Display Style:
Column Style
कोरोना सक्रमितपि ५ करोड स्वया अप्वोल
लहानान्युज | कौलागा नवमी ११४०,कार्तिक २४ सोमवाः
हलियकं महामारीया रुप कया वयाच्वंगु कोरोना भाइरसपाखे संक्रमित जूपि ५ करोड स्वया अप्वो जुइ धुकुगु दु। समाचार संस्था रोयटसया कथं वःगु ३० दिं जक कोरोना भाइरसया निक्वःगु लहरया दथुइ छगू चौथाई स्वया अप्वो संक्रमित अप्वो जुया वःगु दु।
अक्टोबर महिना संक्रमणइा हिसाबं दकलय् अप्वो खराब जूगु दु। अथेहे छु दिं अमेरिकाय् न्हिया न्हिथं अप्वोया छन्हु लाख स्वया अप्वो कोरोना संक्रमण पुष्टि जुया वयाच्वंगु दु। वःगु दिं युरोपेली देशय् संक्रमण दर अप्वोया वनाच्वंगु दु।
वःगु ७ दिं जक हलियकं ५ लाख ४० हजार स्वया अप्वोसित मनू तयोत कोरोना संक्रमण पुष्टि जुगु दु। संक्रमितपि ३ करोड नं ४ करोड थ्यकेत ३२ दिं जक लगे जुगु दु। वःगु इलय् २१ दिं हे थप छगू करोड कोरोना पुष्टि जूगु दु।
जोन्स होप्किन्स विश्वविद्यालयया तथ्यांक कथं आःतक हलियकं कोरोना भाइरस संक्रमितपि ५ करोड ३ लाख ९५ हजार १७४ म्ह थ्यःगु दु। अथेहे कोरोनाया कारणं हलियकं सीपि १२ लाख ५५ हजार ४९० म्ह थ्यःगु दु। करिब ३ करोड ३० लाख संक्रमणमुक्त जुइ धुकुगु दु।
हलयकंया हे करिब २० प्रतिशत संक्रमितपि अमेरिकाय् दु। जोन्स होप्किन्स विश्वविद्यालयं कोरोना भाइरस रिसोर्स सेन्टरया कथं अमेरिकामा कोरोना संक्रमितपि करिब एक करोड थ्यःगु दु।
आइतवा तक अमेरिकाय् कोरोना संक्रमितपि ९९ लाख ६२ हजार स्वया अप्वो थ्यःगु दु। अमेरिकाय् कोरोनां २ लाख ३७ हजार स्वया अप्वो सी धुकुगु दु सा संक्रमण पुष्टि जूपि मध्ये करिब ३९ लाख वासःयाना छेँय् लिहावने धुकुगु दु।
अमेरिकी राष्ट्रपति डेमोक्रेटिकया बाइडेन
लहानान्युज | कौलागा अष्टमी ११४०,कार्तिक २३ आइतवाः
अमेरिकी राष्ट्रपति डेमोक्रेटिकया उमेदवार जो बाइडेन त्याःगु दु।
राष्ट्रपति रिपब्लिकन उमेदवार डोनाल्ड ट्रम्पयात बूका बाइडेनं प्यदँया लागि अमेरिकी राष्ट्रपति पदय् निर्वाचित जूगु दु।
३ नोम्बरय् जूगु निर्वाचनय् बाइडेनं २७३ इलेक्टोरल कलेज मत कया बाइडेन त्याःगु खः। वया निकटतम् प्रतिद्वन्द्वी ट्रम्पं २१४ इलेक्टोरल कलेज मत हःगु खः।
मुख्य ब्याटलग्राउन्ड स्टेट पेन्सलभानियाया बाइडेनं त्याका बाइडेनं २७३ इलेक्टोरल कलेज मत काःगु खः।
सन् २०२० या निर्वाचनय् बाइडेन त्याका सन् १९९० लिपा कार्यकाल जक अमेरिकी राष्ट्रपति जुम्ह ट्रम्प न्हापाम्ह व्यक्ति खः।
थुग दँय् सन् १९०० लिपा न्हापागु पटक अमेरिकाय् दकलय् अप्वो मत कुहा वःगु खः।
बाइडेनं न्ह्यगू करोड ३० लाख मत प्राप्त याःगु खः। थ्व अमेरिकी इतिहालय दकलय् अप्वो मत खः।
थ्व स्वया न्ह्यः मत गणना जारी जुयाच्वंगुलि राष्ट्रपति उमेदवार ट्रम्पं मतदानय् धाँधली जूगु आरोप बिःगु खः। वं मतगणनाया तक अनियमितता जूगु धका आरोप बिःगु खः। तर, वं छु हे
प्रमाण पेश याये फुगु मदु।
ट्रम्पया अभियानं थीथी राज्यय् धाँधली जुगु धाःसे कानुनी उपचार मालेगु उजुरी बिःगु खः।
अेमेरिकाय् छन्हु हे छगु लाख स्वया अप्वोसित कोरोना सक्रमण
लहानान्युज | कौलागा पंचमी ११४०,कार्तिक २० बिहीवाः
अमेरिकाय् छन्हु हे छगु लाख स्वया अप्वो कोरोना संक्रमण पुष्टि जूगु दु। जोन्स होप्किन्स विश्वविद्यालयं कोरोना भाइरस रिसोर्स सेन्टरया कथं बुधवाः जक अमेरिकाय् छगू लाख २ हजार ८३१म्ह कोरोना सक्रमण पुष्टि जूगु दु।
अमेरिकाय् कोरोना बुधवाः छन्हु हे १०९७ म्ह कोरोनां सीगु दु। अथेहे थुगु वाः दुने अमेरिकाय् ६ लाख स्वया अप्वोसित संक्रमण खनेदुगु खः।
विज्ञपिन्स चिकूला सिधय्वः कोरोना संक्रमण अप्वो जुइफु धइगु चेतावनी बिया च्वंसा अमेरिकाय् न्हिया न्हिथे संक्रमणं न्हगु रेकर्ड कायम यानावया च्वंगु खः। वःगु इलय् अमेरिकाया कन्सास, टेनिसी, भर्जिनिया, ओक्लाहोमा, मोन्टाना, आयोवा ओहायो लगायतया राज्यय् कोरोना संक्रमण अप्वोया वनाच्वंगु धका वासिङ्टन पोस्टं उल्लेख याःगु दु।
बिहीवाः न्हिनय् जक अमेरिकाय् कोरोना भाइरस संक्रमित जूपि ९४ लाख ८६ हजार ६७७ म्ह थ्यःगु दु। अथेहे अमेरिकाय् कोरोनां सीपिं २ लाख ३३ हजार ७२९ म्ह थ्यःगु दु। अन कोरोना पुष्टि जूपि मध्ये ३७ लाख स्वया अप्वो संक्रमणमुक्त जुइ धुकुगु दु।
बिहीवाः न्हिनय् तक हलियकं कोरोना संक्रमितपि ४ करोड ८१ लाख स्वया अप्वो जुइ धुकुगु दु। अथेहे हलियकं १२ लाख २५ हजार स्वया अप्वो सी धुकुगु दु। कोरोना पुष्टि जूपि मध्ये ३ करोड १९ लाख स्वया अप्वो संक्रमणमुक्त जुइ धुकुगु दु।
भारतीय पत्रकार गोस्वामीयात प्रहरी ज्वन
लहानान्युज | कौलागा पंचमी ११४०,कार्तिक २० बिहीवाः
भारतया विवादास्पद टेलिभिजन प्रस्तोता नाप रिपब्लिक टिभीया सम्पादक अर्नव गोस्वामीयात प्रहरीं ज्वंगु दु ।
गोस्वामी सीमा विवादयात कयाः नेपाःया बारे नं गलत टिप्पणी याःगुलिं नेपालय् नं तसकं विरोध जुया वयाच्वंम्ह पत्रकार खः ।
गोस्वामीयात छेँय् हे वयाः प्रहरीं वयात ज्वःगु खः। भारतीय समाचार एजेन्सी पिटीआईया कथं निदँ न्ह्यव ५३ दँया छम्ह इन्टेरियर डिजाइनरं आत्महत्या याःगु मामिलाय् वयात गिरफ्तार याःगु खः ।
उबलय् आत्महत्या याःम्ह इन्टेरियर डिजाइनरं गोस्वामिं रिपब्लिक नेटवर्कया स्टुडियो दयेकाः ध्यबा मबिउ धकाः आत्महत्या न्ह्यः पौ च्वयाः त्वःताथकूगु खः ।
तर टेलिभिजनं थ्व मामिला न्हापा हे क्वचायेधुंकूगु व महाराष्ट्र सरकारं प्रतिशोधया भावनां गोस्वामीयात ज्वंगु खँ धाःगु दु।
भारतय् कोरोना सक्रमितपि ८२ लाख स्वया अप्वोल
लहानान्युज | कौलागा तृतिया ११४०,कार्तिक १८ मंगलवाः
भारतय् कोरोना भाइरस संक्रमितपि ८२ लाख २९ हजार स्वया अप्वो जुइ धुकुगु दु।
भारतीय स्वास्थ्य मन्त्रालयया कथं वःगु २४ घण्टाय् ४५ हजार २३० म्ह न्हुपि संक्रमित थपे जूगु दु सा ४९६ म्ह सीगु दु।
कोभिड–१९ पाखे संक्रमितपि ७५ लाख ४४ हजार ७९८ म्ह संक्रमणमुक्त जूगु दु। कोभिड–१९ या संक्रमणं आतक १ लाख २२ हजार ६०७ म्हस सी धुकुगु दु। छु दिं निसे संक्रमित जूपि व सीपि कम जुया वयाच्वंगु दु।
वःगु २४ घण्टाय् जक भारतय् ५३ हजार २८५ म्ह कोरोना मुक्त जुु दु धका धाःगु दु। भारतयकं आःतक न्याःगु लाख ६१ हजार ९०८ म्ह सक्रिय संक्रमितपि दु।
भारतय् महाराष्ट्र राज्य आःतक
सबभन्दा प्रभावित राज्य खः। अन १ लाख २५ हजार ६७२ म्ह सक्रिय संक्रमितपि दु। केरलाय् ८९ हजार ७८३ म्ह सक्रिय संक्रमितपि दु।
