Display Style:
Column Style
अफगानिस्तानंं अमेरिकी सैनिक याकनं हे लिहाँ वनिगु
बछलागा पञ्चमी, ११४१, असार २५ शुक्रबाः
अमेरिकां पूर्व निर्धारित ई सीमा न्ह्यः हे अफगानिस्तानं थः सेना लितसते धुंकेगु स्पष्ट याःगु दु ।
राष्ट्रपति जो बाइडेनं थ्वयान्ह्यः सेप्टेम्बर ११ न्ह्यः सेना लितसतेगु न्ह्यथंसा नं अगष्टय् हे अमेरिकी सेना स्वदेश लिहाँवयेधुंकिगु स्पष्ट यानादीगु खः । अफगानिस्तानया थी थी शहरय् तालिवानी लडाकूतये ज्यापहः सक्रिय जूगु इलय् राष्ट्रपति बाइडेनया थुकथंया प्रतिक्रिया वःगु खः ।
सन् २००१ सेप्टेम्बर ११य् थःगु देशय् आतंकवादी हतः जुइधुंका अमेरिकां २० दँ अफगानिस्तानय् विद्रोहीलिसे ल्वागु खः । थ्वयान्ह्यः पूर्व राष्ट्रपति डोनाल्ड ट्रम्पं नं अमेरिकी सेना लितसतेगु मिति क्वजिउगु जूसा नं बाइडेनं पूर्व निर्धारित मिति थुखेउखे यानादीगु खः ।
अमेरिकां तालिवानीविरुद्धया कारवाही क्वचागु घोषण याःसा नं अफगानिस्तानय् कुटनीतिक नियोग व विमानस्थलया सुरक्षाया नितिं धाःसा ५सः निसें द्वःछिम्ह सेनायात निरन्तरता बिइगु धाःगु दु । लिपांगु ई जूगु छगू सर्वेक्षणय् अमेरिकी सेनायात अफगानिस्तानं लितहयेगुलिइ तच्वकं समर्थन वःगु धाःगु दु ।
थुखे अमेरिकी सेनायात लितयंकेगु प्रक्रिया न्ह्यागु लिसें अफगानिस्तानय् तालिवानीया ज्यापहः तच्वःगु लिसें सर्वसाधारण त्रसित जूगु दु । थी थी दुर्गम क्षेत्रय् मस्त ब्वनेकु वनेगु, सार्वर्जनिक थासय् सर्वसाधारणं वयेवनेगु बन्द याःगु बुखँय् न्ह्यथनातःगु दु ।
हाइटी राष्ट्रपति हत्याविरुद्धया छानविन न्ह्यात
बछलागा पञ्चमी, ११४१, असार २५ शुक्रबाः
हाइटीया प्रहरीं राष्ट्रपति जोभनेल मोइसया हत्याविरुद्ध याःगु कारवाहीलय् ४म्ह सीगु दुसा छुं शंकास्पद मनूयात नियन्त्रणय् काःगु दु ।
सुरक्षाकर्मीया कारवाहीलय् सीपिं मध्ये छम्ह अमेरिकी नागरिक जूगु बीबीसीं न्ह्यथंगु दु । तर प्रहरीं हत्याया हुनिं व योजनाया खँय् छुं ध्वाथुइकुगु मदुनि । बुधबाः सुथय् थःगु हे निवासय् राष्ट्रपति मोइसया हत्या जूगु खः ।
उगु घटनाय् राष्ट्रपति मोइसया तिरि मार्टिन तच्वकं घाःपाः जूगु अन्तर्राष्ट्रिय समाचार संस्थातयेसं न्ह्यथंगु दु । घटनालिपा हाइटीया कार्यबाहक प्रधानमन्त्री क्लाउड जोसेफं विदेशीया संलग्नताय् राष्ट्रपतिया हत्या जूगु प्रतिक्रिया बियादीगु खः ।
थुखे, राष्ट्रपतियात स्यागुया विरोधय् सर्वसाधारणं विरोध ब्वज्या याःगु दु । उमिसं देशय् शान्ति सुरुक्षा कायम यायेत ताःमलाःगु धका सरकारया विरोधय् नाराबाजी नं याःगु बुखँय् न्ह्यथनातःगु दु ।
पूर्व राष्ट्रपति ज्याकूब जुमां आत्मसमर्पण यात
बछलागा चतुर्दशी ११४१,असार २४ बिहीवाः
दक्षिण अफ्रिकाया पूर्व राष्ट्रपति ज्याकूब जुमां प्रहरी न्ह्योने आत्मसमर्पण यानादीगु दु ।
अदालतया अवहेलनाय् जेल कसाया फैसाल क्वजिउम्ह पूर्व राष्ट्रपति जुमां प्रहरी न्ह्योने आत्मसमर्पण याःगु बुखँय् न्ह्यथनातःगु दु ।
थ्वयान्ह्यः अदालतया आदेश नालामकाःसा गिरफतार यायेगु धका प्रहरीं ख्याच्वः बिउगु लिसें जुमां प्रहरी न्ह्योने आत्मसमर्पण यानादीगु खः ।
अदालतं जुमायात भ्रष्टाचारया द्वपनय् अनुसन्धानय् उपस्थित जुइ मफय्धुंका वंगु वालय् १५ लाया जेल कसा न्यंकुगु खः । ९ दँ सत्ताय् दूबलय् जुमां भ्रष्टाचार याःगु उजुरी लाःगु लिसें अदालतं छानविन न्ह्याकुगु खः ।
दुबईया छगू बन्दरगाहलय् मिं नल
बछलागा चतुर्दशी ११४१,असार २४ बिहीवाः
दुबईस्थित छगू बन्दरगाहलय् दूगु कन्टेनरय् मिं नःगु दु । संयुक्त अरब इमिरेट्सया मू व्यापारिक केन्द्रय् दूगु कन्टेनरय् मिं नःगु बुखँय् न्ह्यथनातःगु दु ।
मिं नःगु लिसें जूगु विस्फोटं उगु व्यापारीक केन्द्रय् भागदौड न्यंगु सरकारी अधिकारीतयेसं न्ह्यथंगु दु । जेबेल अलि पोर्टय् दूगु जहाजय् नःगु मिं नियन्त्रणया झ्वलय् विस्फोट जूगु खः ।
विस्फोटय् मानविय क्षति मजूसा नं भौतिक क्षतिया धलः वयेत धाःसा ल्यंदनिगु अनया सरकारी अधिकारीतयेसं न्ह्यथंगु दु । मिं नयेधुंका आपतकालीन सेवा परिचालन जूगु खः ।
मिं नःगुया हुनिं सीदूगु मदुनि । बन्दरगाहया अधिकारीतये कथं जहाज सामान्य अवस्थाय् अवतरण जूगु खः । दुबईया उत्तरी क्षेत्रय् दूगु जेबेल अली पोर्ट हलिंया हे दक्वःलय् तःधंगु सुख्खा बन्दरगाह खः ।
उगु पोर्टय् ४गू कन्टेरनर टर्मिनल दु ।
भारतीय प्रधानमन्त्री नरेन्द्र मोदीं केन्द्रीय मन्त्रीमण्डल हेरफेर यात
लहानान्युज | बछलागा चतुर्दशी ११४१,असार २४ बिहीवाः
भारतीय प्रधानमन्त्री नरेन्द्र मोदीें निक्वगु कार्यकालय् न्हापागु पटक केन्द्रीय मन्त्रीमण्डल हेरफेर यागु दु।
मन्त्रिपरिषदय् ४३ म्ह सदस्यपिन्स म्हिगः पद व गोपनियताया शपथ ग्रहण यागु दु। उगु मन्त्रीमण्डलय् १५ म्ह मन्त्री व २८ म्ह राज्यमन्त्रीपि दुथ्याकूगु दु।
थ्व नाप मोदी नेतृत्वया मन्त्रिपरिषद ७७ सदस्यीय जुगु दु। मन्त्रिपरिषदय् ३६ म्ह न्हुपि न्ह्यम्ह पुलापि मन्त्रीपिनिगु भूमिका थप यागु खः। प्रधानमन्त्री मोदीं विज्ञान तथा प्रविधि मन्त्रालय थः नाप हे तःगु दु।
मोदीया क्याबिनेट् थुकथं दु
राजनाथ सिंह– रक्षा
अमित शाह– गृह तथा सहकारिता
नितिन गडकरी– परिवहन तथा राजमार्ग
निर्मला सीतारमण– वित्त तथा कार्पोरेट
नरेंद्र सिंह तोमर– कृषि
एस जयशंकर– विदेश मन्त्री
अर्जुन मुण्डा– आदिवासी
स्मृति ईरानी– महिला एवं बाल कल्याण
पीयूष गोयल– वाणिज्य, उद्योग, उपभोक्ता तथा कपड़ा
धर्मेन्द्र प्रधान– शिक्षा, उद्यम तथा कौशल विकास
प्रह्लाद जोशी– संसदीय मामिला
नारायण राणे– लघु, मध्यम तथा सूक्ष्म उद्योग
सर्बानंद सोनोवाल– पोर्ट, शिपिंग, जलमार्ग
मुख्तार अब्बास नकÞवी– अल्पसंख्यक
वीरेन्द्र कुमार– सामाजिक न्याय
गिरिराज सिंह– ग्रामीण विकास तथा पञ्चायती
ज्योतिरादित्य सिंधिया– नागरिक उड्डयन
आरसीपी सिंह– इस्पात
अश्विनी वैष्णव– रेलवे, सञ्चार तथा सूचना
पशुपति कुमार पारस– खाद्य
गजेन्द्र सिंह शेखावत– जलशक्ति
किरेन रिजिजू– न्याय तथा कानून
आरके सिंह– ऊर्जा
हरदीप सिंह पुरी– पेट्रोलियम, ग्यास, आवास एवं शहरी विकास
मनसुख माण्डविया– स्वास्थ्य तथा परिवार कल्याण
भूपेन्द्र यादव– पर्यावरण एवं वन, जलवायु परिवर्तन, श्रम एवं रोजÞगार
महेन्द्र नाथ पाण्डे– भारी उद्योग
पुरुषोत्तम रुपाला– पशुपालन, मत्स्य पालन तथा दुग्ध उत्पादन
जी. किशन रेड्डी– पर्यटन एवं संस्कृति
अनुराग ठाकुर– खेल तथा युवा
