Display Style:
Column Style
अमिताभ बच्चनया भिं उसाँय् या लागि पूजा व यज्ञ यात
लहनान्युज | दिल्लागा अष्टमी ११४०,असार २९ सोमवाः
बलिउडया महानायक अमिताभ बच्चनयात कोरोना सङ्क्रमण जुइ वं भि उसाँय् या लागि भारतय् थी थी थासय् पूजापाठ यासे गन यज्ञ तक याःगु दु ।
अमिताभ बच्चन नाप काय् अभिषेक बच्चन, भौं ऐश्वर्या राय बच्चन व छय् आराध्या बच्चनयात न कोरोना सङ्क्रमण पुष्टि म्हिगः जूगु खः ।
अमिताभ बच्चनं शनिवाः चान्ह्य हे ट्वीट यासे थःत कोरोना सङ्क्रमण जूगु जानकारी बिःगु खः ।
कलकत्ताय् बच्चनया स्वास्थ्य लाभया कामना यासे यज्ञ याःगु खः । कलकत्ताया श्याम बजारय् च्वंगु महाद्यया थाय् मनू तयेस यज्ञ याःगु खः ।
अथेहे अल सेलिब्रेटी फ्रेन्ड्स क्लबया सदस्यपिन्स बेहालाया चौरस्ता थासय् तजिक पूजा याःगु खः ।
कलकत्ता बाहेक मुम्बई व मध्यप्रदेशय् न पूजा याःगु दु ।
अमिताभ बच्चनया भिं उसाँय् या लागि पूजा व यज्ञ यात
ऐश्वर्या व आराध्यायात नं कोराना संक्रमण
लहनान्युज | दिल्लागा सप्तमी ११४०,असार २८ आइतवाः
बलिउडया नांजाम्ह कलाकार अमिताभ बच्चनया परिवारयात हे कोरोना संक्रमण जूगु दु ।
न्हापा अमिताभ बच्चन व अभिषेक बच्चन यात जक कोरोना जूगु धका सामाजिक सञ्जाल पिहा वःगु खःसा आः भौ ऐश्वर्या राय व छय् आराध्यायात नं कोरोना संक्रमण जूगु पुष्टि याःगु दु ।
भारतीय संचार माध्यमपाखे अमिताभ व अभिषेक धुंकाः ऐश्वर्या व आराध्यायात नं कोराना संक्र मित जूगु धका सार्वजनिक याःगु दु ।
अमिताभ बच्चनया जहान जया बच्चनयात संक्रमण जूगु खनेमदुनि । बच्चन परिवार छेँजःपि संक्रमित जुइ धुंकाः अस्पताल भर्ना याःगु दु ।
लकडाउनया इलय् जक ८९म्ह यूएईलय् सीत
लहनान्युज | दिल्लागा सप्तमी ११४०,असार २८ आइतवाः
संयुक्त अरब एमिरेट्स यूएई न लकडाउनया इलय् जक ८९म्ह नेपाली तयेगु ज्यान वःगु दु ।
वःगु प्यलाया दुने थीथी कारणं ८९ म्हसिगु ज्यान वःगु दु धका यूएईया लागि नेपाली दूतावास धाःगु दु ।
उकि मध्ये २९म्हसित कोरोनाया कारण ज्यान वःगु धका धाःगु दु । कोरोनाया कारण ज्यान वपि मध्ये छम्हमिसा व नीच्याम्ह मिजंपि खः ।
वःगु लिपाःगु वाः निसे लकडाउनया इलय् तक यूएई ८९म्ह सीगु दु धक दूतावासं धाःगु दु । यूएई हे ४२म्ह सीपिनिगु अन्त्येष्टि अन हे याःगु धका दूतावासं धाःगु खः ।
अथेहे कोरोनाया कारण सीपि २९म्हसिगु न अन्त्येष्टि जुइ धुकुगु दु । बाँकी १८ म्ह मध्ये ११ म्हसिगु लास नेपालय् छ्वया हयागु धका दूतावासं धाःगु दु ।
बाँकी ७म्हसिगु लास आः न थीथी अस्पतालय् तया तःगु दु धका धाःगु दु ।
ट्रम्पं न तयेगु यात मास्क
लहनान्युज | दिल्लागा सप्तमी ११४०,असार २८ आइतवाः
अमेरिकी राष्ट्रपति डोनाल्ड ट्रम्पं कोरोना भाइरस महामारी सुरु जुइ धुका सार्वजनिक थासय् वयेत न्हापां मास्क तया वःगु दु । म्हिगः शनिवाः वाशिङ्गटन पिने वाल्टर रीड सैन्य अस्पताल वनेत ट्रम्पं मास्क तया वःगु खः ।
जनस्वास्थ्य विज्ञपिन्स कोरोना संक्रमणपाखे बचे जुइत मास्क तयेगु अनिवार्य जूगु धका धाःसा ट्रम्पं थुकियात पालना धाःसा मया । ट्रम्पं थः प्रतिद्वन्द्वी डेमोक्रेटिक नेता जो विडेनयात तक मास्क तया वयाच्वंगुलि मुखौटो तया वयाच्वम्ह धका हिस्यायेगु तक याःगु खः ।
तर म्हिगः शनिवाः ट्रम्पं ह्वाइटहाउसपिने वयेगु झ्वलय् मास्क तयेगु यासा बांलाइ धका धाःगु खः । ट्रम्पं, ‘जि गुवलय् न मास्कया विपक्षय् मखु । जिगु बिचारय् मास्क बांलागु खः, तर थुकिया ई व थाय् दइ धका धाःगु खः ।’
थ्व स्वया न्ह्य ट्रम्पं सार्वजनिक रुपं मेपिन्स खने दयेक, विशेष याना पत्रकारपिन्स खने दयेक तयेगु मयानागु खः धका धाःगु खः । तर शनिवाः ट्रम्पं हाकू मास्कय् पिहा वःगु खः ।
जोन्स हप्किन्स विश्वविद्यालयया कथं अमेरिकाय् ३२ लाख ४५ द्धः स्वया अप्वसित कोरोना संक्रमण पुष्टि जूगु दु सा अन छगू लाख ३४ द्धः स्वया अप्व मनू सी धूकुगु दु ।
विश्वविद्यालयया कथं हलियकं छगू करोड २६ लाख ७९ द्धः स्वया अप्वसित कोरोना संक्रमित पिहा वःगु धका धाःगु दु । कोरोना संक्रमणपाखे ५ लाख ६४ द्धः ३९४ म्ह सी धुकुगु दु ।
‘सुरमा भोपाली’ नांजाम्ह हास्य कलाकार जगदीप मन्त
लहनान्युज | दिल्लागा चौथी ११४०,असार २५ बिहीवाः
सुरमा भोपाली नामं नाजाम्ह बलिउडया वरिष्ठ हास्य कलाकार जगदीप मन्त ।
क्यान्सर ल्वयया पीडितम्ह जगदीप ८१ दँय बुधवाः चान्ह्य मुम्बई थःगु छेँय् हे मदुगु खः । थौं बिहीवाः अन्त्येष्टि याइगु जुगु दु ।
जगदीपया वास्तविक नां सैयद इश्तियाक अहमद जाफरी खः । वया काय् पि कलाकारद्वय जावेद व नावेद जाफरी खः ।
मदुम्ह जगदीपं प्यसः स्वया अप्व फिल्मय् म्हितिगु दु । सन् २०१२ या ‘गली गली चोर’ वयागु दकलय् लिपागु फिल्म खः ।
सन् १९७५ य् दय्कूगु शोले फिल्मय् वं सुरमा भोपालीया भूमिकाय् बलिउडय् तसक बय् बय् जूगु खः । वया लिपा सन् १९८८ य् ‘सुरमा भोपाली’ नाम हे फिल्म दयेकुगु खः, उकिइ जगदीपया मू भूमिका दुगु खः ।
जगदीपं सुरु बाल कलाकारया रुपय् मास्टर मुन्नाया रुपय् बीआर चोपडाया फिल्मय् ‘अफसाना’ म्हितिगु खः । वया लिपा ‘लैला मजनु’ य् न बाल कलाकारया रुपय् म्हितिगु खः ।
