कोरोना भाइरस यक्को प्रभावित जुगु देशय् न्हुगु भेरियन्टया कारण नियन्त्रणय् समस्या वया च्वंगु दु ।

दकलय् अप्वो भारतय् हरेक दिं सङ्क्रमणपि अप्वोया वना च्वंगु दु । भारतय् वंगु २४ घण्टाय् जक ३ लाख ५४ हजार ५३१ म्हेसित सक्रमण जुगु दु ।

अथेहे २ हजार ८०६ म्हेसिगु ज्यान वंगु दु। भारतया महाराष्ट्र, नयाँ दिल्ली लगायत थासय् कोरोनाया निक्वंगु लहर सुरु जुइ धुकुगु दु । उगु थासय् सङ्क्रमित तयेगु बेड व अक्सिजनया अभाव जुगु दु ।

अथेहे कोरोनां यक्को प्रभावित देश फ्रान्सय् कोरोनाया स्वंगु लहरया शंका यागु दु।

अन कोरोना सङ्क्रमित अप्वोया वंगुलि फ्रान्सया राष्ट्रपति इम्यानुएल म्याक्रो न सङ्क्रमणया स्वंगु लहर सुरु जुगु शंका यानादीगु दु ।

फ्रान्सय् लिपागु २४ घण्टाय् जक साढे २४ हजार सङ्क्रमित थपे जुगु दु सा १४५ म्हेसिया ज्यान वंगु दु ।

भारतय् वंगु २४ घण्टाया दुने ३ लाख ४६ हजार ७८६ म्हेसित कोरोना संक्रमण पुष्टि जुगु दु।

विश्व स्वास्थ्य संगठनया तथ्यांक कथं २४ घण्टाया दुने २६२४ म्ह कोरोना संक्रमणं सीउगु दु ।

भारतय् आःतक कोरोनाया कारण ज्यान वंपिनिगु ल्याः १ लाख ८९ हजार ५४४ म्ह थ्यःगु दु। आःतक कोरोना संक्रमितपि १ करोड ६६ लाख १० हजार ४८१ म्ह थ्यःगु दु ।

भारतय् न्हापागु पटक छन्हुया दुने हे निगु लाख म्ह कोरोनामुक्त जुगु दु।

अथेहे भारतय् सङ्क्रमणया न न्हुगु रेकर्ड दयेका वयाच्वंगु दु । वंगु २४ घण्टाय् जक एक लाख ९२ हजार स्वया अप्वो कोरोनामुक्त जुगु धका भारतीय सञ्चारमाध्यमं धाःगु दु ।

थ्व नाप भारतय् एक करोड ८६ लाख स्वया अप्वो कोरोनामुक्त जुइ धुकुगु दु। अथेहे, वंगु स्वन्हुया दुने कोरोना १० लाख स्वया अप्वो सङ्क्रमितपि थपे जुगु दु।

अथेतु, स्वन्हुया दुने ६ हजार स्वया अप्वासिगु ज्यान वंगु दु । सक्रिय सङ्क्रमितपिनिगु ल्याः २५ लाख स्वया अप्वो थ्यंगु दु।

भारतय् वंगु २४ घण्टाय् जक तीन लाख ४५ हजार १४७ म्ह न्हुपि सङ्क्रमितपि थपे जुगु दु। अथेहे, २६२१ म्हेसिगु २४ घण्टाया दुने ज्यान वंगु दु ।

थ्व नाप आःतक सीपि १८ लाख ९ हजार स्वया अप्वो जुइ धुकुगु दु।

आःतक सङ्क्रमितपिनिगु ल्याः एक करोड ६६ लाख स्वया अप्वो थ्यने धुकुगु दु।