Display Style:
Column Style
अष्ट्रेलियाय् बुखँ शेयर यायेत फेसबुक व गुगलं ध्येबा पुलेमाल
सिल्लाथ्व त्रयोदशी ११४१, फागुन १३ बिहीवाः
फेरबुक व गुगलं थःग्ु प्लेटफर्मं बुँख शेयर यायेत ध्येबा पुलमाःगु कानून अष्ट्रेलियाय् पारित याःगु दु ।
उगु कानून अष्ट्रेलियाया च्वयेया सदनं पारित याःगु खः । थुकिया विरोध अमेरिकां धाःसा कडा रुपं याःगु दु ।
वंगु वाःलय् फेरबुकं थःगु प्लेटर्फमय् अष्ट्रेलियाया फेसबुकय् बुँख सेयर यायेत प्रतिबन्ध तःगु खः ।
तर थ्वहे वाःलय् सरकारया प्रतिनिधिपिंलिसे सहलह याना फेसबुकं थःगु क्वछिना लितकाःगु खः ।
थ्वःहे सहलहया लिधंसाय् सरकारं क्वयेया सदनं न्ह्यब्वःगु प्रस्तावित कानूनय् संशोधन याःगु खः । छुं विषयलय् निगू कम्पनीतयेत न्हूगू कानूनपाखें छुं राहत दइगु प्रावधान तःगु खः ।
तर निगूलीं कम्पनीतय्त अष्ट्रेलियाया तःधंगु प्रकाशकपिन्त ध्येबा बिइत प्रतिबद्ध याःगु खः ।
थ्वः कानून दयेकूगु अष्ट्रेलियाय् दकले न्हापांगु देय् जूगु दु । अष्ट्रेलियाया कानूनय् सूचं प्रविधि सम्बन्धी कम्पनीपिन्सं बुँखया निति ध्येबा पुलमाःगु धाःसां गुलि ध्येबा पुलेगु धाःसा आःतकं नं सीमदूनि ।
अफगानिस्तान सरकार व पश्चिमा दे्य्तयेसं याःगु सम्झौता पालना मयाःगु तालिवानया द्वपं
सिल्लाथ्व त्रयोदशी ११४१, फागुन १३ बिहीवाः
तालिवानी लडाकूपिन्सं अफगानिस्तान सरकार व पश्चिमा दे्य्तयेसं थगुने याःगु सम्झौताया पालना मयाःगु द्वपं बिउगु दु ।
तालिवानया राजनीतिक ज्याकुया छम्ह अधिकारीं अन्तर अफगान वार्ता न्ह्यागु ३ला दुने तालिवानी कैदीतयेत त्वःतेमाःगु सहमति पालना मजूगु न्ह्यथंगु खः ।
तर अफगान सरकारं शान्ति वार्ता न्ह्यागु ३ला बिइधुंका नं थःपिनि कैदीबन्दी मत्वःतूगु धका तालिवानीं आपत्ति न्ह्यथंगु खः ।
पूर्व निर्धारित ई सिवें छुं लिबाक्क वार्ता न्ह्यागु व उगु हे इलय् अमेरिकी नेतृत्व हिलेज्या जूसा नं अफगानिस्तानया सशस्त्र पुचःलं सरकारलिसे वार्ता न्ह्याकुगु खः ।
तर सरकारी पक्षं वार्ता न्ह्यः जूगु सहमति पालनाय् इमान्दारिता मक्यंगु धका तालिवानीं वार्ताप्रति हे आशंका प्वंकुगु खः ।
तालिवानी लडाकुपिन्सं अफगानिस्तानय् ल्यं दूपिं अमेरिकी सेना लितछ्वयेत लिबाकुगुलिइ नं चिउता प्वंकुगु अलजजिरां न्ह्यथंगु दु ।
अमेरिकाया न्हूम्ह निर्वाचित राष्ट्रपति जो वाइडेनं अफगानिस्तानलिसे जूगु सम्झौताया समीक्षा यायेगु धाःसा नं पूर्वसर्त पालना मजूगुलिं आशंका ब्वलंगु तालिवानी लडाकूया उच्च अधिकारीपिन्सं न्ह्यथंगु दु ।
जेफ बेजोस हाकनं हलिंयाम्ह दकले तःमिम्ह
सिल्लाथ्व द्धादशी ११४१, फागुन १२ बुधवाः
अनलाइन सपिङ प्लेटफर्म अमेजनया संस्थापक जेफ बेजोस हाकनं छक्व हलिंया हे दकले तःमिम्ह जुईत ताःलागु दु ।
विद्युतीय कार निर्माता कम्पनी टेस्लाया मू कार्यकारी अधिकारी एलन मस्कयात ल्यूने लाकाः बेजोस थुगुसीया दकले तःमिम्ह मनु जुयादीगु खः ।
थ्वयान्ह्यः वंगु जनवरीइ जक बिद्दुतिय कार निर्माता कम्पनी टेस्लाया मू कार्यकारी अधिकृत एलन मस्क हलिंया दकले अप्वः तःमिम्ह जुयादीगु खः ।
लच्छिन्ह्यः टेस्लाया सेयरया मूलय् तसकं अप्वःगू हुनिं एलन मस्कया सम्पत्तिइ १ खर्ब ८५ अर्ब डलर थ्यंगु खः ।
तर एलन मस्कया सेयर मू कुहाँवसेंलि वय्क थुगुसी हलिंया तःमिम्ह मनूया धलःखय् निगूगु थासय् लाःगु खः ।
थुगुसी ऐलनया सम्पत्तिइ १५ बिलियन डलरं कुहाँवःगु खः । ब्लूमबर्ग बिलियनर्स इन्डेक्सया लिपांगु डाटा कथं बेजोस सच्छि व ८६गू बिलियन डलर सम्पत्तिलिसें न्हापांगु थासय् धलःखय् लिहाँवःगु खः ।
माइक्रोसफ्टया संस्थापक बिल गेट्स धाःसा १सच्छि व ३५गू बिलियन डलरलिसें स्वंगूगु थासय् लाःगु दु ।
इक्वेडर जेलय् झडप, ६२म्ह सित
सिल्लाथ्व द्धादशी ११४१, फागुन १२ बुधवाः
लेटिन अमेरिकी देय् इक्वेडरय् जूगु ३गू बिस्कं बिस्कं कारागारय् जूगु ल्वापुइ ६२म्ह सीगु दु ।
कारागारय् निगू विरोधी पुचः दथुइ ल्वापु जूगु खः । चक्कु व गोलीं कयेका थुलि आपालं ल्याःखय् मनूत सीगु धाःगु दु ।
इक्वेडरया कुएङ्का, लाटाकुङ्गा व ग्वेकिल शहरया कारागारय् स्थानिय ई कथं सोमबाः चान्हय् ल्वापु जूगु खः ।
कारागारय् थःगु नियन्त्रण न्ह्याकातयेत प्रयासरत निगू पुचः दथुइ ल्वापु जूबलय् म्होतिइ ६२ म्हसिया ज्यान वंगु इक्वेडरया कारागार एजेन्सी प्रमुख एड्मुन्डो मोन्कायों जानकारी बियादील ।
हिंसा तच्वयेधुंका थप ८ सःम्ह प्रहरीया ग्वहालिइ प्रशासनं कारागारयात थःगु नियन्त्रणय् काःगु दु । छगू कारागारय् सुरक्षाकर्मीयात कैदीतयेसं बन्धक दयेकेधुंका ल्वापु न्ह्यागु खः ।
भारतय् कोरोनां सीपि १ लाख ५६ हजार स्वया अप्वोल
लहनान्युज | सिल्लाथ्व द्धादशी ११४१, फागुन १२ बुधवाः
भारतय् कोरोनाया कारण सीपि १ लाख ५६ हजार स्वया अप्वो थ्यःगु दु ।
वःगु तथ्यांक कथं भारतय् आःतक १ लाख ५६ हजार ४६३ म्ह कोरोना संक्रमितपि सी धुकुगु दु।
विश्व स्वास्थ्य संगठनया तथ्यांक कथं वःगु २४ घण्टाय् जक भारतय् ७८ म्ह कोरोना संक्रमितपि सी धुकुगु दु।
गु हे इलय् १० हजार ५८४ म्ह संक्रमितपि थपे जुगु दु। भारतय् आःतक १ करोड १० लाख १६ हजार ४३४ म्ह कोरोना संक्रमण जुइ धकुगु दु।
