Display Style:
Column Style
दुबईया छगू बन्दरगाहलय् मिं नल
बछलागा चतुर्दशी ११४१,असार २४ बिहीवाः
दुबईस्थित छगू बन्दरगाहलय् दूगु कन्टेनरय् मिं नःगु दु । संयुक्त अरब इमिरेट्सया मू व्यापारिक केन्द्रय् दूगु कन्टेनरय् मिं नःगु बुखँय् न्ह्यथनातःगु दु ।
मिं नःगु लिसें जूगु विस्फोटं उगु व्यापारीक केन्द्रय् भागदौड न्यंगु सरकारी अधिकारीतयेसं न्ह्यथंगु दु । जेबेल अलि पोर्टय् दूगु जहाजय् नःगु मिं नियन्त्रणया झ्वलय् विस्फोट जूगु खः ।
विस्फोटय् मानविय क्षति मजूसा नं भौतिक क्षतिया धलः वयेत धाःसा ल्यंदनिगु अनया सरकारी अधिकारीतयेसं न्ह्यथंगु दु । मिं नयेधुंका आपतकालीन सेवा परिचालन जूगु खः ।
मिं नःगुया हुनिं सीदूगु मदुनि । बन्दरगाहया अधिकारीतये कथं जहाज सामान्य अवस्थाय् अवतरण जूगु खः । दुबईया उत्तरी क्षेत्रय् दूगु जेबेल अली पोर्ट हलिंया हे दक्वःलय् तःधंगु सुख्खा बन्दरगाह खः ।
उगु पोर्टय् ४गू कन्टेरनर टर्मिनल दु ।
भारतीय प्रधानमन्त्री नरेन्द्र मोदीं केन्द्रीय मन्त्रीमण्डल हेरफेर यात
लहानान्युज | बछलागा चतुर्दशी ११४१,असार २४ बिहीवाः
भारतीय प्रधानमन्त्री नरेन्द्र मोदीें निक्वगु कार्यकालय् न्हापागु पटक केन्द्रीय मन्त्रीमण्डल हेरफेर यागु दु।
मन्त्रिपरिषदय् ४३ म्ह सदस्यपिन्स म्हिगः पद व गोपनियताया शपथ ग्रहण यागु दु। उगु मन्त्रीमण्डलय् १५ म्ह मन्त्री व २८ म्ह राज्यमन्त्रीपि दुथ्याकूगु दु।
थ्व नाप मोदी नेतृत्वया मन्त्रिपरिषद ७७ सदस्यीय जुगु दु। मन्त्रिपरिषदय् ३६ म्ह न्हुपि न्ह्यम्ह पुलापि मन्त्रीपिनिगु भूमिका थप यागु खः। प्रधानमन्त्री मोदीं विज्ञान तथा प्रविधि मन्त्रालय थः नाप हे तःगु दु।
मोदीया क्याबिनेट् थुकथं दु
राजनाथ सिंह– रक्षा
अमित शाह– गृह तथा सहकारिता
नितिन गडकरी– परिवहन तथा राजमार्ग
निर्मला सीतारमण– वित्त तथा कार्पोरेट
नरेंद्र सिंह तोमर– कृषि
एस जयशंकर– विदेश मन्त्री
अर्जुन मुण्डा– आदिवासी
स्मृति ईरानी– महिला एवं बाल कल्याण
पीयूष गोयल– वाणिज्य, उद्योग, उपभोक्ता तथा कपड़ा
धर्मेन्द्र प्रधान– शिक्षा, उद्यम तथा कौशल विकास
प्रह्लाद जोशी– संसदीय मामिला
नारायण राणे– लघु, मध्यम तथा सूक्ष्म उद्योग
सर्बानंद सोनोवाल– पोर्ट, शिपिंग, जलमार्ग
मुख्तार अब्बास नकÞवी– अल्पसंख्यक
वीरेन्द्र कुमार– सामाजिक न्याय
गिरिराज सिंह– ग्रामीण विकास तथा पञ्चायती
ज्योतिरादित्य सिंधिया– नागरिक उड्डयन
आरसीपी सिंह– इस्पात
अश्विनी वैष्णव– रेलवे, सञ्चार तथा सूचना
पशुपति कुमार पारस– खाद्य
गजेन्द्र सिंह शेखावत– जलशक्ति
किरेन रिजिजू– न्याय तथा कानून
आरके सिंह– ऊर्जा
हरदीप सिंह पुरी– पेट्रोलियम, ग्यास, आवास एवं शहरी विकास
मनसुख माण्डविया– स्वास्थ्य तथा परिवार कल्याण
भूपेन्द्र यादव– पर्यावरण एवं वन, जलवायु परिवर्तन, श्रम एवं रोजÞगार
महेन्द्र नाथ पाण्डे– भारी उद्योग
पुरुषोत्तम रुपाला– पशुपालन, मत्स्य पालन तथा दुग्ध उत्पादन
जी. किशन रेड्डी– पर्यटन एवं संस्कृति
अनुराग ठाकुर– खेल तथा युवा
भारतीय् मन्त्रिपरिषद् पुनर्गठनया तयारी
लहानान्युज | बछलागा त्रयोदशी ११४१,असार २३ बुधवाः
भारतीय प्रधानमन्त्री नरेन्द्र मोदीं मन्त्रिपरिषद् पुनर्गठनया तयारी यागु दु।
भारतीय सञ्चारमाध्यमया कथं थौं बुधवाः बहनि मन्त्रिपरिषद् पुनर्गठन यायेगु तयारी यागु दु।
मन्त्रिपरिषद् पुनर्गठन याये न्ह्यः कम्ती न १२ म्ह मन्त्रीं राजीनामा बिगु दु धका भारतीय सञ्चारमाध्यमं धागु दु। राजीना बिउपि स्वास्थ्यमन्त्री हर्ष वर्धन, शिक्षामन्त्री रमेश पोख्रियाल निशांक, श्रममन्त्री सन्तोष गांग्वारलगायतया मन्त्रीपि खः।
भारतीय समाचार एजेन्सी एएनआईया कथं बुधवाः ४३ म्ह न्हुपि मन्त्रीपिन्स शपथ कायेगु तयारी दु।
हाइटीया राष्ट्रपति जाभोनेल मोइसेया हत्या
लहानान्युज | बछलागा त्रयोदशी ११४१,असार २३ बुधवाः
हाइटीया राष्ट्रपति जाभोनेल मोइसेया हत्या जुगु दु ।
स्थानीय ई कथं मंगलवाः चान्ह्य १ बजे थःगु निवासय् राष्ट्रपतिउा मोइसेया हत्या जुगु खः। प्रधानमन्त्री क्लाउडे जोसेपं छगु विज्ञप्तिपाखे हतियारधारी समूह न राष्ट्रपतिया हत्या जुगु धका धागु दु।
हत्याय् संलग्नया पहिचान धासा जुगु मदुनि। उमिगु स्पेनिस भाषा न्ववाइपि मनूपि खः धका विज्ञप्तिइ धागु दु। उगु आक्रमणय् राष्ट्रपति मोइसेया जहानयात न गोली लागु दु।
प्रधानमन्त्री जोसेपं थुगु घटनायात ‘घृणित, अमानवीय व बर्बर’ धका धागु दु।
अमेरिका व युरोपियन युनियनया इरानयात कुंख्यना
बछलागा त्रयोदशी ११४१,असार २३ बुधवाः
अमेरिका व युरोपियन युनियन, ईयूं इरानं युरेनियम धातु उत्पादन यायेगु निर्णययात कुंख्यंगु दु ।
अन्तर्राष्ट्रिय आणविक उर्जा एजेन्सी, आईएईएं इरानं युरेनियम उत्पादनया ज्याझ्वःयात २०गू प्रतिशतं अप्वयेकेगु योजना न्ह्यब्वःगु दाबी याःगु दु । इरानं युएन आईएईएयात २०गू प्रतिशत शुद्ध युरेनियम धातु उत्पादनया योजना न्ह्यब्वःगु खः ।
थ्व सुचंलिसे हलिंया शक्तिशाली राष्ट्र उकियात विरोध यानाः विपक्षय् दंगु दु । इरानया युरेनियम उत्पादनया घोषणालिसे भियनाय् जुइगु धयातःगु युरेनियमसम्बन्धि मंका कार्ययोजनाया वार्ता न त प्रभावित जूगु दु ।
अमेरिकी विदेश विभागया प्रवक्ता नेड प्राइसं परमाणु हतियार उत्पादनय् प्रतिबन्ध तयातःगु खःसां उकिया विरुद्ध पलाः छ्यूगु धासें इरानयात विरोध याःगु खः ।
थःपिं वंगु ईलय्या सहमति पालना यायेत इमान्दार जुयागु खःसां इरानं उकियात बेवास्ता यानाः न्ह्यज्याःगु धासें युरेनियम उत्पादनया ज्याझ्वः दिकेत धागु दु ।
