Display Style:
Column Style
चीन सू नाप झुक्के जुइ मखु, राष्ट्रपति सी जिनपिङ
लहानान्युज | बछलागा अष्टमी ११४१, असार १८ शुक्रवाः
चिनियाँ कम्युनिस्ट पार्टी (सीपीसी)या महासचिव नाप राष्ट्रपति सी जिनपिङं चीन सू नाप झुक्के मजुइगु व सुयागु दबाबय् मवयेगु धका धागु दु।
चिनियाँ कम्युनिस्ट पार्टी (सीपीसी)या सच्छि दँ थ्यंगु लसताय् बेइजिङय् छगु ज्याझवलय् सम्बोधन यानादीसे वयकलं चिनियाँ नागरिकयात छु न विदेशी तागतं ब्यूके फइमखु धका दाबी यागु दु। वयलं चीनयात दबय् यायेत स्वपिन्स तधःगु नोक्सानी जुइ धका चेतावनी न बिगु दु।
राष्ट्रपति सीं चीनयात दबे यायेत कुतः याइपिन्स १ अर्ब ४० करोड स्वया अप्वो चिनियाँ नागरिकया तयार यागु तधःगु नंया पखाः नाप ल्वाये मालिइगु धका चेतावनी बिगु दु। अथेहे, वयकलं थःपिन्स शान्तिपूर्ण सहअस्तित्वय् विश्वास यायेत चीनयात धम्के यायेत स्वइपि शक्ति नाप ग्याइ मखु धका बीबीसीं धागु दु।
युरोपेली देशय् कोरोना सङ्क्रमण अप्वोया वन
लहानान्युज | बछलागा अष्टमी ११४१, असार १८ शुक्रवाः
युरोपेली देशय् हाकन कोरोना भाइरसया सङ्क्रमण अप्वोया वंगु दु।
विश्व स्वास्थ्य सङ्गठन (डब्ल्यूएचओ) न झन्डै निलालिपा सङ्क्रमितपि अप्वो वंगु धका जानकारी बिगु दु। डब्ल्यूएचओ न सङ्क्रमितपिनिगु ल्याः अप्वोया वंगुलि मेगु चरणया महामारी हाकनं सुरु जुइ धका च्यूता कागु दु।
कोरोना भाइरसया महामारी फैले मजुइकेगु लागि तत्काल सतर्क जुइमागु खँय् सङ्गठन बःबिगु दु। युरोपेली देशय् सामाजिक दुरी कायम तया, मास्क तयेगु व सावं लः वा स्यानिटाइजर प्रयोग यायेगुलि कडाइ कथं पालना यायेगु÷याकेत इनाप यागु दु।
न्हुगु चरणया महामारी डेल्टा भेरियन्ट फैलै जुगुलकि थप क्षति जुइगु सम्भावना अप्वोया वनिइ धका धागु दु। युरोपेली देशय् औसत २४ प्रतिशत जक खोप कागु दुगु तथ्याङ्क वंगु दु।
सङ्गठनं युरोप क्षेत्रीय कार्यालयया निर्देशक हान्स क्लुगं पत्रकार सम्मेलनपाखे सार्वजनिक यागु खः।
चीनयात दमन यायेत स्वपिं ‘ग्रेट वाल अफ स्टिलय्’ छँय् न्याइ : राष्ट्रपति सी
बछलागा सप्तमी ११४१, असार १७ बिहिवाः
चीनय् सत्तारुढ कम्युनिष्ट पार्टी निस्वंगु सच्छि दँ पूवंगु दु । दिवसया झ्वलय् राष्ट्रपति सी चीनफिङं देशवासीया नामय् सम्बोधन याइगु धाःसा औपचारिक ज्याझ्वबारे छुं नं जानकारी मयाःगु खः ।
चीनं वंगु वाःलय् सत्तारुढ पार्टीया इतिहास बारे थीथी प्रचार यानावयाच्वंगु खः । थुखे हङकङं नं थःगु स्वतन्त्रता दिवस हंगु दु ।
चिनियाँ कम्युनिष्ट पार्टी सन् १९२१ निस्वंगु खः । तःहागु गृहयुद्ध लिपा ७२दँ न्ह्यः चीन शक्तिशाली देय्या कथं खनेदूगु खः । उबले याःगु थीथी गतिविधिबारे लिपांगु वाःलय् प्रचारप्रचार याःगु खः। थःगु पार्टी सच्छि दँ थ्यंगु लसताय् दँयंके हे नाटक नं न्ह्यब्वइगु धाःगु दु ।
थ्वे हे दथुई चिनियां राष्ट्रपति सी जिनपिङं चीनयात सुनांत हेपे याये मपूmगु धयादिल । अमेरिकायात ताकेता याना सुयागु न्ह्यने झुके मजुइगु चेतावनी तकं बियादिल । वय्कलं चीनयात दमन यायेत स्वपिंनिगु छ्यँ ग्रेट वाल अफ स्टिलय न्याइगु चेतावनी तकं बियादिल ।
छघौ तक्क याःगु सम्बोधनय् राष्ट्रपति सीं चीनया विकासय् कम्युनिष्ट पार्टीया मू भूमिका दूगु धासें थुकियात जनतापाखें अलग यायेगु प्रयास असफल जुइगु दावी यानादिल । वय्कलं सुयात नं चीनविरुद्ध दमन यायेगु ह्वःता मबिइगु भलसाः नं बियादिल ।
अफगानिस्तानं थःगु देशय् आंतकवादी ज्याखँ न्ह्याकूगु पाकिस्तानया द्वपं
बछलागा सप्तमी ११४१, असार १७ बिहिवाः
अफगानिस्तानया पिकाटिका प्रान्तय् अज्ञात बन्दुकधारीं कयेकूगु गोलि लानाः निम्ह पाकिस्तानी सैनिक सीगु दु ।
अफगानिस्तानया सीमा लिक्क सुरक्षाय् दुपिं पाकिस्तानी सैनिकयात गोलिं कयेकाः स्याःगु अन्तर्राष्ट्रिय समाचार संस्थातय्सं न्ह्यथंगु दु । उत्तरी पाकिस्तानस्थित बजिरिस्तान क्षेत्रया सैनिक चेकपोष्टय् अज्ञात पुचःया आक्रमणय् उपिं सैनिक सीगु पाकिस्तानी सेनां दावी याःगु दु ।
थुखे पाकिस्तानं थःगु देशय् आतंकवादी ज्याखँ न्ह्याकेत अफगानिस्तानयात छ्यःगु धासें तं प्वंकूगु दु । पाकिस्तानं उगु घटना पूर्वी अफगानिस्तानय् दुगु तहरीक ए तालिबानी पाकिस्तानं हताः याःगु दावी याःगु दु ।
तर अफगानिस्तानं धाःसा उगु हताः व पाकिस्तानया द्वपंप्रति छुं हे प्रतिक्रिया मक्यंनि । लिपांगु इलय् अफगानिस्तानं पाकिस्तानील्सेइँ २६ किलोमिटर सीमा क्षेत्रइ् तारबार तयेगु पाकिस्तानया निर्णयया विरोध यानावःगु दु ।
पाकिस्तानं सन् २०१७य् छखेरं सीमा सुरक्षाया लागिं धासें तारबार तयाहयेधुंकाः अफगानिस्तानं थुकिया विरोध यानावःगु दु ।
क्यानडाय् तापक्रम अप्वोया ६०म्ह मनू सीत
लहानान्युज | बछलागा षष्ठी ११४१, असार १६ बुधवाः
क्यानडाया दक्षिणी प्यासिफिक नर्थवेष्ट थासय् तापक्रम अप्वोया ६०म्ह मनू सीगु दु।
ब्रिटिश कोलम्बिया प्रहरीं सोमवाः लिपा सीपि ६० म्ह स्वया अप्वो थ्यंगु दु। सीपि अप्वो ज्येष्ठ नागरिकपि खः। ब्रिटिश कोलम्बियाया लीटन तापक्रम ४९ दशमलव ९ डिग्री सेल्सियस थ्यंगु खः।
गर्मी अप्वोया अनयागु जनजीवन तक प्रभावित जुगु दु। अनयागु ग्लोब व मेल पत्रिकाया कथं लीटनय् छेँ न पिहाँ वयेत तक थाकूगु दु। तापक्रमया क्यानडा वातावरण सम्बन्धी निकाय न ब्रिटिश कोलम्बिया व अल्बेर्टाय् चेतावनी सहित सूचं जारी यागु दु। उगु थासया उत्तरपश्चिमी भू–भागय् सचेत जुया च्वनेत धागु दु।
