कोरोना सङ्क्रमणं अस्पताल भर्ना जुम्ह छम्ह नेपालीया उपचारया झ्वलय् मस्तिष्काघातपाखे मन्त।

ताप्लेजुङ जिल्ला सिकैँचाया स्थायी छेँ दुम्ह ताःर्यनिसे बेलायतय् च्वना वयाच्वम्ह प्राज्ञिक व्यक्तित्व नाप भूपू गोर्खा सैनिक प्रा डा चन्द्र लक्सम्बाया बेलायतय् च्वंगु फार्नबरा फ्रिम्ली अस्पतालय् मन्त। कोरोना सङ्क्रमण जुया वःगु माघ ५ गते अस्पताल भर्ना जुम्ह वयात मस्तिष्काघात जुया भेन्टिलेटरय् तया उपचार यानावया च्वम्ह खः ।

उच्च रक्तस्राब जुगु कारण शल्यक्रिया याये मफुगु व बचे यायेगु मेगु छुन उपाय मदुगुलि धका अस्पतालं वयागु परिवारयात धाःगु खः । गोर्खा सैनिकपाखे अवकास लिपा निदँ अक्सफोर्ड विश्वविद्यालयय् अनुसन्धान सहायकया रूपमा ज्या यानावया च्वम्ह ५९ दँ दुम्ह लक्सम्बां सन् २००६ निसे २००९ तक नेपाल अध्ययन केन्द्र, युकेय् बेलायतय् च्वनो नेपालीपिनिगु गणना परियोजनाय् संयोजकया रूपय् ज्या यानादीम्ह खः।

अमेरिकाया पूर्व राष्ट्रपति डोनाल्ड ट्रम्पयात तःगु महाअभियोगया प्रस्ताव क्वयाःगु सदन हाउस अफ रिप्रिजेन्टेटिभ्सं च्वयाःगु सदन सिनेटयात बुझे याःगु दु।

क्वयाःगु सदनय् महाअभियोग व्यवस्थापकं थौं सोमवाः च्वयाःगु सदन् ट्रम्पयात महाअभियोग प्रस्ताव बुझे याःगु दु। थ्व नाप ट्रम्पयात निक्वःगु पटक तःगु महाअभियोगया सुनुवाइ प्रक्रियाया लागि लँ चाःगु दु ।

थ्व हे जनवरी ६ तारिखय् राष्ट्रपतिया निर्वाचित जो बाइडेन त्याःगु औपचारिकता बिइत च्वनिगु संसद बैठक च्वनेत्यःगु इलय् संसदय् हिंसात्मक आक्रमण याःगु खः ।

उगु आक्रमणय् छम्ह प्रहरी अधिकारी नाप न्याम्हसिगु ज्यान वःगु खः। ट्रम्पया उक्साहटय् हिंसात्मक प्रदर्शन जूगु आरोप वःगु खः ।

वःगु २० तारिखय् ट्रम्प राष्ट्रपति कार्यालय ह्वाइट हाउसपाखे बिदा जुगु खः । उगु हे दिं बाइडेन न सत्ता सम्हाले याःगु खः।

भारतं थौं ७२क्वःगु गणतन्त्र दिवस हनाच्वंगु दु । थ्व हे झ्वलय् राजधानी न्हू दिल्लीया राजपथय् विशेष परेडया ग्वसाः ग्वयेत्यंगु दु ।

न्हापा भव्य परेड यानावःगुलिइ थुगुसी कोरोना महामारीया हुनिं ज्याझ्वःया आकार क्वकाःगु दु । थ्वयां न्ह्यः गणतन्त्र दिवसय् छुं देय्या राष्ट्रप्रमुखयात मू पाहांया रुपं ब्वनेगु याःगुलिइ थुगुसी सुइतं नं सःतूगु मदु ।

गणतन्त्र दिवसका झ्वलय् बिइगु पद्म विभूषणं थौं जापानया पूलाम्ह प्रधानमन्त्री सिञ्जो आवेयात हनेगू जूगु दु ।

ज्याझ्वःस न्हापांखुसी भारतीय सेनां छुं ला न्ह्यः फ्रान्सं हःगु राफेल लडाकू विमानलिसें टी–९० ट्याङ्क, समविजय इलेक्ट्रोनिक युद्धक प्रणाली, सुखोई–३० एमके आई लडाकु विमानया प्रदर्शन याइगु जूगु दु । 

परेडय् थुगुसी २५द्वःम्ह मनूतय्सं जक ब्वति कायेदइ सा १५ दं क्वय्या दँ पुचःयापिं व ज्याथः नागरिकपिन्त दुहां वयेके बी मखु । गणतन्त्र दिवसया लागिं भारतन्यंक सुरक्षा व्यवस्था क्वात्तुकूगु दु ।

छुं दिं न्ह्यः जक हे भारतया थीथी शहरय् आतंकवादी हमला जुइफुगु गोप्य सुचंया लिधंसाय् सुरक्षाकःमिं छुंयात नियन्त्रणय् काःगु खः ।

संभावित घटना पनेत हरेक प्रदेशया राजधानीइ विशेष सतर्कता नालाकाःगु दु । थ्व हे दथुइ, दिवसया हे झ्वलय् ग्वसाः ग्वइगु परेड धुनाकथं किसानतय्सं विवादास्पद स्वंगू कृषि कानुनया विरोधय् ट्याक्टर ¥याली याइगु जूगु दु ।

बेलायतय् कोरोना संक्रमणया कारण वःगु २४ घण्टाया दुने १३४८ म्ह मनू सी धुकुगु दु ।

विश्व स्वास्थ्य संगठनया कथं बेलायतय् आःतक कोरोनाया कारण सीपिनिगु ल्याः ९७ हजार ३२९ म्ह थ्यःगु दु।

बेलायतय् कोरोना संक्रमितपिनिगु ल्याः ३६ लाख १७ हजार ४६३ म्ह थ्यःगु दु।

वःगु २४ घण्टाया दुने ३३ हजार ५५२ म्ह संक्रमित थपे जूगु दु ।