Display Style:
Column Style
जर्ज फ्लोडयात स्याम्ह डेरेकयात २२दँ जेल सजायँ
लहानान्युज | बछलागा ११४१ द्वितिया, असार १२ शनिबाः
वंगु दँय् अमेरिकाया मिनियापोलिस सतकय् जर्ज फ्लोडयात स्याम्ह पुलाम्ह प्रहरी डेरेक चौविनयात २२दँया जेल सजायँ बिउगु दु।
लोड सिइधुंका प्रहरीं हाकुपिन्त क्रुरता व दमन याःगु धासें तच्वयेक ब्वज्या जूगु खः । न्यायाधीश पीटर काहिलं थ्व सजाय भावना व जनमतया लिधंसाय् मजूगु धाल।
२२गू पेजया तःहागु पैmसलाय् न्यायाधीशं चौविनं भलसा व अख्तियारया दुरुपयोग याःगु कारण कठोर सजायया भागिदार जुइमाःगु जिकिर यानादिल ।
अमेरिकाया फ्लोरिडा राज्य छखा छेँ दुनं
लहानान्युज | बछलागा पारु ११४१, असार ११ शुक्रवाः
अमेरिकाया फ्लोरिडा राज्य मयामी सहर नाप छगु १२ तले भवन भत्के जुया दर्जनौं सम्पर्कविहीन जुगु। घटनास्थलय् छम्ह सीगु दु।
भवन भत्के जुगु थाय् गुलि मनू दु सिगु मदुनि। मयामीया उत्तरय् लागु थाय् सर्फसाइड क्षेत्रय् भवन सन् १९८० य् दयकेता तःगु खः। उगु छेँ २३० गु फ्ल्याट दु। उकि मध्ये बच्छि मल्याक दुगुं दु धका बीबीसीं धागु दु।
फ्लोरिडा राज्यया गभर्नर रन डिसेन्टिसं क्षति यक्कोजुगु धका अनुमान यागु दु।
३५ म्हेसित घटनास्थलपाखे उद्धार यागु दु सा गुलिसितउपचारया लागि अस्पताल छ्वःगु दु धका अधिकारीपिन्स धागु दु।
अमेरिकां इरान सरकारलिसे सम्बद्ध वेवसाइटय् प्रतिबन्ध
बछलाथ्व पुन्हि ११४१, असार १० बिहीवाः
अमेरिकां इरान सरकारलिसे सम्बद्ध ३ गू दर्जन सिवे आपा बुखँ वेवसाइटय् प्रतिबन्ध तःगु दु ।
इरानया राष्ट्रपति पदय् इब्राहिम राइसी निर्वाचित जुइधुंका अमेरिका व इरान दथुइ कुटनैतिक स्वापूतिइ टकराव अप्वयावंगु नापं अमेरिकां थुगु पलाः न्ह्याकुगु खः ।
प्रतिबन्ध तःगु वेवसाइटतयेसं इरानया ज्यापहःया प्रचार जक याःगु धासें प्रतिबन्ध तःगु अमेरिकाया दावी दु । न्हूम्ह निर्वाचित राष्ट्रपति इब्राहिम राइसीं तेहरानलिसेया आणविक ज्याझ्वया खँय् जुइत्यंगु वार्ता बहिष्कार यायेधुंका इरानलिसे अमेरिका असन्तुष्ट जूगु खः ।
संयुक्त राष्ट्रसंघं जलवायु हिउपा सम्बन्धी गोप्य प्रतिवदेन सार्वजनिक
बछलाथ्व पुन्हि ११४१, असार १० बिहीवाः
संयुक्त राष्ट्रसंघं हरित ग्याँस उत्सर्जनयात व्यवस्थित याये मफूसा वइगु दशकय् मानव जातियात तःधंगु क्षति जुइ फइगु ख्याच्वः बिउगु दु ।
समाचार संस्था रायटर्सं थौं कन्हय् सार्वजनिक याःगु संयक्त राष्ट्रसंघया अप्रकाशित छगू गोप्य प्रतिवदेनय् वइगु दशकय् मावव जातिं थःगु हे ज्यापहःया हुनिं घातक समस्या फयेमालिगिु उल्लेख यानातःगु दु ।
जलयायू हिउपा सम्बन्धी राष्ट्रसंघीय अन्तर सरकारी प्यानल (आईपीसीसीं तयार याःगु उगु प्रतिवदेनय् दँय्दसं जलवायु हिउपाया हुनिं तःतःधंगु मानवीय क्षति जुयावःगु उल्लेख यानातःगु दु ।
जलवायू हिउपाया तच्वःगु प्रभावया हुनिं जीवजन्तु व वनस्पतिया थी थी प्रजाती लोप जुयावंगुु , पृथ्वीया तापमान अस्वभाविक कथं अप्वःगु, न्हूगु न्हूगु ल्वयेय्या संक्रमण, समुद्रया सतहलय् वृद्धि लिसेंया समस्या अप्वयावःगु अप्वःया वःगु धासें उगु प्रतिवेदनय् चिउता तक प्वंकुगु दु ।
वंगु दिंया तःधंगु जलवायू हिउपाया हुनिं वातावरणय् जुगु परिवर्तन व अप्वः धैथें प्रजातीया जीवजन्तुया विनाश मानव ज्यापहः हे कारक जूगु नं प्रतिवदेनं न्ह्यथंगु दु ।
कोरोना संक्रमितपि भारतय् ३ करोड स्वया अप्वो थ्यन
शोभा श्रेष्ठ | बछलाथ्व चतुर्दशी ११४१,असार ९ मंगलवाः
भारतय् कोरोना संक्रमितपि ३ करोड स्वया अप्वो थ्यंगु दु। वंगु २४ घण्टाय् ५० हजार ८४८ म्ह संक्रमित थपे जुगु दु ।
थ्व नाप संक्रमित जूपि ३ करोड २८ हजार ७०९ म्ह थ्यंगु दु धका भारतीय सञ्चारमाध्यमं धागु दु। अथेहे, भारतय् आः तक २ करोड ८९ लाख ९४ हजार स्वया अप्वो संक्रमणमुक्त जुइ धुकुगु दु।
अथेहे वंगु २४ घण्टाय् थप १३ सय ५८ म्हेसिगु ज्यान वंगु दु । कोरोनाया कारण ज्यान गुमेयापि ३ लाख ९० हजार म्ह थ्यंगु दु। भारतय् आःतक ६ लाख ४३ हजार स्वया अप्वो सक्रिय संक्रमितपि दु।
