Display Style:
Column Style
फेसबुकय् डिलिट यात ट्रम्पं थःगु स्टाटस
लहनान्युज | गुंलागा ३ ११४०,साउन २२ बिहीवाः
फेसबुकय् अमेरिकी राष्ट्रपति डोनाल्ड ट्रम्पं थःगु पोष्ट डिलिट याःगु दु । कोरोना भाइरसबारे ट्रम्पं याःगु थःगु पोष्ट फेसबुकय् न्हापागु पटक डिलिट याःगु दु ।
फेसबुक कम्पनीया कथं अमेरिकी राष्ट्रपति ट्रम्पं गलत सूचना सेयर याःगुलि उगु पोष्टयात डिलिट याःगु खः ।
ट्रम्पं स्टाटस नाप फक्स न्युज च्यानललयात बिःगु अन्तरवार्ताया छगू भिडियो क्लिप न तःगु खः । उगु भिडियोलय् ट्रम्पं कोरोना भाइरसपाखे मस्त लगभग सुरक्षित दु धका धाःगु खः ।
फेसबुकया प्रवक्तां थुगु भिडियोलय् कोरोना भाइरसबारे गलत दाबी याःगु धका धाःगु खः । थ्व जिमिगु नीतिया उल्लंघन खः । जिमिसं कोरोना भाइरस संक्रमणया विषय गलत सूचनाया प्रवाह विरुद्धय् दु धका धाःगु दु ।
तर थुकिया बारे ह्वाइट हाउसं छु न प्रतिक्रिया धाःसा मवःनि ।
भारतय् २४ घण्टाय् ५२ द्धः कोरोना संक्रमण पुष्टि
लहनान्युज | गुंलागा १ ११४०,साउन २० मंगलवाः
भारतय् वःगु २४ घण्टाय् ५२ द्धः स्वया अप्वः कोरोना संक्रमण पुष्टि जूगु दु ।
अथेहे कोरोना संक्रमणपि २४ घण्टाय् च्यासः स्वया अप्वः सीइगु दु ।
भारतया स्वास्थ्य तथा परिवार कल्याण मन्त्रालयया कथं वःगु २४ घण्टाय् थप ५२ द्धः स्वया अप्वः कोरोना संक्रमण पुष्टि जूगु दु ।
अन ८०३ म्ह सीगु दु । भारतय् न्हिया न्हिथं ५० द्धः स्वया अप्वः संक्रमण खने दुगु थ्व न्यान्हु खः ।
भारतय् वःगु झीन्यान्हुया दुने कोरोना भाइरसया संक्रमण तसक थहा वना च्वंगु दु । संक्रमणया ल्याखं भारत विश्वय् ल्यूयाल्यु लागु देय् खः ।
आः तक भारतय् संक्रमित जूपि १८ लाख ३६०५ दु सा कोरोनां ३८ द्धः व १३५म्ह सीइ धुकुगु दु । भारतय् संक्रमण पुष्टि जूपि मध्ये करिब १२ लाख वासः याका छेँय् लिहा वने धुकुगु दु ।
हलियकं निगु लाख व ९२ द्धः स्वया अप्वसित संक्रमण पुष्टि
लहनान्युज | गुंलाथ्व १२ ११४०,साउन १७ शनिवाः
विश्व स्वास्थ्य संगठन (डब्ल्यूएचओ) न शुक्रवाः छन्हु हलियकं निगु लाख ९२ द्धः व ५२७ म्हसित कोरोना संक्रमण पुष्टि जूगु दु । संगठनया कथं छन्हु संक्रमित पिहा वःगु थ्व हे न्हापाःगु पटक खः ।
थ्व स्वया न्ह्यः २४ जुलाई लय् निगु लाख ८४ द्धः व १९६ म्हेसित संक्रमण पुष्टि जूगु दु ।
शुक्रवाः दकलय् अप्व संक्रमित पिहा वःगु देश ब्राजिल, अमेरिका, भारत, दक्षिण अफ्रिका व कोलम्बिया खः ।
ब्राजिलय् ६९ द्धः व ७४म्ह, अमेरिकाय् ६५ द्धः ४०६, भारतय् ५५ द्धः ७८म्ह, दक्षिण अफ्रिकाय् ११ द्धः व ४६म्ह व कोलम्बियाय् च्याद्धः व ६७० म्हसित कोरोना संक्रमण पुष्टि जुगु दु धका डब्ल्यूएचओं धाःगु दु ।
डब्ल्यूएचओया कथं शुक्रवाः छन्हु हे हलियकं खुद्धः व ८१२म्हसित कोरोना संक्रमण सी धूकुगु दु ।
डब्ल्यूएचओया प्रमुखं कोरोना महामारीया असर हलियकं ताः ई तक जुइगु महसुस दु धका धया दिगु दु ।
चीनय् सिनेमाघर चायेकल
लहनान्युज | दिल्लागा आमै ११४०,साउन ५ गते
चीनय् वःगु खुला तक बन्द जुया च्वंगु हल आः चाये त्यःगु दु । कोरोना भाइरस सङ्क्रमण फैलै जुइ धका रोके याना तःगु लकडाउन लिपा लिह वये कथं चीनं सिनेमाघर न चाये क्यत्यःगु खः ।
चिनियाँ चलचित्र प्रशासनं लकम जोखिम जूगु थाय् सिनेमाघर चाये क्यःगु अनुमति बिःगु दु । चीनया यक्को थासय् कम जोखिम जूगु थासय् वर्गीकरण याना दक्को सिनेमाघर चाये क्यत्यःगु खः ।
वःगु जनवरी महिनां सुरु जूगु लकडाउनं चीनया सिनेमाघर बालाक्क प्रभावित जुगु खः । सिनेमाघर चाःसा क्षमताया ३० प्रतिशत जक दर्शक तये दइगु ब्यवस्था याःगु दु ।
दर्शकया म्हया तापक्रम नापे यायेगु व सिनेमाघरया कर्मचारी दक्को सिया अनिवार्य मास्क तये माःगु ब्यवस्था याःगु दु । न्हुगु सुरक्षा नियम कथं सिनेमाघरय् नयेगु व पेय पदार्थ मिइ दइ मखू ।
सन् २०१९ य् चीनया चलचित्र बजं गुगू अर्ब डलर स्वया अप्व ब्यापार याःगु खः । चीनया देय् यकं खुसः स्वया अप्व सिनेमाघर दु ।
भारतय् छन्हु हे ३८९०२म्हेसित कोरोना संक्रमित
लहनान्युज | दिल्लागा चतुर्दशी ११४०,श्रावण ४ आइतवाः
भारतय् वःगु २४ घण्टाय् कोरोना भाइरसं ३८ द्धः व ९०२ म्ह संक्रमित जूगु दु । भारतया स्वास्थ्य मन्त्रालयं बिःगु जानकारी कथं आःतक भारतय् कोरोना भाइरसपाखे संक्रमित जूपि १० लाख ७७ द्धः ६१८म्ह थ्यःगु दु ।
वःगु २४ घण्टाय् भारतय् कोरोना भाइरसया कारण ५४३म्ह सीगु दु । थ्व नाप भारतय् कोरोना भाइरसपाखे सीपिनिगु ल्याः २६ द्धः ८१६म्ह थ्यःगु दु ।
भारतया महाराष्ट्रय् जक कोरोना संक्रमितपि स्वगू लाख स्वया अप्व दये धुकुगु दु । तामिलनाडुइ छगू लाख ६५ द्धः स्वया अप्वसित कोरोना भाइरसं संक्रमण जूगु दु । दिल्ली छगू लाख २१ द्धः स्वया अप्पसित कोरोना संक्रमितपि पिहा वःगु दु ।
भारतय् आःतक छगू करोड ३७ लाख स्वया अप्वसित नमुना परीक्षण याये धुकुगु दु ।
अथेहे भारतय् आःतक ६ लाख ७७ द्धः व ४२३म्ह संक्रमितपि डिस्चार्ज जुया छेँय् वने धुकुगु दु ।
