Display Style:
Column Style
मुख्यमन्त्री ममता बनर्जी भाजपाया नेता सुबेन्दु अधिकारीनाप पराजित
लहानान्युज | चौलागा अष्टमी ११४१,बैसाख २० सोमवाः
भारत पश्चिम बङ्गालया विधानसभा चुनावय् मुख्यमन्त्री ममता बनर्जी भारतीय जनता पार्टी भाजपाया नेता सुबेन्दु अधिकारीनाप पराजित जुगु दु।
नन्दीग्रामपाखे चुनावय् दंम्ह तृणमूल कंग्रेस टीएमजीया नेतृ बनर्जी भाजपाया नेता अधिकारीनाप १९५६ मतं पराजित जुगु धका बीबीसीं धागु दु ।
तर वयकलं भाजपा न धाँधली जुगु धासे अदालत वनेगु धका धागु दु। तृणमूल कंग्रेसय् च्वम्ह सुबेन्दु अधिकारी भाजपाय् प्रवेशयाम्हर नन्दीग्रामपाखे दनिइ धका निर्णय यायेवं मुख्यमन्त्री बनर्जी उगु थासय् दनिइगु निर्णय यागु खः ।
कोभिड वार्डय् मिंं नःबलय् म्होतिइ १५म्ह सीत
चौलागा पंचमी ११४१,बैसाख १८ सनिवाः
भारत गुजरातया भरुच शहरस्थित पटेल वेलफेयर अस्पतालया कोभिड वार्डय् मिंं नःबलय् म्होतिइ १५म्ह सीगु दु ।
सिपिंलय् म्होतिइ १२म्ह कोरोनाया विरामी दु । वंगु चान्हय् नःगु मि आईसीयु वार्ड तक्क न्यंगु खः । मिं नयेधुंका अस्पतालय् ब्वायेवनेगु जूगु खः ।
घटनालिपा ल्यं दूपिं बिरामीयात मेगु अस्पतालय् चिइकुगु अधिकारीतयेसं न्ह्यथंगु दु । अस्पतालया कोरोना वार्डय् ४९म्ह विरामी भर्ना जूगुलिइ २४म्ह आईसीयूलय् दूगु खः । मिं नःगुया हुनिं धाःसा ध्वाथूगु मदुनि ।
थ्वयान्ह्यः नं भारतया थी थी अस्पतालय् मिं नःबलय् कोरोना विरामी सीगु खः ।
अमेरिकां भारत यात्राय् प्रतिबन्ध तल
चौलागा पंचमी ११४१,बैसाख १८ सनिवाः
अमेरिकां भारतं जुइगु यात्राय् प्रतिबन्ध तःगु दु । भारतय् कोरोना महामारीं ग्यानापूगु अवस्था ब्वनलेधुंका अमेरिकां थुकथं निर्णय याःगु खः ।
अमेरिकी नागरिकया हकय् धाःसा थ्व प्रतिबन्ध लागु जुइमखु । ह्वाइट हाउसया प्रवक्ता जोन साकीं सेन्टर फर डिजिज कन्ट्रोल एण्ड प्रिभेन्सनया छ्यातालय् वइगु मंगबलाः निसें यात्रा प्रतिबन्ध लागू जुइगु जानकारी बियादील ।
प्रवक्ता साकीं भारतय् संक्रमितया ल्याः उच्च जुयावःगु व न्हूगु भाइरसया भेरियन्ट चिउताया विषय जूगु तकं धयादील ।
थ्वयान्ह्यः अमेरिकां १० गू लख डलर ज्वलिन्ज्वःया स्वास्थ्य ज्वलं भारत छ्वगु खः । महामारीया विकराल अबस्थाया हुनिं थी थी देशं भारतलिसेया यात्रा प्रतिबन्ध तयेधुंकुगु दु । बेलायतं भारतपाखें लिहाँवइपिन्त बाध्यकारी क्वारेन्टिनय् च्वनेमाःगु नियम लागू याःगु दु ।
लिपांगु ई भारतं कोरोना भाइरसया निगूगु घातक लहरयात फयाच्वंगु दु । अन न्हियान्हिथं संक्रमितया ल्याः ४गू लखया हाराहारीइ थ्यंगु दु । सीपिनि ल्याः नं अप्वयावनाच्वंगु दु ।
भारतीय टेलिभिजन पत्रकार रोहित सरदाना कोरोना संक्रमणं मन्त
लहानान्युज | चौलागा पंचमी ११४१,बैसाख १८ सनिवाः
भारतीय टेलिभिजन पत्रकार रोहित सरदाना ४२ दँय् कोरोना संक्रमणं मन्त।
कोरोना संक्रमण जुुया वासः याका च्वम्ह पत्रकार सरदाना शुक्रबाः मदुगु खः ।
अप्रिल २४ य् सरदानां ट्वीट यानाः थःयात कोरोना संक्रमण जूगु जानकारी बिगु खः।
छवाः न्ह्यः ज्वरो वया कोरोना नाप मिले जु लक्षण खनेदगुलि पीसीआर परीक्षण याःगु इलय् कोरोना पुष्टि जूगु खः ।
कोरोना संक्रमण जुसाः नं हृदयघातं मदुगु धकाः धयाच्वंगु दु।
भारतय् २४ घण्टाय् ३ लाख स्वया अप्वोसित कोरोना संक्रमण, ३४९८ म्ह मन्त
लहानान्युज | चौलागा पंचमी ११४१,बैसाख १८ सनिवाः
भारतय् वंगु २४ घण्टाया दुने ३ लाख ८६ हजार ४५२ म्हेसित कोरोना संक्रमण जुगु दु ।
विश्व स्वास्थ्य संगठनया तथ्यांक कथं लिपागु २४ घण्टाया दुने भारतय् ३ हजार ४९८ म्ह कोरोना संक्रमितपि सीउगु दु। भारतय् थथे छक्वल कोरोना सीपिनिगु ल्याः अप्वोगु थ्व हे न्हापागु पटक खः ।
भारतय् आःतक २ लाख ८ हजार ३३० म्ह सी धुकुगु दु । अथेहे आःतक छगु करोड ८७ लाख ६२ हजार ९७६ म्ह कोरोना संक्रमण जुइ धुकुगु दु ।
