अमेरिकी राष्ट्रपति डोनाल्ड ट्रम्पं रक्षा विधेयकय् भिटो छ्यला सदनं खारेज यानादीगु दु। सदनया निगु सदनय् ताहाकःगु सहलह लिपा पारित जुगु सुरक्षा खर्चसम्बन्धी विधेयक रोके यायेत राष्ट्रपति ट्रम्पं भिटो छ्यलादीगु खः।

तर सदनं भिटो रद्द यानाबिःगु दु धका बीबीसीं धाःगु दु। ट्रम्पं प्यदँया कार्यकालय् वयकलं छ्यःगु भिटो संसदं न्हापागु पटक रद्द जुगु खः । सदनं ट्रम्पया भिटो अवहेलना यायेगु सम्बन्धी पक्षय् मत बिःगु खबरय् उल्लेख याःगु दु। डेमोक्रेटिक पार्टीया बहुमत दुगु क्वयाःगु सदनं थ्व स्वया न्ह्यः न भिटो रद्द यायेगु पक्षय् मत बिःगु खःसा रिपब्लिकनपिनिगु बहुमत दुगु च्वय् याःगु सदन सिनेटं न भिटो खारेज यायेगु पक्षय् निर्णय याःगु खः।

न्ह्यःसः ४० बिलियन डलर बराबरया सुरक्षा खर्चसम्बन्धी विधेयक सदनपाखे डिसेम्बरय् पारित जुगु खः। तर ट्रम्पं भिटो शक्ति छ्यला उगु  विधेयक कानुन दयेकेगु ज्या मजुगु खः। विधेयकय् अफगानिस्तान व युरोपय् दुगु अमेरिकी सैनिक गुलि ल्याः लितः सःतिइगु व तोके याःगु सीमा व सैनिक बेसपाखे कन्फेडेरेड नेतृत्वया नां हटे यायेगु व्यवस्थाय् ट्रम्पया विरोध दुगु खः।

सदनं राष्ट्रपति ट्रम्पया भिटो खारेज मजुगुसा लिपाःगु ६० दँय् थ्व न्हापागु पटक नेशनल डिफेन्स अथोराइजेशन एक्ट कानुन दयेकेगु पाखे रोके जुगु खः।

चीनया जोङ सनसान भारतया मुकेश अम्बानीयात लिउने लाका एसिया हे दकलय् धनी मनू जुगु दु। ब्लुमबर्ग बिलेनियर्स इण्डेक्सया कथं सन् २०२० य् सनसानया सम्पत्तिइ न्ह्यगू अर्ब डलर अप्वो जुगु खः।

थ्व नाप जोङं भारतया धनाड्य अम्बानीयात लिउने लाका नाप थःगु देशया ज्याक मायात तक लिउने लाकूगु दु। भ्याक्सिन व बोतलया लः उत्पादन याइगु कम्पनीया कारण जोङं थुगु उपलब्धि याःगु खः धका बीबीसीं धाःगु दु। जोङ नं थुगु दँय् भ्याक्सिन निर्माण कम्पनी बेइजिङ वान्टाइ बायोलोजिकल कम्पनीयात चीनया सेयर बजारय् सूचीकृत याकूगु खः।

ब्लुमबर्ग बिलेनियर्स इण्डेक्सया कथं जोङया कूल सम्पत्ति ७७.८ अर्ब डलर दुगु खः। इण्डेक्सया कथं जोङ सनसान आः विश्वया हे झीछम्ह धनी मनूखय् लाःगु दु। 

चीनय् न न्हुगु स्वरूपया कोरोना भाइरस खनेदुगु दु ।

कोरोना भाइरसया सुरुवात जुगु दँच्छि लिपा चीनय् न्हुगु भाइरस खनेदुगु दु । थौ स्वया दँच्छि न्ह्यः कोरोना भाइरस चिनं सुरु जुगु खः। थौंकन्ह्य थुगु भाइरस हलिन्यक खनेदय् धुकुगु दु।

दच्छि लिपा चीनय् २३ दँ दुम्ह छम्ह मिसायात न न्हुगु भाइरस खनेदुगु धका बीबीसीं धाःगु दु। न्हुगु स्वरुपया कोरोना भाइरस सङ्क्रमित बेलायतय् यक्को खनेदुगु दु सा मेगु देशय् न फैलै जुइगु सुरु जुइ धुकुगु दु।

बेलायतय् न्हुगु स्वरुपया कोरोना भाइरस खनेदय् वं बेलायतपाखे वयेगु वनेगु यक्को देशय् बन्द याःगु दु।

अमेरिकाय् न न्हुगु स्वरूपया कोरोना भाइरस पिहावःगु पुष्टि जुगु दु।

कोलोराडोय् छम्ह मनूयात न्हुगु प्रकारया कोरोना भाइरस खनेदुगु धका बीबीसी धाःगु दु।

उम्ह मनूयात आः आइसोलेसनय् तया निगरानी यानाच्वुं दु। अमेरिकी स्वास्थ्य अधिकारीपिन्स व नाप सम्पर्कय् दुपिन्त कन्ट्याक्ट ट्रेसिङ यानाच्वंगु दु धका धाःगु दु ।

अधिकारीपिन्स अमेरिकाय् न्हुगु स्वरूपया कोरोना फैलै जूगु आशंका याना वयाच्वंगु खः।

कोरोना महामारीपाखे दकलय् अप्वो प्रभावित देय् अमेरिकाय् आःतक १ करोड ९५ लाख स्वया अप्वोसित संक्रमण पुष्टि जुइ धुकुगु दु।

अथेहे ३ लाख ३८ हजार स्वया अप्वो मनू सी धुकुगु दु।

अमेरिकाया न्हुम्ह निर्वाचित राष्ट्रपति जो बाइडेन न थःम्हेसिया पदभार ग्रहण यानागु सच्छि दिं दुने १० करोड अमेरिकी नागरिकपिन्त कोरोना भाइरसविरुद्धया खोप उपलब्ध याकेय्गु धका घोषणा याःगु दु।

वःगु जनवरी २० य् पदभार ग्रहण याःगु दिं निसे १०० दिं दुने १० करोड मनू तयेत खोप बिइगु उपलब्ध यायेकेगु धका धाःगु खः। वयकलं थ्व स्वया न्ह्यः हे घोषणा यानागु खोपया लक्ष्य पूरा यायेगु ट्रम्प प्रशासन च्यूताः मकागु धका धाःगु खः।

कोरोना भाइरसविरुद्धको खोप वितरणय् राष्ट्रपति डोनाल्ड ट्रम्प प्रशासनं आः याना वयाच्वंगु ज्याया आलोचना यानादीगु दु।

ट्रम्प प्रशासनं डिसेम्बरया अन्त्य तक २ करोड नागरिकपिन्त खोप बिइगु लक्ष्य काःगु खः। उगु लक्ष्य कथं ज्या मजुगु धाःसे असन्तुष्टि प्वकादीगु खः ।