दिल्लीया मुख्यमन्त्री अरविन्द केजरीवालं दिल्लीइ थप छवाःया लागि लकडाउन थपे यायेगु निर्णय यागु खः।

मुख्यमन्त्री केजरीवालं थुगु पटकया लकडाउन थप कडा याययगु धका धागु दु। लकडाउन स्वया न्ह्यः कोरोना संक्रमण जूपि ३५ प्रतिशत दुगु खःसा आः घटे जुया २३ प्रतिशतय् क्वहावंगु दु धका धागु खः ।

केजरीवालं लकडाउन ताहाकेगु रहर मखु बाध्यता खः धका धयादीगु खः। सोमवाः निसे दिल्लीइ मेट्रो रेल चले जुगु मदुनि। आः यागु लकडाउन १७ मे तक जारी जुइ ।

वंगु अप्रिल १९ य् केजरीवालं खुन्हु जक लकडाउनया घोषणा यागु खः । वया लिपा लकडाउन मे ३ व मे १० य् याना निक तक थपे यागु खः ।

अन्तरिक्षय् अनियन्त्रित जूगु चिनियाँ रकेटया भग्नावशेष हिन्द महासागरय् कुतु वगु दु ।

२१ टन क्षमताया लङ मार्च फाइभ बी रकेटया भग्नावशेष यागु  मुख्य भाग माल्दिभ्सया पश्चिमपाखे हिन्द महासागरय् कुतु वंगु दु धका बीबीसीं धागु दु ।

थ्व स्वया न्ह्यः रकेटया भग्नावशेष भूमध्यसागर वा साउथ प्यासिफिकय् कुतू वनिइगु  अनुमान यागु खः। तर हिन्द महासागरय् कुतु वंगु धका चिनियाँ अधिकारीपिन्त बीबीसीं धागु दु ।

घटनाय् आःतक मानवीय क्षति मजू धका जानकारी वंगु दु। भग्नावशेषया यक्को भाग धासा पृथ्वीया वायुमण्डलय प्रवेश जुइवं हे नष्ट जूगु धका चिनियाँ अन्तरिक्ष एजेन्सीं धागु दु।

सन् १९९० थुखे १० टन स्वया अप्वो बढी तौल दुगु छु न वस्तु पृथ्वीपाखे कुतु वंगु थ्व हे न्हापागु पटक खः । थुगु रकेटयात चीनं अन्तरिक्षय् न्हुगु स्टेशन दयकेत प्रक्षेपण यागु खः ।

भारतय् वंगु २४ घण्टाय् जक कोरोना सङ्क्रमणं प्यद्धः स्वया अप्वोसिगु ज्यान वंगु दु ।

महामारीया निक्वंगु लहरं याना भारतय् छन्हु हे ४१३३ म्हेसिगु ज्यान वंगु दु धका भारतया स्वास्थ्य मन्त्रालयं धागु दु ।

अथेहे वंगु २४ घण्टाया दुने प्यंगु लाख स्वया अप्वोसित कोरोना सङ्क्रमण पुष्टि जुगु दु। आःतक निगु करोड २२ लाख ९५ हजार वया अप्वोसित कोरोना सङ्क्रमण पुष्टि जुइ धुकुगु दु ।

भारतय् आःतक निगु लाख ४२ हजार ३९८ म्हेसिगु ज्यान वने धुकुगु दु। छगु करोड ८३ लाख वया अप्वोसित कोरोना सङ्क्रमण पुष्टि जुइ धुकुगु दु ।

भारतय् आःतक ३० करोड चार लाख स्वयासिगु पीसीआर परीक्षण याये धुकुगु दु ।