Display Style:
Column Style
२४ घण्टाया दुने अमेरिकाय् २३०३म्ह मन्त
रमित | कछलागा अष्टमी ११४१, मंसिर २३ मंगलवाः
अमेरिकाय् कोरोनाया कारण वःगु २४ घण्टाया दुने २ हजार ३०३ म्ह मन्त ।
थ्व नाप आःतक अमेरिकाय् कोरोनाया कारण सीपि २ लाख ७८ हजार ८०६ म्ह थ्यःगु दु धका विश्व स्वास्थ्य संगठनया तथ्यांक धाःगु दु।
वःगु २४ घण्टाय् जक अमेरिकाय् २ लाख ५ हजार ८३७ म्ह कोरोना संक्रमित थपे जुगु दु।
अमेरिकाय् आःतक १ करोड ४३ लाख ९७ हजार १३५ म्ह कोरोना संक्रमण पुष्टि जुइ धुकुगु दु।
भारतय् कोरोना १ लाख ४० हजार स्वया अप्वो मन्त
लहानान्युज | कछलागा अष्टमी ११४१, मंसिर २३ मंगलवाः
भारतय् कोरोनाया कारण सीपि १ लाख ४० हजार थ्यःगु दु।
विश्व स्वास्थ्य संगठनया लिपागु तथ्यांक कथं भारतय् आःतक कोरोना संक्रमणं सीपि १ लाख ४० हजार ५७३ म्ह थ्यने धुकुगु दु।
वःगु २४ घण्टाय् जक भारतय् ३९१ म्ह कोरोना संक्रमितपि सी धुकुगु दु धका धाःगु दु ।
उगु हे इलय् ३२ हजार ९८१ म्ह संक्रमितपि थपे जुग दु।
भारतय् कोरोना संक्रमितपि ९६ लाख ७७ हजार २०३ म्ह थ्यःगु दु धका विश्व स्वास्थ्य संगठनया तथ्यांकय् उल्लेख याःगु दु।
कोरोना बिश्वन्यक छन्हुया दुने च्याद्धः स्वया अप्वो मनूत मन्त
लहानान्युज | कछलागा अष्टमी ११४१, मंसिर २३ मंगलवाः
वःगु २४ घण्टाया दुने विश्वन्यकं ८ हजार ७६८ म्हेसित कोरोना संक्रमितपि सीगु दु ।
थ्व नाप आःतक कोरोनाया कारण सीपि १५ लाख ३२ हजार ४१८ म्ह थ्यःगु दु धका विश्व स्वास्थ्य संगठनया तथ्यांकय् उल्लेख याःगु दु।
वःगु २४ घण्टाया दुने विश्वन्यकं ५ लाख ४९ हजार ९४६ म्हेसित कोरोना संक्रमित जुगु दु।
थ्व नाप आःतक संक्रमितपिनिगु ल्याः ६ करोड ६४ लाख २२ हजार ५८ म्ह थ्यःगु दु ।
चीन चन्द्रमाय् थःगु ध्वाँय् ब्बय्कल
लहानान्युज | कछलागा षष्ठी ११४१, मंसिर २१ आइतवाः
अमेरिका ५० दँ चन्द्रमाय् ध्वाँय् तःगु चीनं न ध्वाँय् ब्वय्कूगु दु। चीनया ‘नेस्नल स्पेस’ विभागं सार्वजानिक याःगु किपाय् चन्द्रमाया सतहय् चिनिया ध्वाँय् ब्वय्कूगु खः।
चीनया चाङ इ–५ यानं काःगु किापाय्, आः चन्द्रमाय् ल्वहया स्याम्पल नाप पृथ्वी लिहाव वइ। थ्व स्वया न्ह्यः निगः चिनियाँ अन्तरिक्ष मिसनय् ध्वाँय् ब्वकेय्गु कुतः जुइ धुकुगु खः तर, उगु ध्वाँय् सतहय् ब्वय्के मफुगु खः।
१९६९ या अपोलो ११ मिसनय् अमेरिका, चन्द्रमाय् ध्वाँय् ब्वय्कूगु न्हापागु देय् जूगु खः। वयालिपा अमेरिकां थीथी विभिन्न मिसन अन्र्तगत १९७२ तक न्याकः थःगु ध्वाँय् गाढेय् याये धुकुगु खः ।
२०१२ य् नासाया स्याटलाइट किपा उगु न्याःगु हे अमेरिकी झन्डा स्थिर रुपं दुगु किपा सार्वजानिक याःगु खः । चीनया राष्ट्रिय संचारं चिनियाँ ध्वाँय् ५० दँ न्ह्यया अपोलो मिसनया ई कथं उत्साह व प्रेरणा दुगु थे च्वं धका धाःगु खः। न्ह्यदँ लिपा चाङ इ–५ मिसन चीनया स्वकः सफल चन्द्रमाय् अवतरण जुगु खः ।
फ्रान्सं कोरोना भाइरसविरुद्धया खोप निःशुल्क याइगु
लहानान्युज | कछलागा पञ्चमी ११४१, मंसिर २० शनिवाः
फ्रान्सं थः नागरीकपिन्त कोरोना भाइरसविरुद्धया खोप निःशुल्क याये त्यःगु दु । फ्रान्सया प्रधानमन्त्री जा कार्तेक्स नं अथे घोषणा याःगु खः।
प्रधानमन्त्री कार्तेक्सया कथं जनवरी निसे प्रारम्भिक चरणय् स्वास्थ्य संस्थाय् दुपि १० लाख मनू तयेत खोप बिइ त्यःगु खः। फेब्रुअरी संक्रमणया उच्च जोखिमय् दुपि १ करोड ४० लाख
नागरिकपिन्स खोप काये खनिगु दु ।
फ्रान्सय् सामाजिक सुरक्षा प्रणालीइ च्वपि दक्को कोरोना भाइरसविरुद्धया खोप निःशुल्क बिइत सुनिश्चित यायेत व उकिया लागि १ अर्ब ५० करोड युरो छुटे याःगु समाचारय् वःगु खः ।
फ्रान्सं २० करोड थान खोप थीथी खोप उत्पादक कम्पनीपाखे व्यवस्था याःगु धका धाःगु दु। प्रधानमन्त्री कार्तेक्स नं उगु खोप सुरक्षित व प्रभावकारी जुइगु भलसा काःगु दु।
