिकसं दिकातःगु बसयात लिउने ट्रकं न्याबलय् दुर्घटना जूगु खः । प्रहरीया कथं हरियाणाया पलवलपाखें बिहार वनाच्वंग्ु बस स्यना सतक सिथय् दिकातःगु खः ।
बसय् सच्छि व ४०म्ह सिबें अप्वः यात्रु त सवार दूगु प्रहरीं न्ह्यथंगु दु । उपिं अप्वः धैथें घटनास्थलय् हे सीगु भारतीय सञ्चारमाध्यमतय्सं न्ह्यथंगु दु ।
