Display Style:
Column Style
औद्योगीक देय्पिनिगु सम्मेलन जुइगु
सिल्लाथ्व चतुर्दशी ११४१, फागुन १४ शुक्रवाः
हलिंया २०गू औद्योगिक देय्पिन्सं विकाशन्मुख देय्पिनिगु आर्थिक पुनरुत्थानय् ग्वःहालि यायेत सहलह याइगु जूगु दु ।
इटालीया मध्यस्थताय् थौं भिडियो कन्फरेन्सपाखें कोभिडपाखें वःगु थीथी पंगःया विषयस सहलह यायेत्यंगु खः ।
कोभिड–१९ या हुनिं विश्व अर्थतन्त्रय् लाःगु असर व खोप अभावया हुनिं कोभिडया संक्रमण अप्वेकाच्वंगु देय्तय्त ग्वःहालि यायेगु बारे सहलह जुइगु धाःगु दु ।
थ्वसिबें न्ह्यः म्हिगः अमेरिकी प्रशासनं तमिंपिं जी २० देय्त न्ह्यःने क्वात्तुगु, संगठनात्मक खोप अभियान न्ह्याकेत आग्रह याःगु खः ।
अमेरिकी अर्थमन्त्री जानेट येलेनं जी २० या अर्थमन्त्रीपिन्त छगू पत्र च्वयाः खोपया पहुँच म्हो आय दूगु देय्तयेत थ्यंकेमाःगु धयादिल ।
अन देशय् अप्वः सर्वसाधारणपिनिगु मृत्यु जुइगु व आर्थिक कथं बाँलाइगु न बुलुंहु जुइगु धासें च्यूता प्वंकादिल ।
आः तकया हे दकले अप्वः प्रभावकारी खोप जोन्सन एण्ड जोन्सनं पिकाल
लहनान्यूज | सिल्लाथ्व त्रयोदशी ११४१, फागुन १३ बिहीवाः
अमेरिकाया फुड एण्ड ड्रग एड्मिनिस्ट्रेसन (एफडीए) या विशेषज्ञपिन्सं जोन्सन एण्ड जोन्सनं विकास याःगु कोरोना भाइरस विरुद्धया खोप आःतकया खोपसियां अप्वः सुरक्षित व प्रभावकारी खनेदूगु धाःगु दु ।
एफडीएं बुधबाः न्ह्यथंगु विवरणकथं विशेषपिनिया पुचलं उगु खोप अमेरिकाय् आपतकालिन छ्यलेज्याया नितिं मन्जुरी बिइत सिफारिस याःगु खः ।
जोन्सन एण्ड जोन्सन कम्पनीं थःपिन्सं विकास यानागु खोपं लक्षण खनेमदयेक जूइगु संक्रमणया कजय् कायेत तसकं प्रभावकारी जूगु धाःगु दु । कम्पनीया खोप ८८ प्रतिशत तक्क प्रभाकारी खनेदूगु नं धाःगु दु ।
थ्व खोप कोरोनाया न्हूगु प्रकार भेरियन्ट यात कजय् कायेत धाःसा ६६ प्रतिशत जक प्रभावकारी जूगु धाल । मानव परीक्षणया झ्वलय् खोपया प्रभावकारिता थी थी देशय् अलग अलग खनेदूगु खः ।
थ्वसिबें न्ह्यः जोन्सन एण्ड जोन्सनं खोपया प्रभावकारीताया बारे गुगुन कथंया विवरण सार्वजनिक याःगु मदुनि ।
अष्ट्रेलियाय् बुखँ शेयर यायेत फेसबुक व गुगलं ध्येबा पुलेमाल
सिल्लाथ्व त्रयोदशी ११४१, फागुन १३ बिहीवाः
फेरबुक व गुगलं थःग्ु प्लेटफर्मं बुँख शेयर यायेत ध्येबा पुलमाःगु कानून अष्ट्रेलियाय् पारित याःगु दु ।
उगु कानून अष्ट्रेलियाया च्वयेया सदनं पारित याःगु खः । थुकिया विरोध अमेरिकां धाःसा कडा रुपं याःगु दु ।
वंगु वाःलय् फेरबुकं थःगु प्लेटर्फमय् अष्ट्रेलियाया फेसबुकय् बुँख सेयर यायेत प्रतिबन्ध तःगु खः ।
तर थ्वहे वाःलय् सरकारया प्रतिनिधिपिंलिसे सहलह याना फेसबुकं थःगु क्वछिना लितकाःगु खः ।
थ्वःहे सहलहया लिधंसाय् सरकारं क्वयेया सदनं न्ह्यब्वःगु प्रस्तावित कानूनय् संशोधन याःगु खः । छुं विषयलय् निगू कम्पनीतयेत न्हूगू कानूनपाखें छुं राहत दइगु प्रावधान तःगु खः ।
तर निगूलीं कम्पनीतय्त अष्ट्रेलियाया तःधंगु प्रकाशकपिन्त ध्येबा बिइत प्रतिबद्ध याःगु खः ।
थ्वः कानून दयेकूगु अष्ट्रेलियाय् दकले न्हापांगु देय् जूगु दु । अष्ट्रेलियाया कानूनय् सूचं प्रविधि सम्बन्धी कम्पनीपिन्सं बुँखया निति ध्येबा पुलमाःगु धाःसां गुलि ध्येबा पुलेगु धाःसा आःतकं नं सीमदूनि ।
अफगानिस्तान सरकार व पश्चिमा दे्य्तयेसं याःगु सम्झौता पालना मयाःगु तालिवानया द्वपं
सिल्लाथ्व त्रयोदशी ११४१, फागुन १३ बिहीवाः
तालिवानी लडाकूपिन्सं अफगानिस्तान सरकार व पश्चिमा दे्य्तयेसं थगुने याःगु सम्झौताया पालना मयाःगु द्वपं बिउगु दु ।
तालिवानया राजनीतिक ज्याकुया छम्ह अधिकारीं अन्तर अफगान वार्ता न्ह्यागु ३ला दुने तालिवानी कैदीतयेत त्वःतेमाःगु सहमति पालना मजूगु न्ह्यथंगु खः ।
तर अफगान सरकारं शान्ति वार्ता न्ह्यागु ३ला बिइधुंका नं थःपिनि कैदीबन्दी मत्वःतूगु धका तालिवानीं आपत्ति न्ह्यथंगु खः ।
पूर्व निर्धारित ई सिवें छुं लिबाक्क वार्ता न्ह्यागु व उगु हे इलय् अमेरिकी नेतृत्व हिलेज्या जूसा नं अफगानिस्तानया सशस्त्र पुचःलं सरकारलिसे वार्ता न्ह्याकुगु खः ।
तर सरकारी पक्षं वार्ता न्ह्यः जूगु सहमति पालनाय् इमान्दारिता मक्यंगु धका तालिवानीं वार्ताप्रति हे आशंका प्वंकुगु खः ।
तालिवानी लडाकुपिन्सं अफगानिस्तानय् ल्यं दूपिं अमेरिकी सेना लितछ्वयेत लिबाकुगुलिइ नं चिउता प्वंकुगु अलजजिरां न्ह्यथंगु दु ।
अमेरिकाया न्हूम्ह निर्वाचित राष्ट्रपति जो वाइडेनं अफगानिस्तानलिसे जूगु सम्झौताया समीक्षा यायेगु धाःसा नं पूर्वसर्त पालना मजूगुलिं आशंका ब्वलंगु तालिवानी लडाकूया उच्च अधिकारीपिन्सं न्ह्यथंगु दु ।
जेफ बेजोस हाकनं हलिंयाम्ह दकले तःमिम्ह
सिल्लाथ्व द्धादशी ११४१, फागुन १२ बुधवाः
अनलाइन सपिङ प्लेटफर्म अमेजनया संस्थापक जेफ बेजोस हाकनं छक्व हलिंया हे दकले तःमिम्ह जुईत ताःलागु दु ।
विद्युतीय कार निर्माता कम्पनी टेस्लाया मू कार्यकारी अधिकारी एलन मस्कयात ल्यूने लाकाः बेजोस थुगुसीया दकले तःमिम्ह मनु जुयादीगु खः ।
थ्वयान्ह्यः वंगु जनवरीइ जक बिद्दुतिय कार निर्माता कम्पनी टेस्लाया मू कार्यकारी अधिकृत एलन मस्क हलिंया दकले अप्वः तःमिम्ह जुयादीगु खः ।
लच्छिन्ह्यः टेस्लाया सेयरया मूलय् तसकं अप्वःगू हुनिं एलन मस्कया सम्पत्तिइ १ खर्ब ८५ अर्ब डलर थ्यंगु खः ।
तर एलन मस्कया सेयर मू कुहाँवसेंलि वय्क थुगुसी हलिंया तःमिम्ह मनूया धलःखय् निगूगु थासय् लाःगु खः ।
थुगुसी ऐलनया सम्पत्तिइ १५ बिलियन डलरं कुहाँवःगु खः । ब्लूमबर्ग बिलियनर्स इन्डेक्सया लिपांगु डाटा कथं बेजोस सच्छि व ८६गू बिलियन डलर सम्पत्तिलिसें न्हापांगु थासय् धलःखय् लिहाँवःगु खः ।
माइक्रोसफ्टया संस्थापक बिल गेट्स धाःसा १सच्छि व ३५गू बिलियन डलरलिसें स्वंगूगु थासय् लाःगु दु ।
