भारतय् कोरोना संक्रमण जूपि म्हो जुया वंगु दु ।

न्हिन्हि ४ लाख तक कोरोना संक्रमितपि थपे जुयावया च्वंगु खःसा आः भचा म्हो जुुगु दु।

वंगु २४ घण्टाय् २ लाख ७६ हजार ११० म्हेसित कोरोना संक्रमितपि थपे जूगु दु। अथेहे ३ हजार ८७४ संक्रमितपि सीगु दु धका विश्व स्वास्थ्य संगठनं धागु दु।

भारतय् आःतक २ लाख ८७ हजार १२२ म्ह कोरोना संक्रमितपि सी धुकुगु दु ।

कोरोना संक्रमित जूपि आःतक भारतय् २ करोड ५७ लाख ७२ हजार ४४० म्ह थ्यंगु दु।

भारतया राजस्थान सरकारं ‘ब्ल्याक फङ्गस’ महामारीया घोषणा यागु दु।

विशेषज्ञपिन्स कोरोना भाइरस थिक जुपि चिनि ल्वयु दुपिके थज्यागु समस्या खनेदुगु धका धागु दु। थज्यागु समस्या दुपिके मिखाँ तक मखनिइगु धका धागु दु।

राजस्थानया चिकित्सा स्वास्थ्य विभागं यो थज्यागु ल्वय् अप्वोया वंगुलि महामारी हे घोषणा यागु खः। विभागं मिखाय् समस्या दुपि अप्वो बिरामीपि पिहा वंगु धका धागु दु।

राजस्थानया झण्डै सच्छि मल्याक बिरामी पिकें ब्ल्याक फङ्गस ल्वचं पीडित जुगु दु धका धागु दु। थुगु बिरामीपिनिगु उपचारया लागि जयपुरया सवाई मानसिंह अस्पतालय् बिस्कं हे वार्ड दयकूगु दु।

अनया मुख्यमन्त्री अशोक गहलोतं राजस्थान नाप देय् थीथी थासय् कोरोना ठिक जूपि बिरामीपिके मिखाँ स्यकिइगु ब्ल्याक फङ्गस खनेदुगु धका धागु दु ।

थौंकन्ह्य न्हि थुज्यागु समस्या ज्वना अस्पताल वयाच्वंगु धका धागु दु ।वंगु वैशाख २४ गते दिल्लीइ दुगु सर गंगा राम अस्पतालय्  थज्यागु समस्या ज्वना झण्डै सच्छिम्ह मल्याक बिरामीपि वयाच्वंगु दु सा आःतक ६९ म्ह बिरामी अस्पतालय् भर्ना जुइ धुकुगु दु।

महाराष्टय् थुगु रोगया कारण ९० म्हेसिगु ज्यान वने धुकुगु अनुमान यागु दु । थुगु रोग पत्ता लगे जुगु ढिल जुगुलि ज्यान वःपि यक्को दुगु धका भारतीय सञ्चारमाध्यमं धागु दु ।

भारतया उत्तर प्रदेशय् कोरोना भाइरसं छम्ह मन्त्रीया ज्यान वंगु दु।

प्रदेश सरकारया बाढी नियन्त्रण तथा राजस्व राज्यमन्त्री विजय कश्यप कोरोना सङ्क्रमणं मदुगु धका बीबीसीं धागु दु ।

व स्वया न्ह्ह्यः उत्तर प्रदेशया मन्त्री चेतन चौहान व कम रानी वरुणयम न कोरोना सङ्क्रमणं मदुगु खः ।

उत्तर प्रदेशया मुख्यमन्त्री योगी आदित्यनाथं राज्यमन्त्री कश्यप म्हिगः मदुगु धका जानकारी बिउसे बिचाः हायकूगु दु।

५६ दँ दुम्ह कश्यपया गुडगाउँलय् मेदान्ता अस्पतालय् उपचारया झवलय् मदुगु खः ।

भारतय् कोरोना सङ्क्रमणं छन्हु हे ४५२५ म्हेसिगु ज्यान वंगु दु ।

कोरोना भाइरसपाखे छन्हु हे अप्वोसिगु ज्यान वंगु थ्व हे न्हापागु देश जुगु दु ।

थ्व स्वया न्ह्यः वंगु जनवरी १२ तारिखय् अमेरिकाय् ४४६८ म्हेसिगु ज्यान वंगु खः । अथेहे ब्राजिलय् अप्रिल ६ तारिखय् ४२११ म्हेसिगु ज्यान वंगु खः ।

भारतय् कोरोना सङ्क्रमण पुष्टि जूपि म्हो जुया वनाच्वंगु दु। वंगु २४ घण्टाय् भारतय् निगु लाख ८३ हजार दुई सय ७६ म्हेसित सङ्क्रमण पुष्टि जुगु धका भारतीय स्वास्थ्य मन्त्रालयं धागु दु धका भारतीय सञ्चारमाध्यम हिन्दुस्तान टाइम्सं धागु दु ।

गरिब देय् कोरोना खोप अभावं छटपटे जुगु इलय् धनी देय् धासा तनावय् दु।

अमेरिका, बेलायत लगायतया धनी देशय् थःगु नागरिकपिनिगु माःगु स्वया अप्वो खोप मुका च्वने मागु दु, तर अनया नागरिकपिन्स खोप काये माने मजुया सरकार हैरान जुगु दु । अमेरिकाय् न्हापागु डोज खोप काःपि झण्डै ५० लाख मनू तयसं निक्वःगु खोप काये माने मजू।

हङकङय निःशुल्क खोप सुरु जुगु स्वला दय धुकुगु दु सा अन जम्मा १८ प्रतिशतं न्हापागु डोज कागु दु । आः १२ प्रतिशत हाराहारी जक निक्वःगु डोज कागु दु।

कोरोना खोपप्रति नागरिकपिन्स यक्को इच्छा मक्यंगुलि अमेरिकाया ओहायो राज्यं अज्जूचाइपूगु स्किम हःगु दु। उगु स्किम कथं कोरोना खोपया न्हापागु डोज कापिं मध्ये न्याम्हेसित भाग्यशाली मनू तयेस छगु छगु मिलियन डलर (झण्डै १०–१० करोड नेपाली रुपैयाँ) सिरपा तःगु दु ।

सरकारया थुगु घोषणां खोप अभियानय् भचा सकारात्मक प्रभाव सुरु जूगु दु । स्किम घोषणा यागु निन्हु लिपा सोमवाः छन्हु हे २५ हजार ४ सय म्हेसिया खोप कागु दु, थ्व धइगु स्ववाः दुने दकलय् अप्वो खः।

मे १२ तारिखय् घोषणा यागु खः। थुगु स्किम कथं १८ दँ स्वया च्वयापि ओहायोया नागरिकपिन्स छगु वा छगु स्वया अप्वो डोज कागु दु, उपि थुगु चिठ्ठा अभियानय् सहभागी जुइ फुगु धका एनबीसी न्यूज समाचार संस्थां धागु दु ।