Display Style:
Column Style
कोरोना सीपि १६ लाख स्वया अप्वोल
रमित | थिंलाथ्व पारु ११४१, मंसिर २० मंगलवाः
कोरोना संक्रमणया कारण विश्वन्यक सीपि १६ लाख स्वया अप्वो जुइ धुकुगु दु।
विश्व स्वास्थ्य संगठनया तथ्यांक कथं आःतक १६ लाख ८ हजार ६४८ म्हेसित कोरोना संक्रमितपि सी धुकुगु दु ।
वःगु २४ घण्टाय् जक ८ हजार ७२६ म्ह कोरोना संक्रमितपि सी धुकुगु दु।
उगु हे इलय् ५ लाख ७४ हजार ९६९ म्ह कोरोना संक्रमितपि थपे जूगु दु।
अमेरिकाय् छन्हु हे निगु लाख स्वया अप्वोसित सक्रमण
लहानान्युज | कछलागा त्रयोदशी ११४१, मंसिर २७ सनिवाः
अमेरिकाय् कोरोना संक्रमणया कारण वःगु २४ घण्टाय् आःतक हे दकलय् अप्वोसित संक्रमण पुष्टि जूगु दु।
विश्व स्वास्थ्य संगठनया तथ्यांक कथं वःगु २४ घण्टाय् जक हे आःतकया हे दकलय् अप्वो २ लाख ३० हजार ८५२ म्हेसित संक्रमण पुष्टि जूगु दु।
अमेरिकाय् कोरोना संक्रमितपि १ करोड ५२ लाख ३२०८ म्ह थ्यःगु दु।
तथ्यांक कथं वःगु २४ घण्टाया दुने ३ हजार ३९० म्ह कोरोना संक्रमित सीगु दु। अमेरिकाय् कोरोनाया कारण सीपि २ लाख ८७ हजार ३८४ ह थ्यःगु दु
।
बिश्वन्यकं कोराना सीपि १५ लाख स्वया अप्वोल
लहानान्युज | कछलागा दशमी ११४१, मंसिर २५ बिहीवाः
वःगु २४ घण्टाया दुने विश्वन्यकं १० हजार स्वया अप्वो कोरोना संक्रमितपिनिगु ज्यान वःगु दु।
विश्व स्वास्थ्य संगठनया कथं वःगु २४ घण्टाया दुने १० हजार १३२ म्ह संक्रमितपि सीगु दु ।
उगु हे इलय् ५ लाख ४६ हजार ७०३ म्ह संक्रमितपि थपे जूगु दु।
संगठनया कथं आःतक १५ लाख ५१ हजार २१४ म्ह कोरोना संक्रमितपि सी धुकुगु दु।
भारतय् रहस्यमय् ल्वय् पिहावल
लहानान्युज | कछलागा दशमी ११४१, मंसिर २५ बिहीवाः
शनिवाः व आइतवाः भारतया आन्ध्र प्रदेशय् छक्वल रहस्यमयी ल्वचं ५०० स्वया अप्वो मनूत अस्पताल भर्ना याये माःगु धका भारतीय स्वास्थ्य अधिकारीपिन्स धाःगु दु। उगु घटनाया अनुसन्धान सुरु जुइ धुकुगु दु। थुगु ल्वय् अप्वो धइथे बिरामी तयेगु हिं ‘लिड व निकेल’ धातु खने दुगु धका धाःगु दुु।
थुगु ल्वय् जूपिन्त वाकवाकी वइगु, मिखाय् समस्या, दिमागय् झट्का बिइगु व बेहोस तक जुइगु लक्षण खनेदुगु दु। प्रदेशया मुख्य मन्त्री धाःगु कथं ‘अल इन्डिया इन्स्टिच्युट अफ मेडिकल साइन्सेस, एम्स’ नं सञ्चालन याःगु अनुसन्धानया प्रारम्भिक लिच्वः कथं बिरामीपिनिगु हिं स्याम्पलया लिड व निकेलया निशान पिहावःगु दु धका धाःगु दु ।
थ्व नाप सम्बन्धी ‘इन्डियन इन्स्टिच्युट अफ केमिकल टेक्नोलोजी’, आइआइसीटी न थीथी अध्ययन नाप परीक्षण याना वयाच्वंगुलि धाःसा रिपोर्ट मवःनि। दिल्लीया एम्स टोलीं सच्छि स्वया अप्वोसिगु हिंया स्याम्पल परीक्षण याःगुलि उगु धातु खने दुगु धका धाःगु दु । मेगु २१ म्हेसिगु स्याम्पल हाकन दिल्ली यकां परीक्षण याःगु दु।
बाइडेनं १०० दिं दुने १० करोड नागरिकयात कोरोना खोप बिइगु
लहानान्युज | कछलागा नवमी ११४१, मंसिर २४ बुधवाः
अमेरिकाया नवनिर्वाचित राष्ट्रपति जो बाइडेन नं थःगु कार्यकालया न्हापांगु १०० दिं दुने १० करोड नागरिकयात कोरोना खोप लगे यायेगु जुइ धका धयादीगु दु।
मंगलवाः डेलावरय् ग्वसाः ग्वःगु पत्रकार सम्मेलनय् स्वास्थ्यमन्त्रीया नां सार्वजनिक यानादीसे वयकलं थःगु कार्यकालया १०० दिं दुने कोभिड–१९ अन्त्य मजुसा महामारीया कोर्सय् ह्यूपाः हयेफइ धका दाबी यानादीगु खः।
बाइडनं अमेरिकीयात ‘१०० दिं तक मास्क लगे तयेत’ इनाप यानादीगु दु।
मङ्गलवाः हे अमेरिकी नियामक नं फाइजरर बायोएनटेकया खोप ९५ प्रतिसत तक प्रभावकारी जुग पुष्टि याःगु दु।उकि उगु खोप आपत्कालिन छ्यलेय्गु लागि स्वीकृति बिइगु लँ चाःगु दु।
मचापिन्त हाकन विद्यालय लित हयेगु थःगु प्राथमिकताय् दुगु धका वयलं धयादीसे अमेरिकाय् तधःगु खोप अभियान गये याना सञ्चालन हय् फइगु धइगु धाःसा विस्तृत जानकारी बिया मदीइ।
बाइडेनं स्वास्थ्य मन्त्रीया रुपय् क्यालिफोर्नियाया महान्यायाधिवक्ता जेभियर बेकेरा व रोग नियन्त्रण तथा रोकथाम केन्द्र (सिडिसी) या प्रमुखय् रोचेल वालेन्स्कीयात ल्यःगु दु।
