Display Style:
Column Style
भारत सामाजिक सन्जाल विवादित पोष्टया कारण ल्वापू
लहनान्युज | गुंलागा ८ ११४०, साउन २८ बुधवाः
सामाजिक सन्जाल फेसबुकय् छगु विवादित पोष्टया कारण भारतया बैंगलोरय् ल्वापू जुगु दु । उगु घटानाय् निम्ह सीगु दुसा ६०म्ह स्वया अप्वः प्रहरी घाइते जुगु दु ।
स्थिति नियन्त्रणय् कायेगु लागि प्रहरीं चले याःगु गोली लाना निम्ह सीगु दु ।
उगु हिंसा शहर डिजे हल्ली व केजी हल्ली प्रहरी थाना क्षेत्रय् जूगु खः । आः उगु थासय् कर्फ्यु तया तःगु दु । प्रहरीं उगु घटनायात कया ११० म्हेसित नियन्त्रणय् कया तःगु दु ।
अन प्रहरी धाःगु कथं कांग्रेस सांसद श्रीनिवास मूर्तिया काय्चा नवीन धइम्ह मनू न फेसबुकय् मुस्लिम समुदायया भावनाय् ठेस वःक विवादित खँ पोष्ट याःगु धका धाःगु खः, उकि कारण उगु समुदायपि विरोधय् पिहा वयेवः घटनायु हिंसाया रुप काःगु खः ।
प्रदर्शनकारीपिन्स प्रहरी स्टेशनय् आप्पा कयेका गाडी तक च्याकुगु खः । इमिसं कांग्रेस विधायक श्रीनिवासया छेँय् तोडफोड तक याःगु खः ।
विधायक श्रीनिवासं छगु भिडियो सन्देश सार्वजनिक यासे शान्ति कायम यायेत इनाप यास दोषीयात कारवाही यायेगु आश्वासन बिःगु खः । प्रहरीं नवीनयात ज्वने धुकुगु दु ।
रुसय् दयेकुगु कोरोना विरुद्धया खोपय् न्ह्यसः
लहनान्युज | गुंलागा ८ ११४०, साउन २८ बुधवाः
विश्व स्वास्थ्य संगठन (डब्लूएचओ) नं रुसय् विकसित याःगु कोरोना विरुद्धया खोपय् न्ह्यसः थःगु दु ।
रुसं दयेकुगु खोपबारे जानकारी मदुगु मूल्याङकन याये फइ मखुगु धका डब्लूएचओं धाःगु दु । डब्लूएचओया जरबास बारबोसां कोरोना विरुद्धया खोप दयेकेगु लागि डब्लूएचओ याके सिफारिस काये माःगु नियम पालना याये माःगुलि जोड बिःगु दु । थ्व नियमं कोरोना विरुद्ध दयेकुगु धका धाःगु खोप सुरक्षित जुइगु न वयकलं दाबी यानादिगु खः ।
वःगु वालय् विश्व स्वास्थ्य संगठनं रुसयात कोरोना विरुद्धया खोप दयेकेगु् अन्तराष्ट्रिय मापदण्ड पालना यायेत इनाप यानादिगु खः । तर रुसया राष्ट्रपति भ्लादिमिर पुटिनले रुसं विकास याःगु कोरोना भाइरस विरुद्धया खोप आः निला लिपा हे मनू तयेत बिइगु धका धयादिगु खः ।
राष्ट्रपति पुटिनं थः म्हाय् यात न खोप बियाइगु धका जानकारी बिउगु खः । कोरोना विरुद्ध रुस तयार याःगु खोपया दक्को परीक्षण क्वचाःगु धका दाबी यानादिगु खः ।
कोरोना विरुद्धया खोप स्वीकृत याःगु रुस न्हापागु राष्ट्र खः । तर वैज्ञानिक पिन्स स्वक्वःगु पटक तक परीक्षण मयागु धका खोप स्वीकृत यागुलि विश्वसनीयताय् थःगु खः । विश्व स्वास्थ्य संगठनं स्वक्वः चरणय् परीक्षण याना खुगु खोपया सूची तयार याःगु खः । उगु सूचीइ रुसं विकास याःगु खोप समावेश मदु ।
हलियकं सच्छि मल्याक न्हापागु चरणयम खोप परीक्षणय् दुगु सन् २०२१ स्वया न्ह्य कोरोना विरुद्धया खोप वइगुलि शंका दुगु धका बीबीसीं धाःगु दु ।
भारतीय पूर्वराष्ट्रपति मुखर्जीया अवस्था गम्भीर
लहनान्युज | गुंलागा ८ ११४०,साउन २७ मंगलवाः
कोरोना भाइरस (कोभिड–१९) संक्रमण पुष्टि जूम्ह भारतया पूर्वराष्ट्रपति प्रणव मुखर्जीया अवस्था ‘गम्भीर’ जूया वःगु दु धका धाःगु दु ।
भारतया नयाँ दिल्लीया सैनिक अस्पतालय् वयकःयाःगु ब्रेन सर्जरी जूया च्वंगु दु । सर्जरी लिपा वयकःया अवस्था नाजुक जुगु दु ।
आः पूर्वराष्ट्रपति मुखजी यात भेन्टिलेटरय तया तःगु दु ।
सोमवाः ८४ दँयाम्ह मुखर्जीयात कोरोना संक्रमित जूगु धका जानकारी बिःगु खः ।
पूर्वराष्ट्रपति मुखजीं सामाजिक सञ्जाल ट्वीटर पाखे जानकारी बिःगु खः ।
भारतीय राष्ट्रपति रामनाथ कोविन्दं पूर्वराष्ट्रपति मुखजी याःगु भिं उसाँय् या कामना यानादिगु खः ।
निगु करोड स्वया अप्वल कोरोना संक्रमितपि
लहनान्युज | गुंलागा ८ ११४०,साउन २७ मंगलवाः
हलियकं कोरोना भाइरस (कोभिड–१९) पाखे संक्रमित जुपिनिगु ल्याः निगु करोड स्वया अप्वःगु दु । जोन्स हप्किन्स युनिभर्सिटीया तथ्यांक कथं आः तक कोरोना भाइरसया संक्रमितपि निगु करोड ८९ हजार ६२४ म्ह थ्यःगु दु ।
कोरोना भाइरसं दकलय् अप्व कोरोना संक्रमित अमेरिकाय् पिहा वःगु दु । अमेरिकाय् कोरोना भाइरस संक्रमितपि ५० लाख स्वया अप्वःगु दु ।
वया लिपा ब्राजिलय् कोरोना भाइरस संक्रमितपि ३० लाख स्वया अप्वःगु दु । भारतय् कोरोना भाइरसं २२ लाख स्वया अप्व संक्रमित पिहा वःगु दु ।
विश्वभर कोरोना भाइरसया कारण सीप न्ह्यःगु लाख ३६ हजार १९१म्ह थ्यःगु दु ।
अमेरिकाय् दकलय् अप्व छगु लाख ६३ हजार स्वया अप्व कोरोना भाइरसया कारण सी धुकुगु दु सा ब्राजिलय् छगु लाख व द्धःछि स्वया अप्वः सी धुकुगु दु ।
आःतक हलियकं छगू करोड २२ लाख स्वया अप्व मनूत कोरोना संक्रमितपि वासः याका डिस्चार्ज जुइ धुकुगु दु ।
अमेरिकाय् कोरोना संक्रमितपि ५० लाख स्वया अप्वल
लहनान्युज | गुंलागा ७ ११४०,साउन २६ सोमवाः
अमेरिकाय् कोरोना भाइरस (कोभिड–१९) पाखे संक्रमितपिनिगु ल्याः ५० लाख स्वया अप्वःगु दु ।
जोन्स हप्किन्स विश्वविद्यालयया कथं सोमवाः सुथय् तक संक्रमितपि ५० लाख ४१ हजार स्वया अप्वःगु दु । अमेरिकाय् भाइरसया कारण सीपिनिगु ल्याः १ लाख ६२ हजार व ९१३ म्ह थ्यःगु दु । थ्व विश्वभर सीपि मध्ये करिब एक चौथाइ खः ।
भाइरस संक्रमणपाखे आर्थिक संकटय् वःपिन्त अमेरिकीयात राहत बिइगु आर्थिक ज्याझ्वलय् राष्ट्रपति डोनाल्ड ट्रम्पं हस्ताक्षर याये त्यःगु इलय् संक्रमितपिनिगु न्हुगु तथ्यांक सार्वजनिक याःगु खः । थ्व स्वया न्ह्य सार्वजनिक आर्थिक सहयोग प्याकेजबारे कंग्रेसया सहमति मबिउगु खः ।
अथेहे, कोरोना भाइरसपाखे विश्वभर १ करोड ९७ लाख ६९ हजार संक्रमित जुइ धुकुगु दु । भाइरसया कारण ७ लाख २९ हजार व स्वसः स्वया अप्वये धुकुगु दु ।
भाइरसया कारण प्रभावित जुगु देश अमेरिका लिपा ब्राजिल खः। सोमवाः सुथय् जक ब्राजिलय् ३० लाख ३५ हजार व प्यसः स्वया ुसंक्रमण पुष्टि जुइ धुकुगु द सा १ लाख १ हजार ४९म्हेसिगु ज्यान वने धुकुगु दु ।
