इन्डोनेशियाय् कोरोनाविरुद्धया खोप काइपिन्त अनया स्थानीय निकाय न छम्ह खाँबिइगु जुगु दु ।

पश्चिमी जाभाया किआन्जर सहरय् हःगु थुगु कार्यक्रमं ४५ दँ स्वया अप्वोपि नागरिकपिन्त खोप कायेगु प्रोत्साहन यायेगु लागि सुरु यागु खः।

उगु दँयापिन्स खोप लगे मयागुलि उगु ज्याझ्वः हःगु खः। थुगु ज्याझ्वः स्वया न्ह्यः २०० मध्ये २० म्हेसिया जक खोप काःगु खः। तर आः न्हि २५० म्हेसिया खोप कयाच्वंगु दु ।

अथेहे खाँ बिइगु जेष्ठ नागरिकपिन्त सदभाव व सम्मान व्यक्त यागु धको आभास बियागु धका धाःगु दु। आःतक ५०० खाँ वितरण याये धुकुगु दु।

चीनया उत्ररी लागाय् शाङ्सी प्रान्तय् छगू न खानी खुसिबालं दुर्घटना जुबलय् म्होति नं ११म्ह मजदुर सीगु दु।

स्थानीय अधिकारीपिं कथं खुसिबालय् लानाच्वंपिं मेपिं मनुतय्गु मालेज्या व उद्धार जुयाच्वंगु धाःगु दु । थौं सुथय् नः खानीइ लः दुहाँवंगु धाःगु दु।

थ्वयान्ह्यः उगु खानी दुने १३म्ह तनाच्वंगु अनुमान याःगु खः । खानीदुने लाःपिं मजदुर दुथासं लः लिकाःगु दु।

खानी मजदुरया शव लिकाय्गु वलय् उद्धारकःमिपिन्सं टनेलदुने तःधंगु ल्याखय् यूज, डेटोनेर व विस्फोटक पदार्थ दूगुलिं उद्धार ज्याय् पंगु ब्वलनाच्वंगु धाःगु दु।

कोरोना भाइरसया निगुगु लहर सङ्क्रमणया कारण भारतय् ७ सय ३० म्ह डाक्टरपिन्स ज्यान गुमे याःगु दु।

भारतया मेडिकल एसोसिएशनया कथं निगुगु लहरय् जक ७ सय ३० म्ह डाक्टरपि सीगु दु धका धागु दु।

दकलय अप्वो बिहारय् १ सय १५ डाक्टरपि सीगु दु सा दिल्लीइ १०९ डाक्टर म्ह सीगु दु। अथेहे उत्तर प्रदेशय् ७९ म्ह, पश्चिम बङ्गालय् ६२म्ह, राजस्थानय् ४३म्ह, झारखण्डय् ३९ म्ह व आन्ध्र प्रदेशय् ३८ म्ह डाक्टरपि मदुगु दु धका मेडिकल एसोसिएशनं धागु दु।

अथेहे कोरोना सङ्क्रमण न आः कम जुया वनाच्वंगु दु। वःगु २४ घण्टाय् भारतमा ६७ हजार १०४ म्ह सङ्क्रमितपि थपे जुगु दु। १ लाख ३ हजार स्वया अप्वो कोरोनामुक्त जुगु दु।

अथेतु, वःगु २४ घण्टाय् १ हजार ४ सय सङ्क्रमितपिनिगु ज्यान वःगु दु। भारतय् सङ्क्रमित व ज्यान गुमेयापि न म्हो जुयावंगु दु।

भारतय् कोरोना भाइरस (कोभिड–१९) या डेल्टा भेरियन्टया म्युटेसन खने दुगु दु।

भारतय् म्हिगः मंगलवाः औपचारिक रुपं डेल्टा भेरियन्टया म्युटेसन (बी.१.६१७.२.१) खनेदत धका धागु खः। डेल्टा भेरियन्ट दकलय् न्हापा भारतय् खने दुगु खः।

मंगलवाः कोभिड–१९ खोप अभियानया विषय दयकूगु विशेषज्ञ समूहया प्रमुख भीके पालं धागु दु, ‘कोरोना भेरियन्टया न्हुगु म्युटेसन खनेदुगु खः।

तर, आः हे ग्याय् मागु छु न कारण मदु। जिमिके थुकिया विषय यक्को जानकारी मदु। आः थुकिया विषय जिमिसं अध्ययन याना च्वनागु दु। भारतय् थुगु संक्रमणया विषय न अध्ययन जुयाच्वंगु दु

’डाक्टर पालं धागु दु, ‘म्युटेसन छगु जैविक तथ्य खः। झीसं रोकथामया लागि माःगु सतर्कता पालना यायेमाः। झीसं थुगु ल्वय् फैलै जुइगु अवसर बिइ मज्यु।’