Display Style:
Column Style
लेवनानय् अन्त्येष्टि ज्याझ्वःलय् गोली प्रहार
दिल्लागा नवमी ११४१, साउन १८ मंगलबाः
लेवनानय् अन्त्येष्टि ज्याझ्वः जुयाच्वंथाय् अज्ञात मनूं गोलीं कयेकूगु दु ।
घटनाय् निम्ह मनूत मन्त । छुं दिं न्ह्यः सीम्ह हिजबुल्लाह कमाण्डरया अन्त्येष्टि जुयाच्वंथाय् गोलीकाण्ड जूगु खः । बेरुत शहरय् मुनाच्वंपिं मनूतदथुइ आकाझाकां गोलीकाण्ड जूगु खः ।
अनलिं मनूतय्गु भागदौड जूगु धागु दु । दकले शक्तिशाली इरान समर्थित सशस्त्र पुचः हिजबुल्लाहया कमाण्डर सीवं विचाः हायेकेत ग्वसाःग्वयातःगु ज्याझ्वलय् अज्ञान मनूं गोलीं कयेकूगु खः ।
गोलीं कयेकूगु घटनाया विषयलय् अनुसन्धान प्रक्रिया तच्वयेकूगु अनया अधिकारीपिन्सं धागु दु ।
अफगानिस्तानय् तालीवानया आक्रमण न्ह्यानाच्वन
दिल्लागा अष्टमी ११४१,साउन १७ सोमवाः
अफगानिस्तानया दक्षिण व पश्चिमी क्षेत्रया मू ३ शहर तालिवानं थःगु कब्जाय् कायेगु कुतः याःगु दु ।
लिपांगु इलय् हिंसात्मक ज्याखँयात तच्वयेकूगु तालीवान बिद्रोहीं मू शहर थःगु कब्जाय् कायेत स्वःबलय् सरकारी सेना व तालिबान दथुइ लडाई जूगु धाःगु दु । अफगानिस्तानया लश्कर गाह, हेरात, कान्दर गाह कब्जा यायेत स्वःगु तालवानी बिद्रोही व सैनीक दथुइ तच्वःगु संघर्ष जूगु खः ।
वइगु सेप्टेम्बर तक्कय् अफगानिस्तानं बिदेशी सेना लिहांवनीगु घोषणा अफगान सरकारं यायेधुंकाः तालीवानी बिद्रोहीं हिंसात्मक ज्याखँयात तच्वयेकूगु दु । थ्वयां न्ह्यः उमिसं इरान व पाकिस्तानलिसे स्वाःगु सीमालिसें अफगानिस्तानया अप्वः थे क्षेत्रत कब्जाय् कायेधुंकूगु दु ।
तालीवानी बिद्रोहीं बेलायती सेना दुगु हेलमन्द प्रान्तय् नं हताः याःगु दु । तालिवानया हताः धुंकाः उगु क्षेत्रया स्थानीय पलायन जुयाच्वंगु दु । सरकारी सेना व तालीवानी दथुइया लिपांगु संघर्षय् सलंसःया ज्यान वनेधुंकूगु दु ।
चीनय् डेल्टा भेरियन्ट फैलै जुल
लहानान्युज | दिल्लागा अष्टमी ११४१,साउन १७ सोमवाः
चीनय् कोरोना भाइरसया डेल्टा भेरियन्ट फैलै जुगु दु। लिपागु इलय् विश्वयकं न्हुगु प्रकारया डेल्टा भेरियन्टपाखे सङ्क्रमितपि अप्वो जुयावंगु दु।
वंगु २४ घण्टाय् जक थप ५५ म्हेसित सङ्क्रमण पुष्टि जूगु दु। सङ्क्रमितमध्ये ३० म्ह स्थानीयपिन्त खनेदुगु दु सा ल्यः दनिपि विदेशपि खः धका चाइना डेलीं धागु दु।
चिनियाँ राष्ट्रिय स्वास्थ्य आयोगया कथं जिआङ्सुुय् १९, हुनानय् ६, चोङकिङय् निम्ह व लियोनिङ, फुजियान व सिचुआनय् छम्ह छम्हेसित सङ्क्रमण पुष्टि जुगु दु।
चीनया नान्जिङ सहरपाखे कोरोना भाइरस मेथाय् फैलै जुगु खः। वंगु जुलाई २० य् नान्जिङ विमानस्थलय् छम्हेसित कोरोना भाइरस खनेदुगु खः। वया लिपा झन्डै निसःम्हेसित सङ्क्रमित जुगु खः।
अमेरिकाय् खोप काइपिन्त १ सय डलर बिइगु
लहानान्युज | दिल्लागा षष्ठी ११४१,साउन १५ शुक्रवाः
अमेरिकी राष्ट्रपति जो बाइडनं कोरोनाविरुद्धया खोप काइपिन्त १ सय डलर बिइत राज्यपिन्त आह्वान यागु दु।
संक्रमण अप्वोया वंगु व खोप काइपि कम जुगुलि बिहीवाः ह्वाइट हाउसं सम्बोधन यसे बाइडनं उगु आह्वान यागु खः। उगु रकम राज्यं अमेरिका रेस्क्यु प्लान अन्तर्गतया कोषपाखे प्रयोग याये फइ धका बीबीसीं धागु दु।
अमेरिकाय् डेल्टा भेरियन्टया संक्रमण तीव्र रुपं फैलै जुयाच्वंगु दु। थ्व स्वया न्ह्य अमेरिकी राष्ट्रपति जो बाइडनया प्रमुख चिकित्सा सल्लाहकार डा. एन्थोनी फाउची न अमेरिका मखु लँय् वना च्वंगुलि स्थिति नियन्त्रण कायेत खोप कापि अमेरिकीपिन्स न मास्क अनिवार्य यायेगु बारे विचाः जुयाच्वंगु धका धागु खः।
अमेरिकाय् ८.२ म्याग्निच्युडया शक्तिशाली भुखाय् ब्बल
लहानान्युज | दिल्लागा षष्ठी ११४१,साउन १४ बिहीवाः
अमेरिकाया अलास्का द्वीपय् ८.२ म्याग्निच्युडया शक्तिशाली भुखाय् ब्बःगु दु।
अमेरिकाको जियोलोजिकल सर्वे (यूएसजीएस) न स्थानीय ई कथं बुधबाः चान्ह्यः १०ः१५ बजे उगु भुचाय् ब्बःगु दु धका धागु दु।
उगु भुखाय् या केन्द जमिनया सतह स्वया ३५ किलोमिटर क्वय् जुया ब्बःगु धका अन्तर्राष्ट्रिय सञ्चारमाध्यमपिन्स धागु दु।
भुखाय् ब्बःगु अलास्काया नेशनल सुनामी वार्निङ सेन्टर (एनटीडब्ल्यूसी) न राज्यया दक्षिण भागय् सुनामी वयेफु धका चेतावनी बिगु दु।
