अन्तर्राष्ट्रिय

Display Style:

Column Style

भारतय् २४ घण्टाय् ९० हजार ८०२म्ह कोरोना संक्रमित

लहनान्युज | ञंलागा ६ ११४०,भाद्र २३ मंगलवाः

कोरोना संक्रमितपि दकलय् अप्वो जुगु देय् मध्ये निगु थासय् लानाच्वंगु भारत कोरोना संक्रमण न्हिया न्हिथं अप्वोया वना च्वंगु दु ।

वःगु २४ घण्टाय् आःतक दकलय् अप्वो ९० हजार ८०२म्ह कोरोना संक्रमित थपे जुगु दु । थ्व नाप भारतय् कोरोना संक्रमितपि ४२ लाख ४ हजार ६१३म्ह थ्यःगु दु ।

वःगु २४ घण्टाय् भारतय् १ हजार १६म्ह संक्रमितपि सी धुकुगु दु विश्व स्वास्थ्य संगठनया तथ्यांकय् उल्लेख याःगु दु । आःतक भारतय् ७१ हजार ६४२ म्ह कोरोना संक्रमितपि सी धुकुगु दु ।

आः हलियकं दकलय् अप्वो कोरोना संक्रमण जूगु देय् या धलखय् निगु थासय् थ्यःगु दु ।

आःतक छन्हु हे छक्वलं ९० हजार ६३२म्ह कोरोना संक्रमित जूगु देय् भारत जक जुगु दु । अमेरिकाय् छक्वल ७४ हजार व ब्राजिलय् ६९ हजार तक संक्रमित पिहा वःगु दु ।

लिपाःगु तथ्यांक कथं अमेरिकाय् न्हि ४५ हजार संक्रमित पिहा वःगु दु सा ब्राजिलय् न वःगु २४ घण्टाय् ३० हजार संक्रमित पिहा वःगु दु ।

हलियकं छन्हुया दुने ४ हजार ८२०म्ह मन्त

लहनान्युज | ञंलागा ६ ११४०,भाद्र २३ मंगलवाः

हलियकं कोरोनाया कारणं न्हिया न्हिथं अप्वोया वना च्वंगु दु ।

विश्व स्वास्थ्य संगठनया कथं हलियकं २४ घण्टाय् कोरोनाया कारणं ४ हजार ८२०म्ह सी धुकुगु दु ।

विश्व स्वास्थ्य संगठनया कथं हलियकं थगु महामारी २१६ गु दय् थ्यःगु दु । कोरोनाया कारण आःतक सीपि ८ लाख ८१ हजार ४६४म्ह थ्यःगु दु ।

अथेहे संक्रमितपि २ करोड ७० लाख ३२ हजार ६१७म्ह थ्यःगु दु । अथेहे हलियकं कोरोना संक्रमितपि २ करोड ७० लाख ३२ हजार ६१७ म्ह थ्यःगु दु।

वःगु २४ घण्टाय् जक २ लाख ६५ हजार ८१८म्ह संक्रमित थपे जुगु दु ।

कोरोनाया कारण हलियकं आःतक ८ लाख ८१ हजार ४६४म्ह सी धुकुगु दु ।

हलियकं कोरोना संक्रमितपि २ करोड ७० लाख थ्यन

लहनान्युज | ञंलागा ६ ११४०,भाद्र २३ मंगलवाः

हलियकं कोरोना संक्रमितपिनिगु ल्याः आः २ करोड ७० लाख स्वया अप्वो जुइ धुकुगु दु ।

विश्व स्वास्थ्य संगठनया कथं आःतक विश्वय् कोरोना संक्रमितपि २ करोड ७० लाख ३२ हजार ६१७ म्ह थ्यःगु दु ।

वःगु २४ घण्टाय् २ लाख ६५ हजार ८१८म्ह संक्रमितपि थपे जुगु दु ।

कोरोनाया कारण विश्वय् आःतक ८ लाख ८१ हजार ४६४ सी धुकुगु दु ।

अमेरिका मास्क छ्यलिगु मयासा प्यलाया दुने ४ लाख स्वया अप्वइ नाघ्ने

लहनान्युज | ञंलागा ५ ११४०,भाद्र २२ सोमवाः

सावधानी अपने मयासा जनवरी १ तक अमेरिकाय् कोरोनाया कारण सीपि निगु गुणा अप्वोया ४ लाख थ्यनिगु धका वरिष्ठ स्वास्थ्य विद् पिन्स धाःगु दु ।

कोभिड–१९ सम्बन्धी तयार याःगु न्हुगु मोडलया कथं मेगु प्यलाया दुने अमेरिकाय् थप २ लाख २४ हजार मनूपि सी फुगु धका धाःगु दु ।

तर आवश्यक सावधानी, अथे धइगु मास्क तयेगु अनिवार्य यात धाःसा उगु क्षति जुइगुलि बच्छि कम जुइ फइगु युनिभर्सिटी अफ वासिङटन इन्सटिटिउटया हेल्थ मेट्रिक्स व मूल्यांकन विभागं पेश याःगु मोडलय् उल्लेख याःगु दु । तर थुकिया अःखः दक्को कडा मयासे त्वःतल धाःसा संक्रमण दर व सीपि अनुमान स्वया अप्वोइ धका चेतावनी बिःगु दु ।

कोभिड विरुद्ध सरकारं छु न रणनीति मयात धाःसा जनवरी १ तक सीपि ६ लाख २० हजार थ्यनिगु थ्व स्वया न्ह्यः आइएसएमइया रिपोर्टय् दुथ्याका तःगु दु । उग रिपोर्टया कथं मास्क तयेगु अस्वीकार याःु थाय् संक्रमण दर अप्वोगु धका धया तःगु दु । थ्व हे डिसेम्बर तक जुया च्वन धाःसा न्हि ३ हजार स्वया अप्वो मनू सी धका आइएचएमइ न धाःगु दु ।

वःगु छु दिं न्ह्यः अमेरिकाय् न्हुपि संक्रमित जुया वना च्वपि १८ निसे २४ दँयापिन्त स्कुल कलेज चायेवः अझ अप्वोया वःगुलि विज्ञपिन्स च्युता काःगु दु । अथेहे अगस्ट महिनाय् मिसोउरीय् जक उगु दँया मनू तयेत ७ हजार स्वया अप्वो कोरोना पोजेटिभ खने दुगु खः ।