अमेरिकाया फ्लोरिडा राज्य मयामी सहर नाप छगु १२ तले भवन भत्के जुया दर्जनौं सम्पर्कविहीन जुगु। घटनास्थलय् छम्ह सीगु दु।

भवन भत्के जुगु थाय् गुलि मनू दु सिगु मदुनि। मयामीया उत्तरय् लागु थाय् सर्फसाइड क्षेत्रय् भवन सन् १९८० य् दयकेता तःगु खः। उगु छेँ २३० गु फ्ल्याट दु। उकि मध्ये बच्छि मल्याक दुगुं दु धका बीबीसीं धागु दु।

फ्लोरिडा राज्यया गभर्नर रन डिसेन्टिसं क्षति यक्कोजुगु धका अनुमान यागु दु।

३५ म्हेसित घटनास्थलपाखे उद्धार यागु दु सा गुलिसितउपचारया लागि अस्पताल छ्वःगु दु धका अधिकारीपिन्स धागु दु।

भारतय् कोरोना संक्रमितपि ३ करोड स्वया अप्वो थ्यंगु दु। वंगु २४ घण्टाय् ५० हजार ८४८ म्ह संक्रमित थपे जुगु दु ।

थ्व नाप संक्रमित जूपि ३ करोड २८ हजार ७०९ म्ह थ्यंगु दु धका भारतीय सञ्चारमाध्यमं धागु दु। अथेहे, भारतय् आः तक २ करोड ८९ लाख ९४ हजार स्वया अप्वो संक्रमणमुक्त जुइ धुकुगु दु।

अथेहे वंगु २४ घण्टाय् थप १३ सय ५८ म्हेसिगु ज्यान वंगु दु । कोरोनाया कारण ज्यान गुमेयापि ३ लाख ९० हजार म्ह थ्यंगु दु। भारतय् आःतक ६ लाख ४३ हजार स्वया अप्वो सक्रिय संक्रमितपि दु।