Display Style:
Column Style
जापानं सन् २०५०य् पेट्रोल कार बिक्री बन्द यायेगु योजना
रमित | कछलागा चौथी ११४१, मंसिर १९ शुक्रवाः
जापानं सन् २०५० तक कार्बन तटस्थताया थःगु लक्ष्य पूरा यायेगु उद्देश्यं वःगु १५ दँ लिपा पेट्रोल कारया बिक्री बन्द यायेगु योजना सार्वजनिक याःगु दु ।
जापानी सञ्चारमाध्यमया कथं मेगु वाः निसे जापानं न्हुगु नीति सार्वजनिक याःगु दु। जापानी अखबार माइनिची शिमबुन नं जापानया विद्युतीय व हाइब्रिड सवारी साधनया बिक्रीयात न्हापागु प्राथमिकताय् तःगु दु धका धाःगु दु ।
प्रधानमन्त्री योशिहिदे सुगा नं वःगु अक्टोबरय् जापानयात सन् २०५० दुने कार्बन तटस्थ देय् दय्केगु माःगु कुतः यायेगु घोषणा याःगु दु। प्रधानमन्त्री सुगां थःगु नीति सार्वजनिक यायेवं तधःगु कम्पनीं कार्बन उत्सर्जनयात नियन्त्रणय् हयेगु योजनाया मस्यौदा निर्माण यायेगु दबाब वःगु दु।
जापानया थुगु पलाःयात वातावरण अभियन्ता व राष्ट्र सङ्घं लसकुस याःगु दु।
वःगु सेप्टेम्बरय् अमेरिकी राज्य क्यालिफोर्निया नं सन् २०३० तक थःगु राज्यय् मिइगु कार शून्य–उत्सर्जनयुक्त जुइगु घोषणा याःगु खः।
अथेहे बेलायत नं अझ महत्तवाकाक्षी योजना न्ह्यने हःगु दु। सन् २०३० तक बेलायतय् दक्को प्रकारया पेट्रोल व डिजलं सञ्चालन जुइगु कार प्रतिबन्ध यायेगु बेलायत सरकारं घोषणा याये धुकुगु दु।
बिश्वन्यकं २४ घण्टाय् ५ लाख ९१ हजार स्वया अप्वो सक्रमित
रमित | कछलागा चौथी ११४१, मंसिर १९ शुक्रवाः
वःगु २४ घण्टाया दुने विश्वन्यक ५ लाख ९१ हजार ४३२ म्हेसित संक्रमितपि थपे जुगु दु धका विश्व स्वास्थ्य संगठनया तथ्यांकय् उल्लेख याःगु दु।
थ्व नाप आःतक विश्वन्यक ६ करोड ३९ लाख ६५ हजार ९२ म्ह कोरोना संक्रमण जुइ धुकुगु दु।
वःगु २४ घण्टाया दुने जक विश्वन्यक कोरोना संक्रमणया कारण ११ हजार ७४१ म्ह सी धुकुगु दु।
थ्व नाप आःतक विश्वन्यक १४ लाख ८८ हजार १२० म्ह संक्रमितपिनिगु ज्यान वःगु दु धका संगठनया तथ्यांक् उल्लेख याःगु दु।
रुसं थःगु देशय् दय्कूगु खोप छ्यलिइगु
रमित | कछलागा चौथी ११४१, मंसिर १९ शुक्रवाः
रुसय् छगु लाख स्वया अप्वो नागरिकपिन्त रुसय् हे विकास याःगु कोरोना भाइरसविरुद्धया खोप बिःगु दु।
रुसं वःगु अगष्ट महिनाय् हे कोभिड १९ विरुद्धया खोप स्पुतनिक–भी निर्माण याःगु खः। खोप प्रभावकारी जुगु धाःसे रुसं उकियात हे छ्यलिइगु धका धाःगु खः ।
वःगु अगष्ट ११ य् हे रुसय् खोप छ्यलिइगु धका धाःगु खः। थुगु खोप रुस कोभिड–१९ विरुद्ध हे विश्वया न्हापागु देश जुगु दु धका धाःगु दु।
रुसया स्वास्थ्यमन्त्री मिखाइल मुरास्को न थःगु देशया नागरिकपिन्त खोप बिःगु भिडियो दयेका वयागु लिङ्क न संयुक्त राष्ट्रसङ्घयात बिःगु धका थीथी संचारमाध्यमं धाःगु दु। वःगु महिना जक खोपया प्रभावकारिताया बारेय् अनुसन्धान याःगु खः।
रुसय् २३ लाख स्वया अप्वो मनूतय्त कोरोना भाइरसया संक्रमण जुइ धुकुगु दु।
फ्रान्सया पूर्वराष्ट्रपति जिस्कार दिस्तँ मन्त
लहानान्युज | कछलागा तृतीया ११४१, मंसिर १८ बिहीवाः
फ्रान्सया पूर्वराष्ट्रपति भ्यालेरी जिस्कार दिस्तँ ९४ दँय् मन्त। कोरोना संक्रमण लिपा स्वास्थ्य अवस्था स्यना वःगुलि व बुधवाः लुवाया थःगु हे छेँय् मदुगु धका भ्यालेरी जिस्कार दिस्तँ फाउन्डेसन न जानकारी बिःगु दु।
समाचार संस्था एएफपीया कथं कोरोना संक्रमण लिपा वयागु स्वास्थ्य अवस्था नाजुक जुया वःगु खः। परिवारया सदस्य कथं भ्यालेरी याःगु इच्छा कथं परिवारया छु सदस्यपिनिगु जक उपस्थितिइ वयागु अन्तिम संस्कार याःगु खः।
फ्रान्सयात आधुनिक मूल्य मान्यत कथं न्ह्यने यकेत प्रमुख भूमिका म्हितुम्ह दिस्तँ सन् १९७४ निसे १९८१ तक राष्ट्रपति जुगु खः। सन् १९८१ य् राष्ट्रपति पदया लागि चुनाव ल्वागु इलय् वयात समाजवादी फ्राँस्वा मितेरँ नाप पराजित जुगु खः ।
छन्हुया दुने बिश्वय् कोरोना सक्रमणं १००२८म्ह मन्त
रमित | कछलागा तृतीया ११४१, मंसिर १८ बिहीवाः
वःगु २४ घण्टाया दुने विश्वन्यकं कोरोना संक्रमणया कारण १० हजार २८ म्ह सी धुकुगु दु।
आःतक विश्वन्यकं १४ लाख ७५ हजार ८२५ म्ह संक्रमितपि सी धुकुगु दु धका विश्व स्वास्थ्य संगठनया तथ्यांकय् उल्लेख याःगु दु।
वःगु २४ घण्टाय् ४ लाख ९१ हजार ४२० म्ह संक्रमितपि थपे जुगु दु धका विश्व स्वास्थ्य संगठनया तथ्यांकय् उल्लेख याःगु दु।
थ्व नाप आःतक विश्वय् ६ करोड ३३ लाख ६० हजार २३४ म्ह कोरोना संक्रमण पुष्टि जुइ धुकुगु दु।
