Display Style:
Column Style
बेलायतं तल भारतयात रेड लिष्टय्
चौलाथ्व अष्टमी, ११४१, वैशाख ७ मंगलबाः
बेलायतं कोरोना संक्रमण तच्वःगु गतिइ दुगु भारतयात रेड लिष्टय् तयाः भारतीय नागरिकयात बेलायत प्रवेशय् रोक तःगु दु ।
बेलायती नागरिकया हकय् भारतं बेलायत लिहांवःपिं नागरिकत धाःसा अनिवार्य १० न्हु क्वारेन्टिनय् च्वनेमाःगु नियम लागु याःगु दु । बेलायतया स्वास्थ्यमन्त्री मैट हैकाकं भारतं बेलायत प्रवेश याःपिंमध्ये सच्छि व ३ म्हेसिके कोरानाया न्हूगु भेरिएन्ट पुष्टी जूगु धासें थज्याःगु नियम लागु जूगु जानकारी बियादिल ।
भारतं बेलायत दुहांवःपिं नागरिकतय्के खनेदुगु कोरोनााय न्हूगु भेरिएन्टबारे बेलायती वैज्ञानिकतय्सं अनुसन्धान न्ह्याकूगु दु । थ्व हे दथुइ, बेलायती प्रधानमन्त्री बोरिस जोन्सनया भारत भ्रमण कोरोनाया हुनिं स्थगीत जूगु दु ।
बेलायतय् आः १ लख २७ द्वः २ सः स्वयां आपाः सीधुंकल । अन कोरोना संक्रमितया ल्याः ४३ लख ९० द्वः ७ सः स्वयां आपाः दु ।
चीनं उइगुर मुसलिमतयेत अमानविय व्यवहार याःगु ह्यमन राइट वाचया द्वपं
चौलाथ्व अष्टमी, ११४१, वैशाख ७ मंगलबाः
चीनयात थःगु देशय् दुपिं अल्पसंख्यक उइगुर मुसलिमतय्त मानवताविरोधी व्यवहार याःगु द्वपं लाःगु दु ।
ह्युमन राइट वाचं थौंकन्हय् तिनि सार्वजनिक याःगु प्रतिवेदन कथं उत्तरपश्चिम चीनया सिन्ज्या प्रान्तय् दुपिं उइगुर मुसलिमतय्त राज्य पक्षं हे थीथी कथंया हिंसा याःगु दु ।
चीनं उइगुर व मेपिं मुसलिमतय्त मानवताविरोधी आपराधिक ज्याखँ याःगु उगु प्रतिवेदनं न्ह्यथंगु दु । अल्पसंख्यकतय्त सामुहिक रुपं हिरासतय् कायेगु, यातना बीगु, सांस्कृतिक उत्पीडन यायेगु, यौन हिंसा व वंश हे नास जुइगु अमानविय ज्याखँ याःगु प्रतिवेदनय् धयातःगु दु ।
५३ पौ ताःहाकःगु प्रतिवदेनय् चीन सरकारं अल्पसंख्यकतय्गु संरक्षण स्वयां वंश विनाशया लागिं मानवताविरोधी ज्याखँ याःगु द्वपं ब्यूगु अन्तर्राष्ट्रिय समाचार संस्थातय्सं न्ह्यथंगु द । बलपूर्वक बेपत्ता यायेगु, परिवारलिसे फायाबीगु व थाकूगु शारिरीक श्रम याकेगु लिसेंया अमानविय ज्याखँ याःगु प्रतिवेदनय् न्ह्यथनातःगु दु ।
सन् २०१७ निसें चीनं थःगु नीति क्वात्तुकुसें अल्पसंख्यकतय्त निगरानी अप्वयेकाः नियन्त्रणय् कयाः श्रम कारवाही यानावःगु धाःगु दु । अथे हे, अल्पसंख्यक मुसलिमतय् बाहुल्य दुगु क्षेत्रय् चीनं मस्जिद तोडफोड यायेगु लिसेंया ज्या याःगु नं प्रतिवदनय् धयातःगु दु ।
अलेक्सी नाभाल्नी स्वास्थ्यया खँय् विश्व समुदायया चिउता
लहानान्युज | चौलाथ्व सप्तमी ११४१,बैसाख ६ सोमवाः
अमेरिकां रसियाया विपक्षी नेता अलेक्सी नाभाल्नी जेलय् हे सीसा उकिया गंभीर लिच्वः फयेमालिगु ख्याच्वः बिउगु दु ।
चिकित्सकं वासः यायेगुलिइ ध्यान मबिउसा नाभाल्नी छुं दिं दुने हे सिइफइगु खतरा न्ह्यथनेधुंका अमेरिकां थुकथं ख्याच्वः बिउगु खः । अमेरिकाया राष्ट्रिय सुरक्षा सल्लाहाकार जेक सुलिभानं नाभाल्नीया वासः यायेगुलिइ रसियायात विश्व समुदायं जवाफदेही दयेकिगु धयादील ।
थ्वयान्ह्यः अमेरिकी राष्ट्रपति जो बाइडनं नाभाल्नीया वासः जुयाच्वंगु पूवंक मखू कथं व अनुचित जूगु धयादीगु खः । बेलायत, फ्रान्स, जर्मनी र यूरोपियन यूनियनं नं नाभाल्नीया वासः यायेगुलिइ चिउता प्वंकुगु दु ।
तर बेलायतया नितिं रसियाया राजदूतं धाःसा नाभाल्नीं थःपाखे ध्यान सालेत स्वःगु धका वयेकयात जेलय् हे सिइके मबिइगु धाःगु दु । न्हापाया जेल सजायया इलय् तःगु शर्तत हाचांगाःगु धका मस्कोया छगू अदालतं राष्ट्रपति भ्लादिमिर पुटिनया कट्टर आलोचक नाभाल्नीयात फेब्रुअरीइ ३दँ त्याया जेल सजाय न्यंकुगु खः ।
नाभाल्नी पायेछि वासः यायेगुया माग याना वंगु १९ न्हू निसें भोक हड्तालय् दी । नाभाल्नीया हि परिक्षणं वयेकयाके नुगः स्येँ व जलाःस्येँया समस्यां छुं नं ईलय् खनेदयेफइगु वयेकया निजी चिकित्सकं धाःगु दु । रसियाया कारागार प्रशासनं धाःसा नाभाल्नी सरकारी चिकित्सकया उपचार अस्वीकार याःगु न्ह्यथंगु दु ।
वंगु अगस्टय् घातक विष हताःलय् लाम्ह ४४ दँया नभाल्नी जर्मनीइ वासः याना स्वदेश लिहाँवयाच्वंबलय् विमानस्थलं प्रहरीं ज्वंगु खः । नाभाल्नी ज्वनेधुंका रसियाया थी थी शहरय् तच्वकं विरोध ब्वज्या जूगु खः । राष्ट्रपति पुटिनया निर्देशनय् थःपिन्त विष नकूगु नाभाल्नीया द्वपंयात क्रेमलिं धाःसा अस्वीकार याःगु दु ।
भारतय् छन्हु निगु लाख ३४ हजार स्वया अप्वोसित कोरोना सक्रमित
लहनान्युज | चौलाथ्व पंचमी ११४१,बैसाख सनिवाः
भारतय् छन्हु हे कोरोना भाइरसपाखे निगु लाख ३४ हजार स्वया अप्वो मनूूतपि सङ्क्रमित जुगु दु।
छन्हु थुुलि यक्को सङ्क्रमित जुगु थ्व हे न्हापागु पटक खः धका अनया अधिकारीपिन्स धाःगु दु।
अनया अधिकारीपिनिगु कथं लिपागु २४ घण्टाय् भारतय् कोरोनाया कारण जक १३ सय स्वया अप्वो मनूत सी धुकुगु दु । भारतया केन्द्रीय स्वास्थ्य तथा परिवार कल्याण मन्त्रालयं सार्वजनिक याःगु लिपागु तथ्याङ्क कथं छन्हु हे १३४१ म्हेसिगु ज्यान वःगु धका उल्लेख याःगु दु।
थ्व नाप आःतक कोरोनाया कारण सीपि छगु लाख ७५ हजार ६४९ म्ह थ्यःगु दु धका मन्त्रालयं धाःगु दु। लिपागु २४ घण्टाय् निगु लाख ३४ हजार ६९२ म्ह सङ्क्रमित जुगु खः। थ्व नाप आःतक सङ्क्रमितपि छगु करोड ४५ लाख २६ हजार ६०९ म्ह थ्यःगु दु ।
मन्त्रालयया कथं लिपागु २४ घण्टाय् जक छगु लाख २३ हजार ३५४ म्ह कोरोना भाइरसया सङ्क्रमणमुक्त जुगु दु।
भारतय् संक्रमित दर न्हियान्हिथं अप्वःल
लहनान्यूज | चौलाथ्व पञ्चमी ११४१, वैशाख ४ शनिबाः
भारतय् न्हियान्हिथं २गु लख मल्याक कोरोना भाइरसया संक्रमित थप जूगु दु ।
लिपांगु २४घौदुने २गु लख ३३द्व ९सः व ४३म्ह न्हूपिं संक्रमित थप जूगु भारतीय सञ्चार माध्यमं धागु दु ।
कुल संक्रमित ल्याया लिधंसाय् निगूगु थासय् दुगु भारतय् कोरोना संक्रमितया ल्या छगु कोती ४५गु लख २१द्व ६सः व ८३म्ह थ्यंगु दु । संक्रमितमध्ये छगु कोती २६गु लख ६६द्व ८सः व ८९म्ह संक्रमणमुक्त जूगु दु ।
१६गु लख ७९द्व सछि व २१म्ह सक्रिय संक्रमित दु ।
